Pinalaki ng Binance ang institutional loan product nito: mas mataas na leverage, mas maraming puwedeng gumamit, at may fixed-rate na options na ngayon — kahit nababalitang nagbabalak umalis ang chief compliance officer (CCO) nila.
Dati, hanggang 4x lang ang max leverage, pero tumaas na ito sa 5x para sa lahat ng qualified risk units. Lahat ng KYB (Know Your Business)-verified na kliyente sa VIP 1 pataas ay puwede nang mag-apply, dati kasi VIP 5 pataas lang ang puwede.
Ano’ng Binago sa Binance Loan Terms?
Tumaas din ang initial loan-to-value (LTV) ratio mula 75% papuntang 80%, habang ang transfer-out LTV umakyat sa 83%. Nasa 85% pa rin ang margin call, at 90% ang liquidation threshold.
May option na rin ngayon sa Binance para sa fixed-rate na term loans na puwede mong piliin kung 30, 60, o 90 days ang gusto mo. Kapag umabot na sa expiry tapos di nabayaran, automatic na lilipat ang balance mo sa variable rate na applicable sa panahon na yon.
Ipinromote ni Co-CEO Richard Teng ang mga pagbabagong ‘to, at sinabi niyang patuloy na nagtataas ng standards ang exchange para sa mga institutional clients.
Kinumpirma din ng Binance VIP account na automatic nang na-upgrade ang mga existing clients.
Compliance Leadership Nai-stress
Habang nangyayari ang update na ito, nababalitang pinaguusapan daw ng Chief Compliance Officer na si Noah Perlman ang posibilidad na umalis na siya sa Binance.
Ayon sa isang Bloomberg report, sinabi ng Binance na wala pang definite na exit date si Perlman at wala pa ring napipiling kapalit.
Kasama pa dito, ilang senior compliance staff na rin ang umalis – kasama ‘yung mga tumututok sa sanctions, investigations, at pagmo-monitor ng financial crime.
Pumasok si Perlman sa Binance noong 2023 pagkatapos ng $4.3 billion settlement ng kumpanya sa U.S. authorities.
Sabi ng kumpanya, nadagdagan nila ng lampas 30% ang compliance-related staff mula January 2023 hanggang June 2025, at nabawasan nila ng 97% ang illicit exposure nila sa parehong yugto.
Masusubukan sa mga susunod na buwan kung kakayanin ng Binance panatilihin ang improvements na ‘to kahit may mga umaalis na empleyado, lalo na’t dito babasihan ng mga regulators kung kumusta talaga ang compliance ng exchange.
