Patuloy na naiipit ang presyo ng Bitcoin dahil sa matinding pressure at hirap nitong mabawi ang $70,000 level. May makapal pa ring downtrend na naglilimita sa gain ng BTC nitong mga nakaraang linggo.
Kung pagbabasehan natin ang historical cycle data at mga kasalukuyang on-chain signals, mukhang hindi pa tapos ang bearish market. Kahit may short-term rally paminsan-minsan, nagpapakita ang structural indicators na posible pa ring maipit ang Bitcoin sa ilalim ng $70,000 level.
History ng Bitcoin, Mukhang Tuloy pa rin ang Pressure
Malaki ang naitutulong ng Pi Cycle Top Indicator para maintindihan ang kasalukuyang phase ng Bitcoin. Ginagamit ng indicator na ito ang 111-day moving average at dalawang beses ng 350-day moving average. Kapag sobrang lapit ng dalawang averages na ito, senyales itong overheated na ang market.
Sa kabilang banda, kapag malayo ang pagitan ng mga moving averages, tinuturing na undervalued ang asset. Sa cycle ngayon, hindi lumalabas na ganoon ang sitwasyon—parang nasa gitna ng mas malawak na bearish phase ang Bitcoin dito.
Kung titignan din ang history, umaabot nang isang taon o mahigit pa ang mid-cycle bearish periods tuwing four-year cycle ng Bitcoin. Sa mga nakaraan, ganito rin ang naging structure kaya hindi makalipad agad ang BTC bago tuluyang mag-recover.
Ngayon, yung pagitan ng 111 SMA at 350 SMA x2 ay nagpapakita pa rin ng tuloy-tuloy na bearish na market kaysa sa sign na paparating ang recovery.
Gusto mo pa ng ganitong token insights? Mag-sign up sa Daily Crypto Newsletter ni Editor Harsh Notariya dito.
Mas pinapalakas pa ng Spent Output Profit Ratio (SOPR) ang maingat na pananaw sa market. Nasa ilalim ng 1 ang SOPR, which means marami pa ring nagbebenta ng Bitcoin nang lugi. Kapag tuloy-tuloy na mababa sa 1, ibig sabihin kakaunti lang ang kumikita sa mga trade sa market ngayon.
Dahil dito, nahihirapan talagang mag-recover ang BTC. Ang pagbebenta ng mga Bitcoin investor nang malugi ay madalas dahil sa takot. Hangga’t hindi tumataas at stable sa taas ng 1 ang SOPR, mahirap asahan na magkakaroon ng solid na momentum paakyat ang presyo ng Bitcoin.
Tuloy ang Bagsak ng Presyo ng BTC
Nasa $66,443 ngayon ang Bitcoin, at mukhang naiipit pa rin sa ilalim ng pababang resistance line na halos isang buwan nang aktibo. Ilang beses nang tinangkang i-break ang barrier na ‘yan pero laging nabibigo, dahilan para makita pa rin ang kahinaan ng BTC. Hangga’t walang malakas na buying pressure, posible pa ring ma-trap si BTC sa ilalim ng trendline na ‘yan.
Pinapakita rin ng Money Flow Index na mas madami talaga ang nagbebenta kaysa bumibili. Malinaw sa MFI readings na mas malakas ang capital outflows kumpara sa inflows. Dahil pa ito sa global macro uncertainties at mga geopolitikal na isyu, kaya mas nagiging maingat ang mga trader at hindi agad-agad nag-a-accumulate nang malaki.
Dahil sa ganitong market conditions, posible pa ring gumalaw si Bitcoin sa loob lang ng makitid na range. Kung bababa ito sa $65,000, puwedeng matest ang $62,893 support. Na-test na ‘yang level na ‘yan dalawang beses ngayong linggo, kaya mas nagiging risky kung lumakas pa ang benta.
Pero kung magbago ang overall sentiment sa global market, possible naman na maiba ang takbo. Kapag na-hold ng Bitcoin ang $66,224 support at may bagong pumasok na buying volume, puwede nitong itest ang $68,830 resistance.
Matinding galaw paakyat na lampas $70,000 ang makakasira sa bearish outlook ngayon—at magiging senyales na baka magsimula ulit ang lakas ng market structure.
