Halos hindi gumalaw ang presyo ng Bitcoin nitong huling 24 na oras — parang nakatambay lang sa area na $67,600. Pero kung susuriin ang performance nito nitong isang buwan, talagang iba ang kwento. Bumagsak ang presyo nang nasa 27% kumpara last month. Parang panandaliang pahinga lang itong nangyayari ngayon, hindi ibig sabihin nito ay makakabawi na agad ang market. Baka bitin lang ‘to bago muling mag-dump pa baba.
Isa sa pinaka-matibay na grupo ng mga holder ngayon, nagpapakita ng matinding distribution na signals. Kapareho ito ng mga pattern bago ang mga malalaking correction dati. Nasa harap na natin ang peligro — minsan, hindi lang natin napapansin.
Bear Flag Breakdown at Whale Ratio na Pinakamataas Ngayong Taon, Mauulit Ba ang History?
Naputol na ang Bitcoin sa isang bear flag pattern. Base sa structure na ‘yan, may risk na umabot sa 40% ang bagsak mula sa breakdown point. Base pa lang sa pattern, medyo mahina na. Pero ang mas malaki pa, sumulpot kasabay nito.
Umakyat bigla ang Exchange Whale Ratio at naging 0.81 nitong February 14 — pinakamataas sa isang taon. Ibig sabihin nito, halos napupuno ng top 10 whale inflows ang kabuuang inflow sa mga exchange.
Kung babalikan ang history, paulit-ulit na ganito ang senaryo — at nakakakilabot talaga ang pagkakatugma. Noong March 2025, naging 0.62 ang ratio habang umiikot ang Bitcoin sa $84,100. Sumipa pa pataas ang presyo ng mga 3.7% papuntang $87,200 sa loob ng isang linggo kasi nauna na kumilos ang mga whale. Pero pagdating ng April, bumagsak ng halos 12.6% sa $76,200 nang nagsimula na ang pagbebenta ng whales.
Ganyan din ang nangyari noong November. Umabot sa 0.70 ang ratio habang $88,400 ang presyo. Umakyat pa sandali ang Bitcoin ng 5.2% sa $93,000, tapos bumagsak agad ng 7.4% sa $86,000 noong kalagitnaan ng December. Malinaw na pattern: nauunang pumuesto ang whales, pa-lipad muna saglit ang presyo, tapos salpak ng matinding dumping.
Ngayon, naging 0.81 ulit ang ratio nung kalagitnaan ng February habang nagte-trade ang Bitcoin sa around $69,700. Ito na ang pinakamataas na whale metric sa loob ng isang taon. Simula noon, nagsimula nang bumaba ang presyo at nasa $67,000 na ngayon. Pero mataas pa rin ang ratio sa 0.65.
Nasa area pa rin ‘yan ng mga level na sobrang daming nagca-cash out base sa mga correction dati. Kaya posibleng umangat saglit ang presyo ng BTC, pero mabilis ding sumunod ang mas malalim na correction.
Nakabuo rin ng umiitog na bearish divergence sa 12-hour chart mula Feb 8 to Feb 16. Habang bumaba ang presyo at nag-print ng lower high, umakyat naman ang Relative Strength Index (RSI), na ginagamit para masukat ang lakas ng trend. Pag ganito, signal ito na tuloy pa ang pagbaba kesa sa reversal.
Lahat ng signs na ‘to — malakas na whale activity, breakdown ng pattern, at bearish divergence — nagtuturo na posibleng humaba pa ang correction. Pero bakit mukhang nagiging bida si whale sa kasalanan ng market weakness?
Nababawasan ang Whale Addresses, Lumalabas ang Pinakamalakas na Supply Cluster
May mga nagsasabi na tumaas ang Exchange Whale Ratio kasi bumaba raw ang total exchange inflow. Pero tinitignan din kasi dito ang aktwal na bilang ng whale addresses kaya alam natin hindi yun lang ang dahilan.
Yung mga wallet na may 1,000 BTC pataas, bumaba mula 1,959 nitong January 22, naging 1,939 na lang ngayon. Nabawasan ng dalawampung whale address habang bumabagsak ang market. Hindi sila bigla nawala, kundi nagbentahan habang pababa ang presyo. Diretso ang bagsak ng address count kasabay ng presyo — hindi sila bumibili ng dip, sila mismo ang dahilan ng dip.
