Naloko ng scammers ang isang crypto investor at nawalan siya ng mahigit $282 milyon na Bitcoin at Litecoin matapos mabiktima ng social engineering scam na gumamit pa ng hardware wallet.
Noong January 16, ibinunyag ng on-chain investigator na si ZachXBT ang matinding pagnanakaw, kung saan halos 2.05 milyon na Litecoin (LTC) at 1,459 Bitcoin (BTC) ang nawala mula sa account ng biktima.
Monero Lumipad ng 36% Matapos I-swap ng Hacker ang Nakaw na Crypto sa Privacy Coin
Kumpirmado ng cybersecurity firm na ZeroShadow na nagkunwaring customer support ng Trezor ang scammer kaya nila naisagawa ang pagnanakaw. Ang Trezor ay isang kilalang hardware wallet provider na may mahigit 2 milyon na users.
Napaniwala ng mga scammer ang biktima na ibigay ang recovery seed phrase niya, kaya nakuha nila ang buong kontrol ng kanyang crypto assets.
Pagkatapos ng incident, mabilis na nilipat at minag-launder na ng scammer ang mga nakaw na crypto.
Kwento ni ZachXBT, gumamit ang attacker ng maraming instant exchange, lalo na ang Thorchain, para i-bridge ang nakaw na Bitcoin papuntang Ethereum, Ripple, at Litecoin.
Dahil dito, matinding kritisismo ang natanggap ng Thorchain, ang decentralized infrastructure provider na ginamit ng scammer.
Sabi ni ZachXBT, hindi ito unang beses na ginamit ng mga scammer ang platform na ‘to para sa mga ganitong gawain. Ibig sabihin, madalas gamitin ang Thorchain ng mga kriminal na gustong itago o ilipat ang nakaw nilang pera.
Sabayan pa nito, ginawang Monero (XMR) ng hacker ang malaking parte ng nakulimbat. Privacy-focused token ang Monero na madalas gamitin para matago ang mga transaction details.
“Tinrakan ng ZeroShadow ang outbound funds at na-freeze nila ang mahigit $1M bago pa ito maiswap papuntang XMR. Posibleng tumaas ang presyo ng XMR dahil sa mga activity na hindi na-block,” ayon sa ZeroShadow.
Kapansin-pansin, nagdulot ng matinding pagtaas ng presyo ng Monero ang sunod-sunod na bilihan na ito.
Base sa data ng BeinCrypto, umakyat nang higit 36% ang presyo ng token sa loob ng pitong araw, at halos umabot ng $800 ang peak. Pagkatapos nito, nag-correct na ang presyo at nasa $621 na lang ito ngayon.
Pinapakita ng insidenteng ‘to na mas lumalala ang security crisis sa mundo ng digital assets. Nagsi-shift na ang mga hacker: mas focus na sila ngayon sa social engineering at pagpo-posing bilang legit na brand imbes na mga complicated na hacking.
Sinabi ng blockchain analytics firm na Chainalysis na tumaas nang 1,400% taon-taon ang mga impersonation scam, base sa kanilang report. Dinagdag pa nila na mahigit 600% ang itinaas ng average na halaga ng nauubos na pera kada insidente.
