Naglagay ng limit ang Apollo Global Management sa pag-withdraw ng investors mula sa isa sa pinakamalaki nilang non-traded private credit fund, ang Apollo Debt Solutions.
Ayon sa liham para sa shareholders, hanggang 5% lang ng outstanding shares ang puwedeng ma-withdraw, kahit nasa 11.2% ng shares ang gusto sanang kunin ng investors. Ginawa ito ng Apollo kasunod ng mga katulad na limitasyon sa iba pang private credit funds nitong mga nakaraang linggo, at lalo pang tumitindi ang kaba sa $1.8 trillion private credit market.
Gumawa rin ng katulad na galaw ang BlackRock—naglagay sila ng 5% cap sa kanilang $26 billion HPS Corporate Lending Fund noong unang bahagi ng March, matapos umabot ng 9.3% ng net asset value ang mga withdrawal requests.
Sa kabilang banda, ang Blue Owl Capital permanenteng tinanggal ang quarterly redemptions sa Blue Owl Capital Corp II (OBDC II), na para talaga sa retail investors. Pinalitan ito ng periodic distributions na galing sa mga asset sales.
Dumadami ngayon ang requests ng investors na mag-withdraw dahil nababahala sila sa dami ng mga loans na ibinigay ng lenders sa software companies. Mas lalo pang naiipit ang sector dahil ngayon, pinipressure ito ng disruption sa artificial intelligence (AI).
Lalo pang nadagdagan ang kaba dahil pati malalaking financial institutions gumagalaw na rin. Binibigyan nila Goldman at JPMorgan ang kanilang hedge fund clients ng paraan para i-short ang private credit market.
I-follow kami sa X para lagi kang updated sa crypto news!
Samantala, binaba ng Moody’s ang rating ng FS KKR Capital Corp. (FSK)—operated nila Future Standard at KKR & Co.—mula Baa3 papuntang Ba1.
“Ibinaba namin ang rating dahil patuloy na malaki ang problema ng FSK pagdating sa asset quality, kaya humina ang kita nila at mas nabawasan ang net asset value nila kumpara sa iba pang business development company (BDC). Bukod dito, nakita naming mataas ang leverage ng FSK kumpara sa ibang players, at hindi masyadong senior-oriented ang mga assets nila. Tumaas din ang dependence ng FSK sa secured debt at lampas na ito sa mga kakumpitensya—at mukhang magtutuloy-tuloy ito. Pero, maganda naman ang liquidity ng FSK ngayon—malaki pa ang magagamit nilang revolver at maganda ang schedule ng mga unsecured debt maturity nila,” ayon sa paliwanag ng Moody’s.
Lahat ng galaw na ‘to ay nagpapakita ng patuloy na lumalalang pressure sa private credit market. Habang pataas ang requests ng investors para mag-withdraw at patuloy naman ang AI-driven disruption sa software loans na naging backbone ng sector, lumalaki ang problema dito.
Kung paano mag-handle ng mga fund managers sa susunod na quarter—lalo na habang naglalaban ang demand ng investors para sa liquidity at portfolios na mostly illiquid assets ang laman—doon malalaman kung mananatiling controlled ang stress o lalo pa itong lalala.
