Nakapasok na ang Bitcoin mining sa bagong milestone nitong late 2025. Ayon sa bagong report mula sa GoMining, pumasok na ang network sa tinatawag na zetahash era kung saan lumampas ito sa 1 zetahash per second ang computing power.
Habang tumitindi ang hashrate at umaabot sa record high, bumababa naman ang kita ng mga miner. Lumalaki tuloy ang Bitcoin mining industry, mas industrialized na ngayon at mas exposed sa price risk kung ikukumpara sa kahit anong phase nitong cycle.
Hashrate Umabot sa Record High, Mining Lalo Pang Lumalaki
Ayon sa report, tumagal ng higit 1 ZH/s ang Bitcoin network sa seven-day average kaya hindi lang ito simpleng spike — structural shift na mismo ito sa network.
Pinapakita ng growth na ito ang matinding hardware upgrades, mga bagong data center, at mas lumalawak na mga industrial-scale operations. Hindi na mga maliliit na player ang namamayani ngayon sa mining. Mas parang energy infrastructure na ang peg ng industry ngayon.
Dahil dito, mas naging matindi ang kumpetisyon para sa block rewards.
Bumaba Kita ng mga Miner Kahit Lumalaki ang Network
Habang lumalaki ang hashrate, lalo namang bumagsak ang kita kada unit ng compute at isa ito sa pinakakipot na kita sa kasaysayan ng pagmimina.
Nakasaad sa report na sobrang dependent na ang earnings ng mga miner sa presyo ng Bitcoin at sa difficulty. Yung mga dating cushions tulad ng transaction fee spikes at mataas na block subsidy na nakakatulong pagka lumiit ang income — halos nawala na ngayon.
Ibig sabihin, nipis na talaga ang margin ng mga miner ngayon kahit lumalaki pa ang kapital at power na nilalabas nila.
Ayon pa sa GoMining, nakita rin ito mismo sa mempool. Una ulit simula April 2023, nabura nang tuluyan ang backlog ng Bitcoin mempool, ilang beses pa ngayong 2025.
Ibig sabihin, sobrang tahimik ng Bitcoin network kaya automatic na na-pro-process ang mga transaction kahit sa pinakamababang fee.
Kapalit nun, halos wala nang kinikitang fees ang mga miner at puro presyo ng Bitcoin na lang at block subsidy ang pinaghuhugutan nila ng kita.
Halving Wala Masadong Naitulong sa Transaction Fees
Pinatindi pa ng post-halving setup ang pressure.
Simula nang bumaba ang block subsidy sa 3.125 BTC, hindi na rin kayang punan ng transaction fees ang nabawas na kita. Sabi sa report, mas mababa pa sa 1% ng kabuuang block rewards ang galing sa fees halos buong 2025.
Kaya mas direkta na nararamdaman ng mga miner ang galaw ng presyo ng Bitcoin, at konti na lang ang internal stabilizers na pwedeng sumalo sa kanila.
Hashprice Bumagsak, Lumiliit Kita ng mga Miner
Lantad ang pag-ipit ng margin sa hashprice — ang daily na kinikita kada unit ng hashrate.
Sabi sa report, bumagsak ang hashprice sa all-time low, halos $35 per PH per day nitong November at nanatiling mahina hanggang sa pagtatapos ng taon. Sa end ng quarter, nasa $38 lang ito, malayo sa dating average.
Kaya halos wala nang room ang mga miner para magkamali sa operations nila.
Shutdown Prices: Puwedeng Maging Economic Trigger ang Presyo
Pareho din ang sinasabi ng latest data pagdating sa shutdown price ng mga miner.
Sa current na difficulty at electricity cost na halos $0.08 per kWh, yung mga S21-series miner na madalas gamitin eh nagbi-break even na lang kapag nasa $69,000 hanggang $74,000 ang presyo ng BTC. Kapag bumagsak pa sa range na yan, tigil-operate na ang maraming minero kasi lugi na sila.
Yung mga mas mabilis at bagong mining rigs, kaya pa nilang kumita kahit mas mababa pa diyan ang presyo ng Bitcoin. Pero yung gitna lang ang specs, mabilis silang naiipit sa pressure ngayon.
Bakit Malaking Factor ‘To sa Presyo ng Bitcoin Ngayon
Hindi ibig sabihin nito na automatic may price floor ang Bitcoin. Pwedeng mag-trade ang market kahit mas mababa pa sa mining breakeven.
Pero nagse-set ito ng behavioral threshold. Kung manatili ang Bitcoin sa ilalim ng mga critical shutdown level, baka magbenta ng reserves ang mga mahihinang miner, patayin ang mga mining rig, o bawasan ang exposure nila.
Sa market na manipis ang liquidity, pwedeng mas lumala ang volatility kapag ginawa nila yan.
Mas malakas at mas industrial na ang Bitcoin mining ngayon. Pero kasama din dun na mas sensitibo ang galaw. Dahil habang tumataas ang hashrate at bumababa ang mining fees, mas mahalaga na ang presyo para sa stability ng mga miner.
Kaya ang mga price level gaya ng $70,000 ay may malaking epekto — hindi dahil yan ang nakikita sa chart, kundi dahil importante yan sa gastos sa buong Bitcoin network.
