Pinakita ng pagbebenta ng Bitcoin nitong mga nakaraang araw na lumalalim ang tensyon sa crypto markets. Nahahati ang mga bihasang “buy-the-dip” investors at ang mga may duda sa lakas ng merkado dahil sa mga lumalabas na problema.
Habang bumagsak ang presyo ng digital asset kasabay ng iba pang risk-off moves sa global markets, iba-iba ang kuro-kuro ng mga analyst tungkol sa ibig sabihin nito para sa mga investor.
Pinapalala ng Bitcoin Sell-Off ang Banggaan ng Matitibay Mag-Hold vs. Mahinang Market Structure
Para kay long-time Bitcoin bull at author na Robert Kiyosaki, tingin niya sa pagbagsak ng presyo ay isa na namang bihirang pagkakataon para bumili. Kinumpara pa niya ang galaw ng market sa shopping sale — kapag nagdi-discount ang mga items sa mall, dagsa agad ang bibili, pero pag crypto na bumabagsak, marami ang natataranta at nagbebenta pa lalo.
“Nag-crash ang gold, silver, at Bitcoin market… Naghihintay lang ako ngayon na may hawak na cash para magdagdag pa ng bili,” sabi ni Kiyosaki sa post niya, kung saan tinuturing niya ang market ngayon bilang parang sale price para sa mga gustong mag-ipon pang matagalang hold.
Pero may ibang experts din na mas nag-iingat. Ayon kay CryptoQuant CEO Ki Young Ju, walang masyadong bagong pondo na pumapasok at natigil ang galaw ng Realized Cap — isang metric na sukat kung magkano ang halaga ng mga coin base sa huling move ng presyo nito. Para sa kanya, mas mukhang profit-taking lang ito at hindi tunay na market growth.
“Bumababa ang Bitcoin kasi tuloy-tuloy ang pagbebenta. Kapag bumagsak pa ang market cap sa ganitong eksena, ‘di ito bull market,” sabi niya sa post niya. Dagdag pa niya, mukhang malabo nang maulit yung matinding crash sa nakaraan pero wala pa ring kasiguraduhan kung nasaan ang pinakailalim ng market.
Kasama rin ang paghina ng Bitcoin sa mas malawak na market correction sa iba’t-ibang asset class. Sabi ng Bull Theory macro strategists, parang chain reaction ang nangyari — nagsimula sa small-cap stocks, tapos US dollar, sumunod na ang stocks at precious metals, at sa huli, naapektuhan na rin ang mga crypto na puro leverage.
“Hindi ito random. Parang domino effect: small caps, dollar, equities, metals, crypto,” ayon sa Bull Theory. Dito pinapakita na magkaugnay talaga ang markets sa buong mundo.
Sabi ng Quant Models, Undervalued pa rin ang Bitcoin Kahit May Matinding Market Risk
Kahit marami ang bearish na sign, may mga quantitative analysis na nagsa-suggest na baka mura na talaga ang Bitcoin ngayon kung ikukumpara sa history.
Ayon sa isang bagong power-law model, nasa 35% daw ang binaba ng BTC kumpara sa 15-year trend line nito. Ibig sabihin, oversold na siya base sa kasaysayan, o yung tipong presyo na kadalasang nagre-revert back pataas agad. Basahin pa sa mean-reversion na article.
Kung totoo ito, pwedeng mag-rebound ang Bitcoin hanggang $113,000 sa gitna ng 2026 at lampasan pa ang $160,000 pagdating ng unang bahagi ng 2027. Sinasabi pa ng model na posibleng umabot sa mahigit 100% ang returns nito sa susunod na 12 buwan.
Pero pinapakita rin ng sell-off na ito na may mas malalim na aral tungkol sa structure ng crypto markets. Pinunto ng analyst na si JA Maartun na palagi talagang sinusubok ng market ang conviction at konsentrasyon ng mga nag-i-invest.
Kapag kakaunti lang ang patuloy na bumibili, at nababawasan yung momentum, mabilis lumalabas ang kahinaan ng market.
Base sa mga nakaraang pangyayari, mula Terra/LUNA crash hanggang sa mga bili ng MicroStrategy ng Bitcoin, makikita talaga na kapag konting tao lang ang pinanggagalingan ng pera sa market, mas grabe ang volatility pag bumagsak bigla ang inflow.
Ngayon, habang nagha-hanap si Bitcoin ng mas stable na presyo, parang naiipit ang market sa dalawang puwersa: yung mga holders na nagtitiwala pa rin at sinusulit ang mababang presyo at yung mga structural na problema dahil sa kakulangan ng fresh capital at dami ng nakaleverage na positions.
Sa ngayon, nagta-trade ang Bitcoin sa presyong $76,819, na bumaba ng 0.34% sa nakaraang 24 oras.
