Nagte-trade ang presyo ng Bitcoin (BTC) sa $71,552 pagkatapos mag-form ng bullish continuation pattern sa daily chart na may 11% breakout potential.
May inaasahang tumaas sa 3.3% year-over-year ang inflation base sa March US CPI report na lalabas sa Friday. Pero, dahil sa halos 1,300% na pagtaas ng weekly Bitcoin ETF inflows at mas matinding exchange outflows, mukhang nakakaya ng demand sa BTC na sagupain yung negative effect ng macro na balita.
Nagbubuo ng Bullish Pattern ang Bitcoin Price Habang Nagliliparan ang Weekly ETF Inflows
Mula huling bahagi ng March hanggang April 7, nag-form si Bitcoin ng cup and handle pattern sa daily chart. Ito ay bullish continuation pattern kung saan makikita yung rounded recovery na parang “cup” tapos may bahagyang pullback na parang “handle” bago puwedeng mag-breakout pataas. Nabuo yung round bottom ng cup sa correction last week ng March, habang ang pullback coming from April 7 high ang nagsilbing handle. Kung mako-confirm, may 11% breakout potential ang pattern na ito.
Sumusuporta dito yung galaw ng volume. Mas mababa yung selling pressure habang nabubuo ang handle, kumpara sa buying volume noong gumalaw pataas yung cup. Normal lang na bumababa ang volume habang handle ang nabubuo — senyales ito na nababawasan na ang sellers at hindi na sila lumalakas pa.
Gusto mo pa ng mas maraming insights tungkol sa tokens? Mag-sign up ka sa Daily Crypto Newsletter ni Editor Harsh Notariya dito.
Malaking factor din ang galaw ng mga institusyon. Tumalon mula $22.34 million noong week ending April 2 papuntang $312.27 million noong week ending April 7 ang Bitcoin ETF inflows — halos 1,300% na pag-angat ito.
Nangyari din yung spike habang balak ng Morgan Stanley na ilista ang MSBT spot Bitcoin ETF nila sa April 8, na may 0.14% expense ratio — pinakamababa sa lahat ng spot BTC funds.
Pero, hindi ibig sabihin ng mataaas na ETF inflows na pareho din ang conviction ng mga spot market participants.
Lumalakas ang Exchange Outflows Habang Nag-iipon ang Spot Buyers
Mukhang sabay tumataas ang spot demand at ang ETF activity. Yung exchange net position change, o yung data kung ilang BTC ang pumapasok at lumalabas sa mga exchange, mas lumalim pa mula -30,727 BTC noong April 6 papuntang -37,472 BTC noong April 7. Ibig sabihin, mas marami ang BTC na umaalis sa exchanges kesa sa pumapasok. Ang 22% na pagtaas ng outflow sa isang araw ay senyales na mas marami pang naglalabas ng BTC at nililipat ito sa cold storage.
Habang nababawasan ang supply ng BTC sa exchanges, mas umiinit ang spot order book. Kapag sabay tumataas ang ETF inflows at nababawasan ang exchange balance, mas malaki ang chance na umakyat pa ang presyo. Pinapakita rin nito na may solid na demand sa kabuuang market at hindi lang puro leveraged trading ang dahilan.
Ngayon, parehong institutional at spot flows ang nasa likod ng BTC rally kaya malaking tulong ang technicals kung magtutuloy ba ito sa breakout o baka mahinto din.
Mga Bitcoin Price Level na Dapat Bantayan Habang Papalapit ang CPI Report sa Friday
Nasa $73,238 ang neckline ng cup and handle, at aligned ito sa 0.618 Fibonacci level. Kadalasan dito sumasalo ang price kapag may proportional pullbacks mula sa dating move. Kung mag-close above dito ang daily candle, mako-confirm ang pattern at puwedeng umangat hanggang $78,383 na halos 7% taas mula sa neckline. Maabot pa nito ang buong 11% breakout target pag tuloy-tuloy ang lipad ng BTC.
Bago umabot sa neckline, kailangan munang mabawi ni Bitcoin ang $71,649 na sumasabay sa 0.5 Fibonacci level. Kapag nag-close ang price above dito, senyales yun na tapos na ang handle.
Ang cup and handle patterns na sumusunod sa matinding recoveries ay may konting nuance. Kailangan mag-hold sa ibabaw ng kalahati ng cup ang handle para valid pa rin yung pattern. Sa ngayon, wala pa sa peligro ang pattern dahil mas mataas pa rin ang handle kaysa sa midpoint.
Ang CPI release sa Friday ay may dalawang possible na senaryo: Kung tumaas si BTC kahit mataas ang CPI na 3.3%, mas nagiging solid ang narrative na nagiging inflation hedge ang Bitcoin.
Pero kung magbenta ang market dahil sa CPI report, posible pa rin na manatili sa loob ng handle yung correction — lalo na dahil supported pa rin ito ng ETF at spot flow na nabanggit kanina.
Sa pangbaba, ang $70,060 na nasa 0.382 Fibonacci level ang unang support level ng Bitcoin. Kapag bumaba pa ito sa $68,093, mas lalong hihina ang handle. Pero kung babasag pa ito pababa ng $64,915 na base ng cup, mawawala na yung buong pattern na tinitignan ng market ngayon.
Sa ngayon, ang $73,238 ang nagsisilbing harang kung saan magkaalaman kung tuloy-tuloy na ba ang breakout papuntang $78,383 o babalik ulit sa handle na puwedeng mag-retest sa $68,093.
