Pinirmahan ng California ang isang unique na kasunduan kasama ang Anthropic, kung saan makakakuha ang mga ahensya ng gobyerno, lungsod, at counties ng access sa Claude assistant nito na may 50% na discount.
Inanunsyo ni Governor Gavin Newsom ang deal nitong June 29. Sa ilalim nito, bukod sa discounted access, kasama din ang libreng training para sa mga empleyado, technical na tulong, at assistance sa workflow mula mismo sa mga developer ng Anthropic.
I-follow kami sa X para lagi kang updated sa mga pinaka-bagong balita
Statewide na Effort Para Gamitin ang AI nang Responsible
Pwedeng gamitin ang service na ito sa bagong Statewide Information Technology Shared Services portal ng California Department of Technology. Dito, nagiging centralized ang AI tools at malinaw ang presyo para sa mga pangangailangan ng state agencies.
Ang sabi ni Newsom, layunin ng move na to na gawing mas mabilis ang proseso, hindi para bawasan ang mga empleyado. Kasunod ito ng dati niyang executive order about AI at mga posibleng epekto nito sa workforce, kung saan inatasan ang mga ahensya na maghanda kung sakaling mag-automation at magbawas ng tauhan.
“Hindi dapat palitan ng AI ang trabaho ng tao sa gobyerno; dapat tumulong ito sa mga empleyado para mas mapabilis ang trabaho, masolusyunan ang mga problema, at maibigay ang mas magandang serbisyo para sa mga taga-California,” sabi niya.
Saan Ginagamit na ng California ang Claude
Sa announcement, nabanggit na ilang ahensya ay nagagamit na ang Claude assistant. Magkatuwang ang Department of Technology at Office of Emergency Services sa paggamit ng Claude para sa cyber defense, pag-scan, at pag-patch ng state code.
Ginagamit din ng Department of Motor Vehicles ang Claude para gumanda ang customer service at mapabilis ang proseso ng mga transaksyon. Ang Department of Health Care Services, na pinakamalaki sa buong US pagdating sa Medicaid, nagra-run ng mga internal workflow gamit ito.
Bukod pa diyan, si Claude din ang nagpapagana sa Engaged California — isang platform para sa feedback ng publiko — at tumulong din sa paggawa ng Poppy, na isang internal tool na ginawa mismo ng mga state worker para sa kapwa nila empleyado.
Pinalalawak pa ng partnership na ito ang AI agenda ng California, na nagsimula pa nung 2023 sa executive order at Senate Bill 53. Sa mga darating na buwan, malalaman kung magdudulot ba ng mas malawak na paggamit ng AI sa iba pang agencies ang ganitong discount scheme.
Mag-subscribe na sa YouTube channel namin para mapanood ang insights ng mga experts at journalists
