Kumpirmado ng Anthropic na nagkaroon sila ng malakihang billing error matapos subukang singilin ang isang South Korean user na naka-free tier ng $16.6 million, kahit wala naman siyang API usage at walang naka-register na card.
Dahil sa fake na invoice na ‘yon, na-block ang credit card niya at inabot ng apat na araw ang hirap sa support bago sinagot ng kumpanya.
Ang Totoong Kwento sa Likod ng $16.6 Million Phantom Invoice ng Anthropic
Ang phantom invoice ay parang invoice na lumalabas sa billing system pero wala namang totoong transaction o usage na nangyari. Ganyan mismo ang naranasan ng isang Korean developer na si remy_notes noong unang bahagi ng July. Nag-viral agad ang kwento niya matapos niyang i-share ang screenshots sa Threads.
Noong July 7, dumating ang unang invoice sa kanya na umabot ng $1,669,875. Wala pang 24 hours, may sumunod na invoice ulit pero halos sampung beses na mas malaki: $16,627,739 na! Lahat ‘to nangyari kahit wala talagang activity sa account niya.
Sundan kami sa X para updated ka sa mga latest crypto news, real time!.
Akala niya una phishing scam lang ‘to, pero galing talaga ang emails sa official domain ng Anthropic at gamit pa nila ang legit na Stripe system ng kumpanya.
Makikita rin sa dashboard niya na zero ang API usage, walang billable keys, at walang payment method or card na naka-link. Ni-review pa niya lahat ng automation scripts at AI agents na ginamit niya, pero wala siya nakita na pwedeng magpaliwanag bakit siya siningil.
Sinubukan ding mag-charge ng dalawang beses sa card niya noong July 8, pero dinecline ng bangko niya dahil sobra raw sa allowed na per transaction. Kahit ganoon, na-block na ang main credit card na gamit niya.
Ano ang Sanhi ng Billing Error, Ayon sa Anthropic?
Kumpirmado ng Anthropic na nagkamali talaga sila noong July 12 at siniguro nilang walang na-collect na pera. Sabi ng kumpanya, nagkaproblema dahil sa automatic credit reload setting kaya nagsend ng maling invoice, at agad naman nilang ni-disable ito bilang precaution.
Nilinaw din nila na walang unauthorized access na nangyari. Pero hanggang ngayon, hindi pa rin nila naipapaliwanag kung paano naging sobrang laki ng reload value.
Pero hindi naging madali ang solusyon. Inabot ng apat na araw at halos 18 emails pinadala ng user para lang magkaroon ng written proof na walang epekto ang erroneous invoices. Ang nakatanggap lang niya ay automatic replies, walang totoong tao sumasagot. Sa huli, kinailangan pa niyang mag-demand na sumagot ang Anthropic bago maghapon ng Lunes, oras sa Korea.
Pinakita rin ng sitwasyong ito na lumalaki talaga ang problema sa buong industriya. Sa isang audit ng startup na Vaudit, sinuri nila ang $34 million na AI invoices mula sa 60 enterprise clients at nakita nila na nasa $1.7 million ang sobra ang singil. Nasa 5% ang error rate, at karamihan ay may kinalaman sa billing system ng AI providers. Kasama sa mga naapektuhan ang malalaking kumpanya tulad ng Panasonic, HP, at Honda.
Para sa mga user, madali lang ang aral dito. I-check lagi ang billing dashboard, bantayan ang mga card notifications, at agad i-report kapag may hindi normal na charge para hindi ka mapasubo sa financial na problema.
Mag-subscribe sa YouTube channel namin para mapanood ang insights ng mga crypto leaders at journalists!.
