Inulit ni Andrew Yang — dating presidential candidate noong 2020 — ang panawagan niya na buwisan ang AI sa interview niya sa CNBC’s Power Lunch. Sabi niya, mas bagay na buwisan ng gobyerno ang artificial intelligence (AI) kaysa kumukuha pa sila ng payroll tax sa mga empleyado.
Si Yang, na nag-cofound ng Forward Party at ngayon CEO ng Noble Mobile, nagsabi na maraming kumpanya ang umiiwas na magbayad ng payroll taxes at healthcare dahil mas pinipili nilang gumamit ng AI kaysa kumuha ng bagong tao.
Push ni Andrew Yang Para sa AI Tax
Nakilala si Yang bilang politiko na maagang nagbabala tungkol sa automation noong 2020 campaign niya. Inalok niya ang universal basic income na tinawag niyang Freedom Dividend. Sinuportahan din niya ang pag-adopt ng cryptocurrency at mas malinaw na digital asset rules habang tumatakbo siya bilang kandidato.
Pareho lang din ang naging punto niya noong March, kung saan sinabi niya sa interview sa CNBC’s Squawk Box na dapat itigil na ng gobyerno ang pag-oopres ng labor gamit ang buwis. Lumalakas na rin ang pag-aalala sa job displacement dahil sa AI sa mga senador ng US.
Kinuwento ni Yang ang tungkol kay Anthropic CEO Dario Amodei na nagpropose ng 3% tax sa revenue na kinikita ng AI simula 2025. Sabi ni Amodei, ang buwis na ‘yon ay ipapataw tuwing may kinikita ang isang AI model.
Sabi ni Yang, dapat lahat ng AI ay covered ng ganitong sistema. Pero nilinaw din niya na dahil dito, mapipilitan ang mga kumpanya na ikumpara ang gastos sa AI at gastos sa pag-hire ng tao.
Anong Sinasabi ng Data?
Ayon sa survey ng CNBC at Generation Lab na lumabas nitong August 13 at tinanong ang mga Amerikano na edad 18 hanggang 34, nasa 45% ang takot na baka makasama sa trabaho nila ang AI, habang 10% lang ang naniniwala na makakatulong ito sa career nila.
Ang mga executive ng Bridgewater Associates na sina Greg Jensen at Nir Bar Dea ay nagsulat ng opinion piece sa New York Times. Sabi nila, pwede raw mawala ang 18% ng mga trabaho sa US sa loob ng limang taon dahil sa AI.
Ginamit ng dalawa yung estimate na ‘yun para i-push ang sarili nilang AI token tax proposal, na kahawig din ng sinabing buwis ni Amodei. Sa ngayon pa lang, nakikita na raw ang epekto sa customer service. Nasa 2.9 million na Amerikano ang nagtatrabaho sa sector na ito, ayon sa US Bureau of Labor Statistics.
Pinropose ni Yang na direkta na mapunta sa mga workers bilang cash checks ang kikitain mula sa buwis na ito. Sabi niya, bihira namang makatulong ang mga retraining programs para makahanap ng bagong career ang mga tinamaan ng AI. Tinuro niya bilang example yung nangyari noon sa mga coal miner at warehouse staff, na karamihan ay hindi naging successful sa retraining.
