Bumagsak na naman ang Bitcoin (BTC) sa ilalim ng $90,000 kaninang umaga sa trading hours sa Asia, kahit na may good news sa macroeconomics.
Pinunto ng isang analyst na ang pagbaba ng stablecoin inflows ang isa sa mga dahilan kung bakit mahina ang Bitcoin ngayon. Sabi niya, kailangan ng fresh na liquidity para magka-bull run uli.
Ano ang Kailangan Para Maging Bullish ulit si Bitcoin?
Ayon sa data ng BeInCrypto Markets, sobrang volatile ang December para kay Bitcoin. Sunod-sunod na kasi ang dalawang buwang lugi, at noong November, naitala ang pinaka-malaking monthly na bagsak ng BTC ngayong taon.
Ngayon, nagte-trade ang BTC sa price na $89,885, mababa ng 2.7% compared sa kahapon. Bumagsak ‘to kahit kaka-declare lang ng Federal Reserve kahapon na muli nilang binawasan ang interest rates ngayong taon.
Bumaba ng 25 basis points ang rates ng bangko, tapos nilagay sa 3.50%–3.75% ang target range. Sa crypto market, kadalasang inaasahan na bullish sign ang rate cut na ganito. Sa katunayan, marami ang umasa na magre-rebound ang market.
Pero, kabaligtaran ang nangyari at bumaba pa lalo ang presyo. Kaya, kung hindi rate cut ang solusyon, ano ba talaga ang kailangan ng Bitcoin para mabawi ang downtrend nito?
Ayon kay Darkfost, liquidity ang kulang. Ipinaliwanag ng analyst na yung stablecoin inflows papasok sa exchanges ay bumaba na mula $158 billion noong August papuntang nasa $76 billion na lang ngayon.
Ibig sabihin neto, nahati sa kalahati ang inflows sa loob lang ng ilang buwan. Samantala, ang 90-day average ay bumaba rin mula $130 billion hanggang $118 billion, na nagpapakita ng malinaw na pagbaba ng trend.
“Isa sa mga rason kung bakit hirap makabawi ang Bitcoin ngayon ay dahil kulang sa pumapasok na liquidity. Pag sinabi nating liquidity sa crypto market, kadalasan yan ay stablecoins,” sabi sa post.
Sabi pa ng analyst, ang malakas na pagbaba ng stablecoin inflows na ito ay nagpapakita na humihina ang demand. Sa ngayon, tuloy-tuloy ang pagbebenta ng Bitcoin at hindi ito nababawi ng bagong capital na pumapasok. Kitang-kita din sa trend na yung mga mini-rebound ay dahil lang sa nababawasan ang nagbebenta, hindi dahil maraming bagong buyers.
“Kung gusto uli ng Bitcoin na magsimula ng totoong bullish trend, kailangan talaga ng bagong liquidity na papasok sa market,” dagdag ni Darkfost.
Napansin din sa bagong report ng BeInCrypto na tuloy-tuloy pa rin yung mga stablecoin issuers sa pag-mint ng bagong tokens. Yung market cap ng mga malalaking asset tulad ng Tether (USDT) at USDC ng Circle, umabot sa bagong high ngayong buwan.
Pero sa data, mukhang marami sa supply na ito ay napupunta sa demand para sa cross-border payments. Bukod pa diyan, malaking bahagi ng inflows ay lumilipat papunta sa derivatives exchanges kaysa spot platforms.
“Asia ang may pinakamataas na volume ng stablecoin activity, mas mataas pa sa North America. Pero kung ikukumpara sa gross domestic product, standout ang Africa, Middle East, at Latin America. Karamihan ng flows ay galing North America papunta sa ibang rehiyon,” ayon sa ulat ng IMF ngayong buwan.
Ipinapakita ng bagsak na presyo ng Bitcoin ngayon na hindi na sapat yung mga macro catalyst para pajumpstart ulit ang market. Klaro sa data na bagong stablecoin liquidity ang pinaka-kailangan para makabalik ang malakas na bull run. Kailangan ding gumanda ang market sentiment. Hangga’t takot at ‘di pa motivated ang mga tao, mabagal pa rin ang pagpasok ng capital sa Bitcoin.
