Mas hinihigpitan na ng Colombia at France ang pagbabantay sa crypto sector — malinaw na sign na may bagong era na naman sa global tax enforcement. Ngayon, hindi lang ang mga exchange at intermediary ang binabantayan — pati na rin ang mga self-custody wallet, todo tutok na.
Pinapakita ng mga bagong rules na gusto talagang malaman ng mga gobyerno kung sino nagmamay-ari ng crypto, paano umiikot ang pera, at paano nila masusunod ang international standards pagdating sa transparency.
Pinapareport ng Colombia sa Mga Crypto Exchange ang User Data
Sa Colombia, naglabas ang National Directorate of Taxes and Customs (DIAN) ng bagong rule na dapat mag-report lahat ng crypto service providers. Pasok ito sa Resolution 000240 na inilabas noong December 24, 2025.
Ngayon, required na ang mga exchange, intermediaries, at iba pang platform na nagha-handle ng Bitcoin, Ether, stablecoin, at iba pang digital assets na i-collect at i-submit ang detalye ng users at mga transactions.
Kabilang sa kailangang ireport ay ang:
- Account ownership
- Transaction volume
- Bilang ng units na nailipat
- Market value
- Net balances
Nasimula na agad ang implementation ng resolution, pero ang pagre-report mismo ay sisimulan pa para sa 2026 tax year. Yung unang full report, deadline nito ay sa last business day ng May 2027.
Dati na dapat magdeklara ng crypto holdings at gains ang bawat individual user sa personal tax returns sa Colombia. Pero walang system noon para magpa-report ang DIAN mula sa mismong third-party na platform.
Ngayon, mas mapapadali na sa gobyerno na i-check kung totoo ba ang deklarasyon ng users at mas maisama ang digital assets sa sistema ng tax collection.
Kapag hindi sumunod o mali ang na-submit na data, pwedeng may penalty na hanggang 1% ng total value ng hindi na-report na transaction.
Kabilang ang Colombia sa pinaka-aktibong crypto market sa Latin America. Ayon sa Chainalysis report noong October 2025, nakapag-record ang bansa ng $44.2 billion na crypto transactions mula July 2024 hanggang June 2025.
Dahil dito, pang-lima ang Colombia sa pinaka-malaking crypto market sa rehiyon, at pangalawa naman sila sa pinakamabilis lumaki pagdating sa crypto value na natatanggap — sunod lang sa Brazil.
Pinuntirya ng France ang mga Self-Custody Wallet na Higit sa €5,000
Samantala, sa France naman, gustong isama ng mga mambabatas sa reporting requirements pati ang mga self-custody wallet. Ayon sa amendments na pinasa ng National Assembly committee noong December 2025, required na i-declare ng holders ng wallet na tulad ng Ledger, MetaMask, Rabby, at Deblock kapag lampas €5,000 ($5,800) ang laman sa account.
Pinapaboran ito ng iba’t ibang partido at naka-base din sa mga rekomendasyon ng Conseil des prélèvements obligatoires (CPO). Mas pinalawak pa lalo ang supervision — hindi lang sa exchange kundi pati sa dumaraming users ng non-custodial crypto holdings.
Naka-base ang push ng mga mambabatas sa France sa nangyaring issue nitong 2025, kung saan naging matindi ang tax oversight risks. Noong May 2025, isang database na naglalaman ng tax at personal info ng mahigit dalawang milyon na French taxpayer, kabilang ang mga crypto holders, ay natuklasan na binebenta sa dark web forum. Mas maaga pa sa taon na yun, may sunod-sunod na violent kidnapping cases na target ang mga crypto investor.
Noong panahong iyon, may tax official din sa Bobigny na kinasuhan dahil sa paggamit ng confidential taxpayer data — kasama na dito yung crypto holdings — para tulungan ang organized crime groups. Dahil dito, mas naliwanagan ang regulators na talagang kailangan ng mas mahigpit na regulation para protektahan ang digital asset owners.
Pinapakita ng mga hakbang na ito sa Colombia at France na shifting na talaga sa global trend: ‘di na sapat yung voluntary reporting. Pati na mga exchange, intermediaries, at individual holders ng crypto, kailangan ng sumunod sa digital audit trail. Layon nitong supilin ang tax evasion at tiyakin na nagbabayad ng buwis ang mga dapat magbayad.
Kapareho ito ng recent developments sa UAE, na nagpatupad ng matinding overhaul sa kanilang crypto regulations. Ayon sa report ng BeInCrypto, criminal na ang paggamit ng unlicensed crypto tools, pati na rin ang self-custody wallets, ayon sa bagong batas.
Kapag pinagsama-sama, parang tapos na ang panahon ng semi-anonymous crypto trading. Mas nagmumukhang lahat ng wallet, transactions, at ownership, binabantayan na. Halos walang wallet na makakatago ngayon.
Siguradong nasa radar na ng tax authorities ang crypto sa mga bansang ito. Kapag hindi sumunod, may bantang financial at legal consequences talaga.
Dahil pinangungunahan ito ng Colombia at France, dapat maghanda ang investors at mga platform sa ibang bansa: mas magiging transparent at mahigpit na ang crypto market worldwide.
