Natanggal sa trabaho ang hindi bababa sa lima sa compliance investigations team ng Binance matapos nilang i-flag internally ang mahigit $1 billion crypto transactions na iniuugnay umano sa mga entity mula Iran, ayon sa Fortune.
Ang mga transaksyong ‘to ay nangyari raw mula March 2024 hanggang August 2025. Ginamit dito ang Tether’s USDT stablecoin at dumaan sa Tron blockchain.
USDT sa Tron: Paulit-ulit na Ba Ito Para sa Iran?
Nagsimula raw ang pagtatanggal ng empleyado bandang huli ng 2025. Marami sa mga natanggal ay may background sa law enforcement at senior pa sa kanilang investigative roles.
I-report din ng Fortune na bukod sa mga natanggal, may apat pang senior compliance staff na umalis o pinatanggal ng kumpanya nitong mga nakaraang buwan.
Ang halos $1 billion USDT na gumalaw sa network ay dumaan sa Tron — at ganitong combo ang paulit-ulit na lumalabas tuwing may sanctions enforcement na may kaugnayan sa Iran.
Ngayong buwan, nag-sanction ang US Treasury’s Office of Foreign Assets Control (OFAC) sa dalawang UK-registered crypto exchange, Zedcex at Zedxion. Sinasabing halos $1 billion ang nagalaw nilang transactions na konektado sa Islamic Revolutionary Guard Corps (IRGC) ng Iran.
Ayon sa OFAC at mga report mula sa blockchain analytics gaya ng TRM Labs at Chainalysis, karamihan din sa mga aktibidad na ‘yun ay involve ang USDT sa Tron.
Hiwalay pa rito, nag-report ang BeinCrypto nitong January na ang central bank ng Iran ay bumili ng mahigit $500 million USDT dahil sa bagsak na halaga ng Iranian rial. Sabi ng blockchain analytics firm na Elliptic, ginawa raw ito para makakuha ng dollar liquidity sa labas ng traditional banking system — basically, parang gumawa sila ng sarili nilang dollar reserve.
Pinapakita ng mga sitwasyong ito na naging sentro na talaga ang mga stablecoin — lalo na ang USDT — sa galawan ng pera na may kaugnayan sa Iran, lalo na sa mga cross-border na transaksyon.
Hindi pa naglalabas ng pahayag ang Binance kung nilabag nga ba ng mga nabanggit na Iran-linked transactions ang sanctions laws, at wala ring regulator na nag-anunsyo ng panibagong enforcement laban sa kumpanya tungkol sa isyung ito.
Pero nangyayari itong issue habang mas pinapansin na ngayon ang stablecoin infrastructure at ang papel ng mga crypto exchange sa mga kwestyon na may kinalaman sa geopolitical sanctions.
