Malapit na ang unang halving ng Bittensor (TAO) habang ang decentralized AI network ay umaabot na sa 10.5 million TAO supply mark. Nakaiskedyul ito bandang December 14 kung saan mababawasan ng kalahati ang daily token issuance.
Itong halving ay isang mahalagang punto para sa Bittensor, na ginagaya ang modelo ng emission reduction ng Bitcoin (BTC). Habang inaasahan ng mga eksperto na magdudulot ang event ng magandang reaksyon sa presyo, ang iba ay nagbababala na maaaring mangyari ang “sell the news” scenario.
Paano Nagwo-work ang Halving at Supply Dynamics ng Bittensor
Mayroong fixed supply cap ang Bittensor na 21 million TAO, na naglalayong lumikha ng scarcity katulad ng Bitcoin. Ayon sa pinakabagong data mula sa Taostats, ang circulating supply ay umabot na sa 10,451,753 TAO, malapit na sa halving threshold.
Ang event na ito ay babawasan ang daily emissions mula 7,200 TAO papunta sa 3,600 TAO, na maapektuhan ang rewards para sa miners, validators, at subnet owners. Di tulad ng Bitcoin na time-based ang schedule, ang Bittensor’s halving ay nag-aactivate pag nahit na ang 10.5 million tokens sa circulating supply.
Maaaring maapektuhan ng miner registration, network activity shifts, at ang introduction ng Alpha tokens ang timing kaya naman flexible ang exact date. Bukod dito, ang Subnet Alpha tokens na inilunsad noong February 2025 ay sumusunod sa parehong emission schedule.
Bakit Mahalaga ang Halving sa Crypto
Karaniwan itinuturing na bullish catalysts ang mga halving dahil bumabagal ang rate ng pagpasok ng bagong tokens sa circulation. Makasaysayang halimbawa mula sa Bitcoin (BTC), Litecoin (LTC), at Bitcoin Cash (BCH) nagpapakita na madalas na may anticipatory rallies na dulot ng tightening supply dynamics at trader psychology. Kahit na iba-iba ang resulta, kadalasang naitutulak ng narrative ng scarcity ang sentiment sa papalapit na emission cuts.
In-emphasize ng Grayscale’s Research Analyst na si Will Ogden Moore ang long-term na epekto ng structural shift na ito. Sinabi niya na ang pagbawas sa emissions ay natural na magpapataas ng scarcity at pwedeng palakasin ang network value sa paglipas ng panahon.
Sinabi rin ng analyst na kahit dumaan sa apat na halving ang Bitcoin, nagpatuloy ang pagtaas ng market value nito at tumibay pa ang network security kahit bumababa na ang miner rewards. Ayon kay Moore, ang inaugural halving ng Bittensor ay isang katulad na milestone na nag-signal sa maturity ng protocol habang papalapit ito sa fixed 21 million TAO cap.
“Pwedeng maging positibong catalyst sa presyo ang maagang tagumpay ng ilang subnet-based applications at pagtaas ng institutional capital sa Bittensor ecosystem, sa pagdating ng TAO supply halving,” dinagdag ni Moore sa report.
TAO Technical Outlook at Sentiment sa Market
Sa kabila nito, nananatiling maingat ang market sentiment tungkol sa TAO. Isang analyst ang nagsabing bagamat magpapahusay ang halving sa long-term scarcity ng TAO, hindi ito inaasahang mag-trigger ng immediate price rally.
“Hindi ko inaasahan na gagalaw ang TAO sa halving event na ito. Sa paglipas ng panahon, magiging importante ang pagtaas ng scarcity… katulad ng nangyari sa Bitcoin kada apat na taon. Pero… hindi ko ito nakikita bilang mahalagang catalyst sa presyo sa short term. Ngunit, mahalagang sandali ito sa paglalakbay ng Bittensor,” nakasaad sa post.
Isa pang trader ang nagbabala ng posibleng “sell the news” event habang papalapit ang halving. Binanggit niya na ang TAO ay bumagsak na sa ilalim ng isang importanteng support zone at nakaranas ng matinding rejection sa tangka nitong mag-reclaim, na nagpapahiwatig ng humihinang bullish momentum.
“Nagbabala ako ng posibleng sell the news event, at mukhang iyon nga ang mangyayari….Nawala na ang 3-day zone na aking tinalakay, at kababalik lang sa unang attempted reclaim. Kung $300 na ngayon ang magpapatuloy bilang resistance, sa tingin ko ay babagsak pa ito sa $230, at hindi ako magugulat kung bababa pa ito sa $200,” sabi ng analyst.
Samantala, ang BeInCrypto Markets data ay nagpakita na ang TAO ay bumagsak ng halos 28% nitong nakaraang buwan. Gayunpaman, nagkaroon ito ng maliit na pagtaas ng 5.2% sa nakalipas na linggo.
Sa kasalukuyan, ang presyo ng altcoin ay nasa $288.33, tumaas ng 1.83% mula kahapon. Ngayon, kung ang halving event ay magpapalakas pa sa kahinaan o makakatulong mag-angat ng market sentiment ay magiging mas malinaw sa mga susunod na araw.
