Kinumpirma ni David Sacks, tinaguriang AI at crypto czar ng White House, na malapit nang pumasok sa Senate markup stage ng US ang Digital Asset Market Clarity Act (CLARITY Act) ngayong January—isang mahalagang hakbang para sa tuluyang pagpasa nito.
Sinabi ni Sacks na sina Senate Banking Committee Chair Tim Scott at Senate Agriculture Committee Chair John Boozman ang nag-set ng timeline nito kaya magsisimula na ang mas pormal na review at mga posibleng amendments bago ito i-vote sa Senate.
Anong Mangyayari Sa January
Ipinapakita ng update na lalong lumalakas ang suporta sa bill, matapos itong maipasa ng House nang mas maaga sa 2025.
Kapag natuloy ang plano ng Senate, pwede nang ma-finalize ang pinag-isang version nito bago matapos ang taon. Magpo-position ito sa CLARITY Act bilang pinaka-sentro na batas para sa market structure ng crypto sa US.
Sa markup process, didikdikin ng ilang Senate committees ang House-passed na draft, line by line. Magpo-propose ang mga mambabatas ng amendments, magdedebate tungkol sa trade-offs sa policy, at magboboto bago iakyat ang ni-revise na bill sa Senate floor.
Sasali rito ang Banking Committee (na may hawak sa securities regulation) at Agriculture Committee (na nagbabantay sa Commodity Futures Trading Commission o CFTC).
Ang goal nito ay tapusin na ang matagal nang banggaan ng SEC at CFTC pagdating sa crypto, at mas higpitan pa ang mga patakaran para sa spot crypto markets.
Sabi ng mga committee leaders, gusto nila ng bill na makakakuha ng suporta mula sa parehong partido at hindi babalik sa old style na puro enforcement approach.
Mukhang Dito Magfo-Focus ang Amendments para sa CLARITY Act
Iikot ang mga amendments sa tatlong main na area.
Una, asset classification—lilinawin at papahigpitin pa ang pamantayan kung kailan matatawag na digital commodity ang isang token, at kung kailan naman ito security.
Pangalawa, proteksyon para sa investors at consumers—tulad ng disclosures, custody standards, at conflict-of-interest rules para sa exchanges at brokers.
At huli, implementation timelines—gano kabilis dapat mag-register ang mga platform at paano magko-coordinate ang mga ahensya habang naka-transition pa.
May chance ding mas tutukan ng mga senador yung preemption, upang hindi mag-overlap ang state rules at federal law, pero hindi rin pahihinain ang kapangyarihan ng states sa enforcement.
Paano Babaguhin ng CLARITY Act ang Crypto Market sa US Pagsapit ng 2026?
Kapag tuluyan nang naisabatas, babaguhin ng CLARITY Act ang US crypto market sa 2026. Mapupunta ang spot digital commodity markets sa ilalim ng CFTC oversight, matatapos na ang mga taon ng malabong patakaran, at magkakaroon ng federal registration system para sa exchanges, brokers, at dealers.
Para sa buong crypto industry, mababawasan ang kalituhan pagdating sa legal issues, mas makakasali ang mga institutional players, at lilipat ang compliance mula sa masalimuot na court cases papuntang clear na supervision na may malinaw na rules.
Para naman sa mga regulators, papalitan ng batas ang hati-hating enforcement ng mas klarong sistema at mandato.
Pinakamahalaga, para sa buong market, ito ang magiging unang kompletong framework ng US para sa crypto trading. Malaki ang chance nito na magdala ulit ng competitiveness vs. ibang mga bansa na meron nang regulatory clarity sa crypto.
