Bumagsak na naman ang presyo ng Bitcoin pagkatapos ng failed na rebound noong February 6. Nasa 3% din ang ibinaba ng BTC sa loob ng 24 oras at halos 38% na ang binagsak simula kalagitnaan ng Enero. Matapos mag-bounce mula $60,100 hanggang $72,100, nawala ang kontrol ng mga buyers at nawala na rin ang lakas ng rebound.
Pinakita na ng technical signals ang warning noon pa, at ngayon kumpirmadong lumalakas nga ang bentahan ayon sa on-chain data. Ang malaking tanong dito: Kaya bang pigilan ng $63,000 ang sunod na pagbagsak, o mas malalim pa ang magiging correction?
Bumagsak ang Bear Flag, Nag-confirm ng Downtrend ang RSI Divergence
Pagkatapos ng selling spree noong Enero, nag-form ang Bitcoin ng bear flag sa daily chart. Ang bear flag, nangyayari ito kapag sobrang bilis ng pagbagsak ng presyo tapos may mahinang bounce o rebound sa medyo masikip na range. Usually, sign ito na tutuloy pa ang pagbaba, hindi ng recovery. Simula kalagitnaan ng Enero, bumagsak ang Bitcoin ng halos 38% papuntang $60,130 at nag-bounce patungong $72,200 noong early February. Yung rebound na ‘yon ang nag-form ng flag.
Noong February 10, bumagsak ang presyo lampas sa pinaka-mahinang boundary ng pattern na ‘to, na kumpirmadong fail na ang bear flag. Dati pa, may warning na mula sa momentum indicators. Yung Relative Strength Index, o RSI, ginagamit ito para makita ang lakas ng buying at selling pressure. Kung tumataas ang RSI habang humihina ang presyo, ibig sabihin may tinatagong bearish pressure na nangyayari.
Mula November 24 hanggang February 8, mas mababa ang mga highs ng Bitcoin habang yung RSI naman ay slightly tumaas ang highs.
Gusto mo pa ng mga token insights na ganito? Mag-sign up sa Daily Crypto Newsletter ni Editor Harsh Notariya dito.
Bunga nito, nabuo ang tinatawag na hidden bearish divergence, kaya tumaas ang risk ng pullback matapos ang rebound. Nang humina na ang rebound, bumalik sa eksena ang mga sellers. Natuloy ang pagbagsak dahil nagbigay na ng divergence si RSI, tapos fully naubos na ang lakas ng buyers base sa technicals. Pero ‘di lang sa charts dapat umasa — ‘yung galaw mismo ng mga mahabang hawak sa blockchain ang mas nagpapaliwanag kung sino ang may kontrol sa market ngayon.
Nagbebentahan na Ulit ang mga Holder, Humihina na ang Tiwala
Base sa on-chain data, binabawasan na ng mga long-term investors ang hawak nila sa market. Isa sa mga mahalgang tinitignan dito ay ang Hodler Net Position Change — sinusukat nito ‘yung mga wallet na hawak ang BTC ng higit 155 na araw. Nakikita rito kung bumibili pa ba o nagbibenta ang mga medium at long-term holders sa loob ng 30 days.
Noong February 9, nasa +8,142 BTC pa ang measure na ‘to. Pero noong February 10, bumaba ito ng matindi sa +5,292 BTC. Ibig sabihin, may 35% na kabawasan sa accumulation — meaning, nag-aalangan na ang holders at kumukonti na ang pagbili nila.
Nasa ilalim din, palihim na nadadagdagan ang selling pressure. Isa pang metric na tinitignan ay ang Long-Term Holder Net Position Change — ito naman ang tumutok sa mga wallet na higit isang taon ang hawak sa BTC. Noong February 9, nasa −157,757 BTC ang datos (meaning diretsong bentahan pa rin). Tumaas pa ito pagkaraan ng isang araw sa −169,186 BTC, up ng 7%. Kaya lumalabas, mas aggressive ng magbenta ang mga older holders ngayon.
Kapag sabay na nagtitingi-tingi ng benta ang mga medium-term buyers at pinakamatagal na holders, mas nagiging risky ang pagbaba ng market. Kinumpirma rin ng HODL Waves ang pagbabagong ito — sinusukat naman nito kung gaano katagal hinahawakan ang mga supply ng BTC. Yung 24-hour cohort, ‘yan yung mga panandaliang trader na kadalasan nagpa-panic buy o sell agad kapag malaki ang galaw ng presyo.
Mula February 7 hanggang February 10, tumaas ang share nitong group na ‘to mula 0.72% hanggang 1.02%. Malaking jump ito para sa fast-moving supply. Ang mga holders na ganito, madalas silang unang nag-a-unload kapag bumabagsak ang presyo kaya nagiging mahina ang support ng market.
Nagbebenta ang strong hands, tapos yung mga pang-short term (speculative money), sila naman ang sumasalo ng supply. Dahil dito, mas mahina ang market stability ngayon.
$63,000 Cost Basis Cluster, Matinding Zone Para sa Bitcoin Price
Para matunton kung saan puwedeng humawak ang presyo, tinitignan ng traders ang UTXO Realized Price Distribution o URPD metric. Pinapakita nito kung saan nabili ng investors ang coins at saan concentrated ang major cost basis clusters. Usually, nagiging matibay na support itong mga zone na ‘yan kasi natural na binabantayan at pinapangalagaan ng holders ang entry price nila.
Sa ngayon, pinaka-matibay ang cluster malapit sa $63,100. Nasa 1.3% ng kabuuang Bitcoin supply ang concentrated sa range na ‘to. Kaya malaki ang chance na umakto ang $63,000 bilang demand wall. Kung titignan mo ang price chart, nalaglag na ang Bitcoin sa $67,350 at unti-unting bumababa papunta sa area na ‘to.
Kapag nag-hold ang $63,000 ($63,240 sa price chart), posible na subukan ng mga buyer na patatagin ang market dahil maraming hodler ang halos break-even pa. Pero kapag bumagsak ito, biglang tataas ang risk. Kapag hindi kinaya, maraming grupo ang malalagay sa talo at pwede itong magdulot ng mabilisang bentahan. Pag nabasag ang $63,000, ang susunod na matibay na support ay nasa $57,740 at kung tuloy-tuloy ang panic, pwedeng umabot ang presyo malapit sa $42,510.
Kung mangyari ito, parang back to zero ang setup na binuo ng market kamakailan. Sa bullish side naman, mahirap parin ang recovery. Kailangan munang mabawi ng Bitcoin ang $72,130 para mabawasan ang pressure. Kapag nakalagpas lang sa $79,290, saka lang hihina talaga ang overall na downtrend. Hangga’t hindi umaabot dun, possible pang pansamantala lang ang mga rally.
Ngayon, naiipit ang Bitcoin sa pagitan ng mahina ang kumpiyansa at mataas na speculation. Yung bear flag breakdown ang nagsimula ng downtrend, pero ngayon lalo pang pinapalala ng mga nagbebenta na holder. Sa ngayon, malaking factor talaga yung $63,000 — yan ang huling matibay na suporta ng market.
