Matagal nang hirap ang mga altcoin na makabuo ng tuloy-tuloy na uptrend nitong mga nakaraang buwan. Maraming investor ang nagsimula mag-accumulate ng iba’t ibang altcoin nitong Q2 at unang kalahati ng Q3 2025, umaasang makakakuha sila ng malaking gain kapag nag-recover ulit ang Bitcoin. Pero hindi nangyari ang inaasahan nila — nag-rally nga ang Bitcoin, pero natambak lang ang karamihan ng altcoins.
Noong panahon na ’yon, hindi pa rin umalis ang capital sa mga altcoin kahit kakaunti ang posibilidad na tumaas ang presyo. Karamihan sa mga investor nag-HODL pa din, umaasang magkakaroon ng delayed rotation. Pero imbes na kumita, lalo pang humina ang mga altcoin kumpara sa Bitcoin.
Kaya ngayong exclusive na interview ng BeInCrypto kay Michaël van de Poppe, tinalakay niya kung anong pwedeng matutunan mula sa nakaraan para malaman ang direksyon ng altcoin market pagdating ng 2026.
Altcoin Season na Ba?
Noong October 2025, sandaling nagbago ang market sentiment. Ilang altcoin ang biglang sumipa, at muling pinag-usapan na baka nagsimula na ang altcoin season. Pero mabilis ding nawala ang momentum, bumalik agad ang presyo, at nabura ang gains kaya lalong naging duda ang marami sa market.
Gusto mo pa ng ganitong klaseng token insights? Mag-subscribe sa Daily Crypto Newsletter ni Editor Harsh Notariya dito.
Simula noon, lalo pang lumala ang frustration ng mga tao. Patuloy na bumabagsak ang presyo ng altcoins kumpara sa Bitcoin pairs. Ikinumpara ni Michaël van de Poppe ang market ngayon sa Q3 2019 at gitna ng 2015, at sinabi niyang ramdam ang pagod ng mga investor na nanonood lang habang mas maganda ang galaw ng ibang assets — pero baka matapos na ito pagpasok ng 2026.
“Sa tingin ko next year pwede nang mabago ang pattern na ito, at yung mga investor na marunong maghintay at willing sumugal sa Web3 ecosystem ay pwedeng magka-reward. Kaya pipiliin mo dapat ang tamang crypto protocols na pwedeng magbigay ng positive return,” sabi ni Michael.
Ano Dapat Tutukan ng mga Investor?
Binigyang-diin ni Michael na dapat base sa fundamentals ang pagbuo ng portfolio, hindi lang sa kung anong uso o kwento. Nagbabala siya na kapag sunod ka lang ng sunod sa mga trending sectors o nagsusugal sa isang “favorite” protocol, nagdadagdag ka ng risk. Madalas na nagbabago ang leaders ng market ng walang warning, lalo na kapag nasa magulong parte ng cycle.
Imbes na sumabay sa hype, mas pinapriority niya ang mga protocols na tuloy-tuloy ang development. Mas mahalaga raw ang laki ng ecosystem, actual usage, at progress ng project — hindi lang short-term price performance. Ayon kay van de Poppe, dito rin tumataas ang valuations pag naging stable na ulit ang sentiment.
“Tinitignan ko yung mga protocols na talagang gumagawa ng technology na kailangan sa buong on-chain ecosystem — at yung activity, total value locked, at revenue nila, tuloy-tuloy ang growth,” paliwanag ni Michael.
Binanggit niya ang Arbitrum (ARB), Chainlink (LINK), at Near Protocol (NEAR) bilang halimbawa. Kahit mahina ang market sa kabuuan nitong huling taon, steady pa rin ang development at progress ng mga ecosystem nila. Kahit nahuhuli ang presyo, hindi sila tumigil mag-build.
Sa tatlo, panalo talaga ang Chainlink. Sa data, kita na si LINK ang may pinaka-malaking improvement kumpara sa ARB at NEAR. Dahil sa tuloy-tuloy nilang expansion, na-launch ang LINK ETF — kaya mas lumakas ang kumpiyansa ng malalaking players na supportive talaga ang fundamentals ng project.
Usong-uso Kaya Itong Mga Crypto Narrative Pagsapit ng 2026?
Kung macro ang titingnan, tutok pa rin si van de Poppe sa artificial intelligence, decentralized finance, infrastructure, at DePIN. Sa tingin niya, malaki ang chance na ma-unlock ang next growth ng mga sector na ito kapag naging mas malinaw ang mga regulasyon. Lalo na raw yung CLARITY Act — pwede raw nitong palakasin ang participation sa DeFi.
“Bukod pa doon, sa tingin ko magiging mas matindi yung koneksyon ng AI at Blockchain, tapos ang DePIN (storage at robotics din) baka lumipad kapag mas naging integrated pa ang AI dyan sa mga systems,” dagdag pa ni Michael.
Kahit promising ang outlook, medyo challenging pa rin base sa market data. Pumasok ang mga DePIN tokens sa 2025 na may combined market cap na $29.33 billion. Ngayon, nasa $11.97 billion na lang yan base kay CoinGecko — ibig sabihin, limitado pa rin ang demand mula sa mga investor.
Ganon din ang nangyari sa mga AI crypto assets. Bumagsak ang combined market cap nila mula $52.3 billion papuntang $19.9 billion nitong nakaraang taon. Kitang-kita dito yung gap sa pagitan ng matinding long-term potential at ang mas mahina pang adoption ngayon.
Paano Magbawas ng Lugi ang mga Investor?
Pagtingin pa-abante, binigyang-diin ni van de Poppe ang kahalagahan ng tamang risk management. Inamin niyang tuloy-tuloy pa rin ang bear market risks, pero sabi niya, matagal na ring dumadaan ang crypto sa malupit na apat na taon na pagbagsak. Para sa kanya, ang tamang galaw ngayon ay maghintay at magtiis, imbes na sumugal nang todo.
“…ang gameplan ko, paninindigan ko muna ang kasalukuyan kong portfolio sa markets, at may parte nito na actively kong tinitrade — kaya may flexibility pa rin akong lumabas ng markets kung kailangan. Para sa kahit sinong investor, dapat malinaw sa iyo ang invalidation levels — pwedeng fundamental, hindi lang technical — kung saan mo plano mag-exit kung kailangan,” paliwanag ni Michael.
Karamihan ng mga recent na bagsak ng Bitcoin ay nangyari dahil sa mga liquidation na sunod-sunod, hindi dahil tuloy-tuloy na benta. Base sa CoinGlass, humigit-kumulang $2.58 billion ang na-liquidate sa longs na halos lahat ay nasa ilalim ng $86,000 level. Nagsilbing pansamantalang pampabagal ng bagsak ang area na ‘yan.
Kaya pag lumalapit ang Bitcoin sa level na ‘yan, mas mag-ingat na ang mga trader. Kapag nabasag ang support na ‘yan, puwedeng magdikit-dikit ang pagbebenta at damay ang mga altcoin sa bagsak. Sa ganitong sitwasyon, mas okay na mag-exit muna ng positions. Hangga’t hindi pa bumabagsak ang support, kailangan pa ring maghintay at magtiis ng mga altcoin investor habang nire-reset ng markets ang expectations.