Gusto mo ba ng mas marami pang token insights? Mag-sign up sa Daily Crypto Newsletter ni Editor Harsh Notariya dito.
Kitang-kita sa pattern na sinasakyan muna ng whales ang short-term na bounce, tapos biglang nagdidistribute tuwing may correction. Hindi ganun kalakas yung conviction nila. Pag nag-accumulate kasi ang malalaking holder tuwing mahina ang market, tumataas ang buying pressure. Pero pag nagbebenta sila habang mahina ang market, mas binibilisan pa nila ang pagbagsak ng presyo. Kaya yung 27% na drop ng Bitcoin nitong buwan, mas maintindihan kung makita mong may lumabas na 20 whale address o at least 20,000 BTC.
Pero ang totoong delikado — kung saan concentrated yung supply. Sa UTXO Realized Price Distribution, makikita yung mga price level kung saan pinakamaraming supply ang nabuo. Dito makikita kung saan matindi ang suporta o matigas na resistance, depende kung saan papunta ang presyo.
Pinakamalaking cluster ngayon nasa $66,800 area. Nandito ang pinaka-makapal na supply sa ilalim ng kasalukuyang presyo. Dito kalapit yung biggest cost basis level sa short term. Para mabasag ‘yan, kailangan ng matinding selling pressure. Hindi kakayanin ng mga retail trader lang ‘yan — whales lang ang may sapat na pondo para i-break ang ganyang kapal na supply, kaya sila ang posibleng “Big Bad” ng presyo ng Bitcoin.
Ito ngayon ang problema. Yung mga whales na ‘yun, aktibo na ring nagdi-distribute. Pinatunayan ng Exchange Whale Ratio, tapos sinundan pa ng pagbaba ng whale address count. Diretso silang nagbebenta habang pa-slide ang presyo. At yung kasalukuyang presyo na malapit sa $67,600, sobrang lapit na sa makapal na cluster sa $66,800.
Delikadong Support ng Bitcoin: Mababasag ba at Babagsak sa $60K?
Ang unang major support ng Bitcoin ay nasa $66,600. Malapit ito sa $66,800 URPD cluster, kaya halos pareho lang ang zone pagdating sa technicals at supply. Nasa 1.6% lang ang taas ng current price ng Bitcoin mula sa critical support na ito. Kung tuloy-tuloy ang pag-distribute ng mga whales, malamang hindi tatagal itong support.
Kapag bumaba ang presyo sa $66,600, puwede nang bumukas ang daan papuntang $60,000. Nasa 12% pa ang posibleng ibaba nito mula sa current levels. Na-test na ng Bitcoin ang zone na ‘yan noong February 6 bago umangat pabalik. Pero ngayon, mas mahina na ang dating ng setup kumpara noon. Hindi pa umaabot sa yearly highs noon ang whale ratio, at wala pa ring nafo-form na hidden bearish divergence noong panahon na yun.
Ngayon, sabay-sabay nang lumalabas lahat ng warning signs habang nakabitin ang presyo sa ibabaw ng pinakamalakas na supply cluster. Kung mababasag ang $66,600, posibleng mag-trigger ito ng sunud-sunod na pagbebenta lalo na kung mag-fail ang URPD zone. Yung mga holders na ang buying price ay malapit sa $66,800, baka mapasell agad sa takot. Tapos yung mga naka-leverage na long na naghihintay ng bounce, malamang ma-liquidate. Pwedeng mas mabilis pa ang pagbaba papuntang $60,000 kaysa sa unang drop.
Sa bullish side naman, kailangan ni Bitcoin na mabreak ng malinis ang $71,600 para may makitang totoong lakas. Kapag nangyari ‘to, mabubura yung immediate na bearish structure at mukhang bumabalik na ang control sa mga buyers. Pero full pattern invalidation lang kapag umabot na ulit ng $79,300. Hangga’t ‘di pa na-rereclaim ang level na ‘yon, active pa rin ang bear flag breakdown, at nangingibabaw pa rin ang risk ng pag-crash.
