Mula kalagitnaan ng 2025, napansin ng mga crypto trader na parang nahiwalay na ang galaw ng Bitcoin sa paglago ng global M2 money supply. Pagpasok ng 2026, mas naging kita na talaga ang separation na ‘yon.
Dati, matindi ang connection ng dalawang factors na ‘to, at dito nakabase yung maraming bullish forecast noon. Pero ngayon, hati ang opinyon ng mga analyst tungkol sa ibig sabihin nito para sa 2026.
Hati ang mga Analyst sa Paliwanag Kung Paano Naka-connect ang Bitcoin at Global M2
Sa January report ng Fidelity Digital Assets, confident pa rin sila na may positive correlation pa ang M2 money supply at presyo ng Bitcoin.
Sabi ng Fidelity, usually sumasabay ang bull cycles ng Bitcoin sa mga panahon na bumibilis ang M2. Mas malakas sumipsip ng extra kapital ang Bitcoin dahil sa scarcity nito, kumpara sa ibang asset.
“Habang nagsimula na ang bagong cycle ng monetary easing sa buong mundo at tapos na ang QT program ng Fed, malamang makita natin na patuloy na tataas ang growth rate nito buong 2026—good catalyst ito para sa presyo ng Bitcoin,” — ayon sa Fidelity sa kanilang report.
Sabi ng mga analyst na sumusuporta sa view na ‘to, pinakita raw ng data na gold at silver ang sumalo noon sa demand laban sa inflation. Ngayon naman, tingin nila ang panibagong money printing na nangyayari sa iba’t ibang bansa ang nagpo-push pataas sa Bitcoin.
Mas pabibo pa dito si analyst MartyParty. Kinumpara niya ang price ng Bitcoin at global M2 gamit ang 50-day lag, at sa prediction niya—posible raw ngayong linggo na ‘to na bumawi ang presyo ng Bitcoin para makahabol sa galaw ng money supply.
“Bitcoin vs Global Liquidity – Lagged 50 days. Sabi ng M2, dito daw tayo magba-bounce — Jan 12th.” — predict ni MartyParty sa kanyang tweet.
Pero kung titingnan mo naman ang chart ng Fidelity, kita na nahiwalay na ang correlation ng YoY growth ng Bitcoin at Global M2 sa nakaraang taon. Mas lumaki pa ang gap pagpasok ng 2026. Negatibo ang YoY growth ng Bitcoin, habang lampas 10% pataas naman ang Global M2 YoY. Dahil dito, nagdududa na ang ibang analyst.
Base sa observation ni Mister Crypto, napansin niya na tuwing nahihiwalay ang galaw ng Bitcoin mula sa M2 growth, kadalasan doon nagsisimula ang market top. Madalas sinundan ito ng bear market na umaabot ng dalawa hanggang apat na taon.
Samantala, may totally ibang take si analyst Charles Edwards para ipaliwanag ‘tong phenomenon.
Sabi niya, naging totoo na raw ang risk na baka ma-crack ng quantum computer ang encryption ng Bitcoin noong 2025. Kaya raw nangyari ang separation ng Bitcoin at M2 ay dahil nararamdaman na ng market ‘yung risk na ‘yon.
“Ngayon lang naghiwalay ang galaw ng Bitcoin mula sa money supply at global liquidity flows. Bakit? Noong 2025, una nang pumasok ang Bitcoin sa Quantum Event Horizon. Yung time na pwede nang ma-crack ng quantum machine ang cryptography ng Bitcoin—mas maikli na kaysa sa inaasahang oras na kailangan para i-upgrade ang Bitcoin. Kaya ang capital, nagpo-position na para i-manage ang ganitong risk.” — sabi ni Charles Edwards sa kanyang tweet.
Sa madaling salita, mukhang hati talaga ang mga analyst. Yung bullish side—sumusunod pa rin sa mga classic na modelo, naniniwala sa epekto ng Fed rate cuts at money printing. Yung bearish naman, mas pinapansin na nila ‘yung technology risk na wala pa dati.
Papalapit naman ang 2026, may iba pang risk na haharapin si Bitcoin. Kasama rito ‘yung threat mula sa yen carry trade at ‘yung posibilidad ng third world war habang lalong nagiging komplikado ang global economic at geopolitical na sitwasyon.
Hindi ibig sabihin ng mga risk na ito na tapos na ang Bitcoin. Sa totoo lang, pwede pa nga itong mag-open ng bagong opportunity para sa maraming investors. Tuloy pa rin ang paniniwala ng mga ito na kahit gaano pa magbago ang mundo, mananatiling long-term store of value ang Bitcoin, tulad ng ipinakita nito sa mahigit 15 taon na history.
