Naranasan ng BTC/USD1 trading pair sa Binance ang biglaang flash crash, kung saan bumagsak ang Bitcoin sa $24,000 pero mabilis din itong naka-recover.
Hindi naapektuhan ang presyo ng Bitcoin sa mga major pair katulad ng BTC/USDT. Pero, pinapakita ng nangyari na may liquidity risk talaga kapag bagong launch pa lang ang isang trading pair.
BTC/USD1 Bumagsak Hanggang $24K, Lumabas ang Low-Liquidity na Risks
Ayon sa market data mula Binance, ilang segundo lang nangyari ang insidente. Pagkatapos nito, naging stable ang BTC/USD1 price at umakyat ito ng lampas $87,000.
Bagong stablecoin ang USD1 na galing sa World Liberty Financial. Sinusuportahan ang project na ito ng pamilya ni US President Donald Trump.
Kita sa charts ng Binance ang matinding wick. Pero hindi naman nagkaroon ng liquidations dahil dito.
Naganap ang insidente sa panahon ng Christmas holiday kung kailan biglang bumaba ang trading volume. May ilang observers na nagsa-suggest na parang liquidity test ‘yung galawan na ‘yon para sa BTC/USD1 pair.
Pinaliwanag ni Joao Wedson, founder ng Alphractal, na madalas mangyari ang ganitong phenomenon kapag bear market. Bumababa kasi ang capital inflow sa mga yugtong ‘yon.
“Yung mababang liquidity sa ibang trading pair sa maraming exchange, nagdudulot ng biglaang volatility. Napapababa nito ang presyo tapos nagkakaroon ng arbitrage problem ng ilang minuto. Mas madalas pa ‘to sa inaakala ng iba lalo na kapag bearish ang market,” paliwanag ni Joao Wedson sa isang post.
May isa pang mas detalyadong paliwanag mula sa investor community na kinonekta ito sa promotional campaign ng Binance para sa USD1. Kaka-launch lang ng 20% APY promo ng Binance para sa hanggang $50,000 na USD1 kada user.
Ang kilalang market watcher na WuBlockchain nag-report na after mag-launch, biglaang tumaas ang supply ng USD1 ng mahigit 45.6 million tokens sa loob ng ilang oras lang. Dahil dito, umangat din ang market cap nito at umabot ng lampas $2.79 billion.
Yung mabilis na pagpasok ng pondo sa USD1, nagtulak paakyat ng presyo ng stablecoin ng 0.2%.
Pinaliwanag ni Punk sa X post na marami talagang investors ang sumubok mag-arbitrage. Nangutang sila ng USD1 tapos dahan-dahan nilang binibenta sa spot market na sinalihan din ng mga participants ng promo.
May ibang traders din na nagbenta gamit ang BTC/USD1 pair. Eh dahil manipis ang liquidity, hindi sila nakapag-adjust agad. Kaya biglaang bumagsak ang presyo at dito na nangyari yung flash crash.
“Maliit lang itong price fluctuation sa bear market, ‘di na kailangan kabahan. Marami pang ganitong galawan ang lalabas,” sabi ni investor Punk sa kanyang post.
Pwede Kaya Mangyari kay BTC/USDT ang Ganitong Sitwasyon?
Mas malawak na tanong naman ngayon ang nilalapag: Pwede rin ba mangyari ang ganitong insidente sa BTC/USDT pair? Alam naman ng lahat, dito pinakamalaki ang liquidity sa market. Kapag biglang bumagsak dito, siguradong maraming trader ang magli-liquidate.
Sabi ng analyst na si Maartunn gamit ang Kaiko data, tumaas nang matindi ang 1% market depth ng Bitcoin kumpara noon.
“Hindi lang basta naka-recover ang depth, lumawak pa. Noong October 2025 highs, umabot ng lampas $600 million ang 1% depth sa Binance. Nasa ibabaw ito ng level bago ang crash noong 2022,” pahayag ni Maartunn sa post.
Binigyang-diin din niya sa kanyang post na kahit bumaba ang presyo ng BTC/USDT ng 21.77% (mula $110,291 hanggang $86,089 sa loob ng mahigit 100 araw), hindi naapektuhan ang liquidity. Sa panahong ‘yan, average na daily spot volume ay umabot ng $19.8 billion, na may kabuuang $613.5 billion.
Dahil mas malalim ang market depth at malaki ang volume, mukhang malabo mangyari ang ganitong insidente sa BTC/USDT.
Pero, may leksyon tayong mapupulot dito lalo na sa mga trader. Kailangan talagang piliin nang mabuti kung anong trading pair ang gagamitin. Kung hahawak ka ng pair na mababa ang liquidity, pwede kang maipit sa matinding slippage at mga hindi inaasahang talo.
