Naipit ngayon ang presyo ng Cardano. Bagsak ito ng nasa 6% nitong nakaraang pitong araw at halos hindi gumalaw sa nakalipas na 24 oras. Ibig sabihin, medyo nagdadalawang-isip talaga ang mga nagte-trade ngayon.
Matagal nang nakadikit ang presyo sa isang key trend line, pero hindi pa rin ito bumabagsak o umaakyat. Parehong trend line na ‘to na minsan nang nakaapekto sa movement ng Cardano noon. Kaya balik na naman tayo sa tanong: Nasa support pa ba ito kasi may pumapasok na buyers o dahil lang naghihintay ang sellers na mag-dump?
Lumalakas ang Trend Support Kahit Humihina ang Volume sa Ilalim
Pinakamahalagang level ngayon para sa Cardano ang 20-day exponential moving average (EMA). Yung EMA kasi, mas matimbang ang recent price moves kaya madali makita kung solid pa ba ang short term trend support.
Mahalaga tong line na ‘to kasi minsan na rin itong nabasag. Noong December 11, nabutas ng Cardano ang 20-day EMA at bigla itong bumagsak ng halos 25%. Yung dating dahan-dahang pagbaba biglang naging sell-off.
Pero ngayon, nakakapit pa rin sa EMA ang presyo. Ang problema, yung volume mukhang may warning sign pa rin.
Dito pumapasok ang On-Balance Volume (OBV). Ang OBV, tinitignan kung saan pumapasok ang volume – kung sa green candles (buying) o sa red candles (selling). Kapag bumabagsak ang OBV habang sideways o paakyat yung price, kalimitan, mas marami palang tahimik na nagbebenta kesa sa malakas na demand.
Gusto mo pa ng ganitong token insights? Mag-sign up sa Daily Crypto Newsletter ni Editor Harsh Notariya dito.
Mula December 28 hanggang January 5, paakyat ang presyo ng Cardano pero pababa naman ang OBV. Ibig sabihin, may mga nagbebenta kahit pataas yung price. Ngayon, lampas na sa trendline ang OBV kaya lumalabas na humihina pa yung volume support imbes na lumakas.
Bakit kaya hindi pa rin bumabagsak yung presyo ng ADA? Sagot dyan ay makikita natin on-chain.
Totoong May Dip Buying: Halos 100 Million Coins Dinagdag ng mga Whale
Kahit mukhang humihina ang OBV, hindi rin bumabagsak ng todo ang Cardano kasi yung mga malalaking holder, nag-accumulate pa ng dip. Kitang-kita sa on-chain data na may pumapakyaw kapag malapit na sa trend line yung price.
Ganito ang eksaktong nakita: Wallets na may 1 hanggang 10 million ADA, nadagdagan ang laman nila mula nasa 5.49 billion hanggang 5.51 billion ADA. So parang mga 20 million ADA ang nadagdag simula January 11.
Sa parehong yugto, wallets na may 10 hanggang 100 million ADA, nadagdagan din holdings nila mula mga 13.44 billion papuntang 13.52 billion ADA. So about 80 million ADA naman ang nadagdag. Sa total, halos 100 million ADA ang binili ng mga whales sa panahong ‘to. Sa halaga ngayon, parang 40 million USD ang inubos nila para mag-dip buy.
Sinusuportahan din ng momentum data itong nangyayaring dip buying.
Ang Money Flow Index (MFI), pinagsasama ang price at volume para makita kung nagiging malakas ba ang buying pressure, sunod-sunod ang taas. Ibig sabihin, tuluy-tuloy ang papasok na pera sa Cardano kahit medyo hati pa ang pananaw ng mga trader. Dito rin nanggagaling ang “patigasan” sa market ngayon.
Walang tuloy-tuloy na pag-dump yung mga seller, at yung mga bumibili lalo na yung whales, sige pa rin sa pag-absorb ng dips. Pero hindi ibig sabihin nito na siguradong rally na agad. Para malaman kung saan tutuloy yung galaw, tinitignan pa rin ng market yung mga derivatives data at structure ng presyo.
Derivatives Nagpapakita Kung Bakit $0.40 Ang Susunod na Magde-decide ng Galaw ng Presyo ng Cardano
May dagdag na warning signal sa derivatives data. Sa nakalipas na 24 oras:
- Smart money, halos di gumalaw yung posisi nila — net long pa rin pero walang sign na magbabounce agad.
- Walang matinding dagdag sa bagong long positions
- Yung Top 100 na addresses at mga regular whale traders, net short pa rin ang posisyon at wala ring makitang seryosong long buildup.
Ibig sabihin nito, mukhang may inaasahan ang mga trader na biglaang galaw, pero hindi pa sila kumpiyansa na tataas ang presyo.
Kaya babalik ang focus sa mga price level. Simula January 7, umiikot lang ang galaw ng Cardano sa $0.37 hanggang $0.40. Importante ang $0.40 kasi nung January 8 pa na-break ng ADA ang level na ‘yan at hanggang ngayon, hindi pa natatawid pabalik.
Kapag nag-breakout si ADA sa $0.40 at tuloy-tuloy pataas hanggang $0.43, ibig sabihin pwede nang mag-recover ang bullish trend nito. Kailangan din na mag-stabilize at tumaas ang OBV para masabi na may totoong demand.
Mas klaro naman ang downside. Kung mag-close sa ilalim ng $0.37, pwede masira ang current setup nito at possible bumagsak hanggang $0.35, tapos kung tuloy-tuloy pa ang bentahan, baka umabot ulit sa $0.31.
