Walang net inflow na naitala ang unang US spot Avalanche (AVAX) exchange-traded fund (ETF) sa mismong unang araw ng trading nito, habang yung ibang malalaking altcoin ETF patuloy na nakakahatak ng bagong kapital.
Nag-launch ang ETF sa panahon na medyo maingat pa rin ang market at karamihan ng investors ay nagpapakatatag dahil sa dami ng macroeconomic na uncertainties ngayon.
Nag-launch na ang AVAX ETF, Pero Mukhang ‘Di Pa Kagat ng Investors
Nagsimulang mag-trade ang VanEck Avalanche ETF sa Nasdaq noong January 26, 2026, gamit ang ticker na VAVX. Sa kanilang official announcement, sinabi ng asset manager na hindi muna sila maniningil ng sponsor fees para sa unang $500 million na assets ng fund, o hanggang February 28, 2026 — alin mang mauna. Pagkatapos ng yugto na ‘yon, 0.20% na sponsor fee na ang sisingilin nila sa ETF.
Kahit ganun, mukhang medyo naging malamig ang market sa unang araw. Batay sa data mula SoSoValue, umabot sa halos $333,970 ang trading volume ng VAVX noong first day, at umabot naman sa $2.41 million ang total net assets nito.
Pero wala talagang net inflow na pumasok sa fund sa mismong debut nito, na nagpapakita na hindi agad-agad interesado ang maraming investors. Nakikita dito ang pagbabago ng galaw ng market.
Pagbalik ni Donald Trump sa White House, nagmadaling magsumite ng maraming altcoin ETF applications ang mga asset manager. Noong una, bullish ang expectations sa mga product na ‘to. In-expect ng marami na magkakaroon ng malakas na inflow, lalo na dahil mas accessible na ang crypto sa traditional na paraan ng investments.
Pero, nawala na yung hype. Dahil sa tumitinding macro uncertainty at geopolitics, naging defensive na uli ang sentiment ng investors.
Dahil maraming investors at analysts na nagsasabi na bear market ang peg ng market ngayon, mas dumarami ang kapital na lumilipat sa mga asset na tingin nila ay ‘safe haven.’ Kaya ang mga crypto-focused products, medyo nahihirapan makahikayat ng tuloy-tuloy na interest.
Pero hindi ibig sabihin na totally nawala ang demand. Batay sa data ng SoSoValue, nitong Monday nakarating sa $6.84 million ang inflows ng Bitcoin (BTC) ETFs — in-break nila yung five-day outflow streak.
Bukod pa dun, Ethereum (ETH) ETFs may inflow na $116.99 million. XRP (XRP), Solana (SOL), Dogecoin (DOGE), at Chainlink (LINK) ETFs din, may mga pumasok na capital kahit konti. Pero para sa Litecoin (LTC) at Hedera (HBAR) ETF, wala talagang inflows pumasok.
Ibig sabihin nito, hindi naman totally bagsak ang demand sa ETF — pero lumiit ang appetite ng investors. Sa ganitong sitwasyon, mukhang hindi na masyadong willing ang mga traders na sumugal sa risk, kaya pinipili nila kung anong produkto lang babakbakan at sobrang doble ingat sila ngayon.
“Malaki ang ibig sabihin na zero net inflows sa debut ng VAVX, puwede i-list ng Wall Street ang ETF, pero kung hindi gagalaw ang capital ng investors, malinaw na mababaw pa rin ang adoption ng Avalanche. Mukhang hinihintay pa ng traders ang totoong catalyst,” ayon kay crypto influencer Zia ul Haque sa kanyang X post.
Kahit medyo mabagal ang simula sa market, meron pa ring analysts na nagsa-suggest na dapat hindi maliitin ang long-term effect ng ETF. Pinunto ni crypto analyst Kaleo sa kanyang X na kahit parang hindi malaki ang impact ngayon, puwedeng maging dahilan ito para gumalaw ang market kapag mas gumanda na ang overall conditions.
Sa kabilang banda, parang hindi na nagtutugma ang price ng market at yung on-chain developments. Kahit nabitin ang inflows sa AVAX-related investments, nagliliparan ang activity sa mismong Avalanche network.
Makikita sa on-chain data na tumaas ng halos 2000% ang daily active users ng Avalanche C-Chain nitong January. Ibig nitong sabihin, lumakas nang sobra ang user engagement sa network.
Ipinapakita ng ganitong agwat na malaki pa rin ang challenge kung paano binibigyan ng value ng market ang altcoin ETFs ngayon. Kahit nakatulong yung mga regulated investment product sa long-term adoption at institutional entry, yung short-term performance ng market, nakadepende pa rin sa macro, risk appetite, at kung paano umiikot ang kapital sa market.
Sa ngayon, hindi pa sapat na lumakas lang ang Avalanche network metrics para magdala agad ng inflows o price rally, lalo na sa market na medyo takot sa risk.
