Sumipa ng 7.9% ang Brent crude matapos magpatupad ang U.S. ng maritime blockade sa mga port ng Iran.
Nagdulot ito ng isa sa pinaka-magulong oil market setups ngayon, lalo na dahil sa matinding geopolitical tension.
Biglang Nag-init ang Washington — Sunog ang Oil Market!
Kritikal na ngayon ang sitwasyon ng Brent crude oil. Mula sa matindi nitong paglipad sa $115–$116 kada barrel nitong kalagitnaan ng Marso, tatlong linggo nang bumaba-baba ang presyo bago sumabog yung 7.9% daily candle ngayong araw na tuluyang nagpalit ng takbo ng market.
Malinaw ang dahilan. Noong April 13, inanunsyo ng U.S. Central Command na mahigpit nilang ipatutupad ang maritime blockade: bawal makapasok at makalabas ang mga barko sa Iranian ports — at effective agad ito. Lahat ng shipping, kahit anong bandera o may-ari pa, covered sa Arabian Gulf at Gulf of Oman.
Hindi naman sarado ang Strait of Hormuz kaya ang nasa 20% ng global oil supply ay tuloy pa rin. Pero dahil mismong Iranian ports ang naiipit, kumukuonti ang supply at nagsisimula nang tumaas ang insurance premiums ng shipping sa buong Gulf.
Nagbabago-bago pa ang sitwasyon at wala pang malinaw hanggang kailan magtatagal ang blockade. Nagbitaw na ng warning ang speaker ng parliament ng Iran at sinabing dapat “enjoy-in muna ng market ang kasalukuyang pump.”
Daily Chart: Parang Nagising Bigla ang Market Mula sa Tatlong Linggo na Pagbagsak
Mula mid-October hanggang February, dahan-dahan na tumataas ang Brent crude sa pagitan ng $60 at $72 (green box). Pero pagdating ng late February, sumiklab ang tension at halos dumoble ang presyo tapos naging $115–$116 (red box).
Pagkatapos ng peak na ‘yon, bumaba-baba na ang highs sa daily chart (yellow circles) — classic na sign ito ng distribution pattern na nagpapakitang humihina ang upward momentum. Ang daily MACD ay nasa ilalim pa ng zero, bearish pa rin ang histogram bars, at ang RSI ay nasa neutral level lang sa paligid ng 55–60, malayo sa overbought zone noong March rally.
Kaya naman, sulit ding pagtuunan ng pansin ang candle ngayong araw — pero sa totoo lang, hindi pa tuluyang nagpapalit ng trend ang daily chart. Wala pang bullish crossover sa MACD, kaya kailangan pa ng kumpirmasyon ang rally na ito.
4-Hour Chart: Pasok na ang mga Short-Term Bulls
Pag-zoom in mo sa 4-hour chart, mas maganda ang picture. Nag-cross na bullish ang MACD at lumalakas ang green histogram (yellow circle). Malakas na rin ang recovery ng RSI mula sa halos oversold level noong April 7–8 (blue ellipse).
Swak ang short-term momentum na ‘to sa kabuuang epekto ng geopolitics ngayong araw. Pero tandaan: nangyayari pa rin ito sa loob ng bearish structure ng daily chart — mukhang bounce lang ito sa downtrend hanggang may malinaw na reversal.
May tatlong malalakas na resistance zone sa taas. Yung current battle zone nasa $103–$105, dito lumalaban ang presyo ngayon. Kapag naputol ‘to, next target ang $108–$110, tapos yung all-time spike na $113–$116 (red box) na major resistance na talaga.
Sa ilalim naman, pinaka-critical support zone ang $93–$96 (green box) — ilang beses na rin ini-hold ito kaya bawal bibitawan ng bulls. Kapag nabutas pa ‘yan, $78–$80 na ‘yung last major support at baseline ng presyo bago pa magsimula ang gulo.
Big wild card dito yung headline risk. Masyadong mabilis magbago ang galaw ng market depende sa balita — hindi kaya i-account ng technicals kapag biglang umatake uli ang Iran o may biglang peace deal. Kailangan mas maging alerto, at bantayan ang news bukod pa sa chart levels.
