Lima sa pinakamalalaking US tech companies ang magre-release ng quarterly results ngayong linggo. Puwedeng maapektuhan ang Bitcoin (BTC) at buong crypto market depende sa resulta, lalo na’t mas dikit ngayon ang galaw ng digital assets at Nasdaq stocks.
Ire-release ng Microsoft, Alphabet, Meta, at Amazon ang kanilang Q1 earnings pagkatapos ng trading sa Miyerkules, April 29, tapos susunod ang Apple sa Huwebes. Tutok ang investors kung gaano kalaki ang kita, profit margin, at plano sa gastos para sa AI projects hanggang sa katapusan ng 2026.
Gastos ng Big Tech para sa AI Magiging Malaking Factor
Ayon sa mga eksperto, ang guidance sa capital expenditure (capex) o planong gastos ng mga kumpanya, ang pinaka-pinapansin na ngayon ng market kumpara sa headline earnings report. Meta ay nag-set ng target spending sa AI at infrastructure mula $115 billion hanggang $135 billion para sa 2026—tataas ito ng hindi bababa sa 59% kumpara noong nakaraan taon.
Samantala, ang Microsoft naman, balak gumastos ng halos $146 billion para sa AI at cloud infrastructure sa fiscal 2026.
Tuloy-tuloy ang Alphabet sa capex range na $175 billion hanggang $185 billion. Ang Amazon naman, target gumastos ng $200 billion, na mas mataas ng mahigit 50% kaysa sa 2025.
Sa kabuuan, inaasahang lalagpas sa $160 billion ang AI spending ng mga malalaking tech company ngayong quarter pa lang.
Mas Dikit na ang Galaw ng Bitcoin at Nasdaq
Tumaas sa 0.52 ang average correlation ng BTC sa Nasdaq 100 nitong 2025, mas mataas kaysa 0.23 noong nakaraang taon. Mas lalo pang naging magkadikit ang trends nitong unang bahagi ng 2026, kung saan may analyst na nag-track ng rolling correlation na 0.75 noong January.
Nagkaroon na agad ng epekto ito ngayong taon. Noong naglabas ng earnings report ang Microsoft nitong January at nakita ng market na problematic ang AI spending, bumagsak ng mahigit 10% ang stocks nito sa after-hours trading. Sumabay ding bumaba nang saglit ang Bitcoin hanggang nasa $83,460.
Puwedeng mangyari ulit ito kung hindi maganda ang capex/gastos ng kahit isa sa mga limang tech company. Pero kung malakas ang resulta, posibleng tumaas ang risk appetite at magliparan ang stocks at crypto sa susunod na mga araw.
