Noong January 20, 2026, naranasan ng crypto market ang matinding deleveraging event. Mahigit 182,000 trader ang napilitan mag-close ng mga position nila — umabot sa $1.08 billion ang total liquidation. Halos lahat ng losses ay nanggaling sa mga long position, dahil marami sa mga Bitcoin at Ethereum futures trader ang tinamaan ng sunod-sunod na margin calls.
Ngayon, pinoproblema ng mga trader ang mas mataas na leverage habang tumitindi ang problema sa global macroeconomic environment at nararamdaman ang techical weakness sa mundo ng digital assets.
Matinding Record Liquidations, Sunog ang mga Leveraged Trader
Ayon sa CoinGlass data, umabot ng 182,729 trader ang na-liquidate sa loob ng 24 oras na nagtapos noong January 20, kung saan ang total losses ay nasa $1.08 billion. Karamihan dito ay mga long position, habang nasa $79.67 million lamang ang short liquidations.
Nasa $427.06 million ang na-liquidate na longs sa Bitcoin, habang sumunod ang Ethereum na may $374.47 million. Sa Bitget, nagkaroon ng pinakamalaki na single liquidation na BTCUSDT_UMCBL position na umabot sa $13.52 million. Malalaking exchange ang nagreport ng matinding losses: Hyperliquid ($132.39 million na long liquidations), Bybit ($91.35 million), at Binance ($64.08 million) — lahat yan sa loob ng apat na oras lang.
Kapag hindi na kaya ng margin ang losses ng isang trader, automatic na chine-check ng exchange kung kailangan nang mag-liquidate ng kanilang leveraged position. Kapag kumontra ang presyo sa mga malalaking leveraged positions, automatic na binebenta ng exchange ang collateral — nauuwi ito sa domino effect na pababa ng presyo at mas marami pang natitrigger na margin calls.
Pati yung mga malalaking trader, nadale rin ng liquidations. Si Machi Big Brother, na sikat na investor, limang liquidation ang naranasan sa isang araw lang. Umabot sa $24.18 million ang total na natapyas sa kanya, at yung natira pa niyang 2,200 ETH (halaga nitong $6.67 million) ay delikado rin kung bababa ang Ethereum price sa $2,991.43.
Nagsisilip na ang Market Stress at Lutang ang Technical Weakness
Hindi lang pagbagsak ng presyo ang nagpapakita na stressed ang market. Base sa technical analysis, karamihan ng mga altcoin ay nasa daily Relative Strength Index (RSI) na below 50 — ibig sabihin, tuloy pa rin ang bentahan. Ang RSI ay scale na 0 to 100, at pag below 50, bearish ang sentiment.
Ang liquidations-to-open-interest ratio sa nakaraang 24 oras ay nananatiling mataas sa maraming parte ng market, na isang klarong senyales ng deleveraging. Itong ratio na ito ay sinusukat kung gaano karaming open positions ang na-liquidate. Karaniwan itong lumolobo tuwing nagkakaroon ng stress at forced selling.
“Karamihan ng altcoins ay nagte-trade ngayon na ang daily RSI ay below 50, senyales na tuloy-tuloy ang bentahan. Bukod pa dito, elevated ang ratio ng 24h Liquidations / Open Interest sa karamihan ng market, na nagpapakita na napakaraming trader ang na-liquidate sa nakalipas na 24 oras — tipikal na scenario kapag matindi ang deleverage at market stress.”
Dahil sa sunod-sunod na liquidation, nababawasan na ang kapital ng mga investor kaya hirap na ang mga trader magbalik-trade kahit bumababa ang presyo. Pwede itong magdulot ng tuloy-tuloy na pababaan, kasi nababawasan ang buyers sa panahon na pinaka-kailangan para pumirmi ang presyo.
Lumalala ang Global Liquidity Threats, Dumidiin ang Pressure sa Market
Hindi lang crypto mismo ang may problema. Mas pinapalala pa ng macroeconomic events ang volatility ng market. Noong January 20, biglang tumaas ang bond yields sa Japan: Yung 30-year Japanese Government Bond (JGB) yield, umakyat ng 25 basis points sa 3.86% at yung 10-year yield, tumaas ng 8 basis points sa 2.34%. Record high yan para sa Japanese sovereign debt.
Malaking epekto nito sa buong mundo. Ilang dekada na, ginagamit ng investors ang mababang bond yields sa Japan para sa carry trade — umutang ng yen sa mababang rates tapos nilalagay sa mga higher-yield na asset, kasama na dito ang crypto.
Pero ngayong tumatataas na ang yields sa Japan, mas mahal na ang mag-maintain ng ganitong positions. Kaya maraming kapital ang bumabalik ng Japan at umaalis sa mas risky na assets tulad ng crypto. Mahirap ang situation ng Bank of Japan ngayon: kung kukontrolin nila ang yields, lalong hihina ang yen; kung hihigpitan nila, pwede ring maapektuhan ang market o mawala ang kumpiyansa. Sa huli, lumiliit ang global liquidity.
May dagdag na pressure din mula sa World Economic Forum sa Davos, kung saan ang mga polisiya at regulasyon na tatalakayin ay baka magbigay ng mas marami pang regulatory uncertainty. Madalas magdulot ng market movement ang annual event na ito, lalo na sa crypto world, dahil binabantayan talaga ng regulators ang market ngayon.
Mukhang Tuloy-Tuloy Pa ang Pagka-Volatile ng Crypto Markets
Yung technical weakness, nabawasang capital ng mga na-liquidate na trader, at paghigpit sa global liquidity — lahat ito nagpapakita ng tuloy-tuloy na uncertainty. Baka lalong sumipa ang volatility sa short term habang sinusubukan i-digest ng markets ang mataas na yields sa Japan at mga balita mula sa Davos.
Exposed pa rin ang mga trader na malaki ang leverage. Kapag lumala pa ang situation, automatic na ililiquidate ng exchanges ang positions nila para makontrol ang risk — madalas, sunog talaga ang trader capital. Sa crypto community, tinatawag nila ito na “rekt”, slang para sa “wrecked”.
Importante ang tamang risk management kapag mataas ang liquidation at stress ratios. Pero kung pangit ang kondisyon at ubos na ang kapital ng trader, mahihirapan pa rin sumuporta ang market — pwede pa ring manatiling mababa ang presyo hangga’t walang bagong kapital na papasok o kaya ay gumaan ang macro trends.
Sa mga susunod na araw, malalaman kung kakayanin ba ng crypto market na makabawi sa gulo na ‘to, o baka tuloy-tuloy pa rin ang liquidation wave habang nagbabago ang takbo ng global finance.
