Inakusahan ng ilang miyembro ng crypto community si Nikita Bier, Head of Product ng X at Solana advisor, na sinadya raw niyang pababain ang crypto-related content sa X (dating Twitter).
Lumabas ang mga paratang na ito matapos sabihin ng maraming users na nababawasan na daw ang lumalabas na crypto posts sa kanilang feeds.
Crypto Posts sa X, Bakit Nag-aalala ang mga User?
Matagal nang X ang isa sa mga main source ng crypto community para sa mga balita, updates sa market, bagong opportunities, pati na rin sa paghanap ng bagong projects at trending na metas. Pero nitong mga nakaraan, mas dumami umano ang reklamo ng users na parang nadadagdagan ng non-crypto content ang kanilang feed at nababawasan ang puro crypto na posts.
“Pinakasama na ng algorithm ngayon. Puro politika, rage bait, engagement bait ang nakikita ko at mga 10% na lang ang crypto content. Parang namamatay na ang mga community, at nagiging Instagram 2.0 na lang ‘tong app, kahit ang best feature talaga nito ay yung nabubuo ang mga community base sa topic at doon ka lang talaga umiikot sa feed mo,” post ni Ethan, isang market watcher, sa X.
Bilang sagot sa isa sa mga reklamo, sinubukan ni Bier linawin kung paano gumagana ang recommendation system ng X. Sa isang post na kanyang dinelete na nahuli sa screenshot, sinabi ng executive na merong kumakalat na maling info sa Crypto Twitter.
Sabi ni Bier, mula pa noong October, may kumakalat na “myth” na kailangan daw mag-reply ng daan-daang beses bawat araw para lumaki ang reach ng account. Pero ayon sa kanya, pwede raw itong maging balakid imbes na makatulong.
“Sa bawat post mo, nababawasan yung reach mo sa araw na yun. (Hindi naman namin pwedeng ipakita lahat ng posts mo sa lahat ng followers mo kasi average user mga 20-30 posts lang ang tinitingnan kada araw).”
Dahil dito, kung puro mababang value na reply tulad ng paulit-ulit na pag-type ng “gm”, mauubos agad yung reach mo. Kapag nag-post ka ng seryosong content mamaya, kaunti lang ang makakakita.
“Kusa nang namamatay ang CT (Crypto Twitter), hindi dahil sa algorithm,” sabi niya.
Mention din ni Bier sa isa pa niyang post na nakakaapekto sa recommendations sa feed ang pag-qoute ng mga particular na post. Pwede raw magresulta ‘yon sa paglabas ng parehong type ng content sa For You page mo for three to six months dahil sa algorithm.
Dahil dito, marami sa crypto community ang nag-react ng matindi, at may ilang users na inaakusahan si Bier na sinasadya raw nitong itago o bawasan ang crypto-related content sa platform.
“Grabe ‘tong opinion ng head ng product ng X. Dapat umalis na si Nikita. Imbes na suportahan ang growth at yung mga users na laging online, inamin pa niyang siya mismo ang nagbawas ng reach natin at parang gusto niya tuluyang mawala ang community natin dito. Imbes na hikayatin mag-post, parang pinipigilan pa lalo. Hindi CT ang kusang namamatay, X mismo,” komento ni Crypto Kaleo sa X.
May ibang users din na nagtaas ng kilay tungkol sa role niya bilang Solana advisor. Sabi ng mga kritiko, posible raw magkaroon ng conflict of interest dahil dito.
“Habang gumagawa ng crypto infra ang X, hindi ba conflict of interest ‘yan? Sana lahat ng networks may space sa X, pero kung isang chain lang ang obvious na binibigyan ng exposure tapos involved pa yung advisor niya mismo sa produkto, mahirap di mapansin,” dagdag pa ng isang community member sa X.
Uminit ang Usapan sa X—Pinapahirapan nga ba ang Crypto Content?
Habang ongoing ang mga tanong kay Bier, may ilan din na pumalag sa mga paratang. Si Finance Freeman, kilalang social media personality, nagsabi na mas malawak daw ang priorities ng X kaysa lang sa crypto.
“CT Algorithm Hack. Tawagin n’yo yung mga scammer at sumisipsip na sumisira sa space at bibigyan ka ng reward ng algorithm. 72,000 views nakuha ng video ko na nag-call out ng mga kalokohan nila. Huwag natin isisi lahat kay @nikitabier! At syempre, mas malawak talaga ang priority ng X kaysa sa CT lang. Curious din ako: ilang percent nga ba talaga ng X users ay crypto?,” ayon kay Freeman sa X.
Sabi naman ni Ki Young Ju, founder ng CryptoQuant, baka daw ang pagkaunti ng makikitang crypto posts sa X ay may kinalaman sa pagdami ng bots. Sa isang tweet, sinabi niya na umabot sa higit 7.7 million na crypto-labeled posts ang ginawa ng bots sa loob lang ng isang araw, na nangangahulugang 1,224% na pagtaas.
“Habang nagle-level up ang AI, inevitable na talaga ang mga bot. May kasalanan si Kaito dito, pero yung pinaka-problema, hindi naman talaga kayang ihiwalay ng X yung totoong tao sa bot. Hindi gumana ang verified paywall, at ngayon mga bot, nagbabayad na lang para makapag-spam. Parang kalokohan na imbes na ayusin ang bot detection, mas gusto pa ng X na i-ban ang crypto,” sabi ni Ju.
Dagdag pa dito, sinabi ni Benjamin Cowen, CEO at Founder ng Into The Cryptoverse, na hindi lang sa X nababawasan ang engagement ng mga tao sa crypto content — ramdam din ito sa iba pang social platforms. Ayon sa kanya,
“Hindi lang sa X at hindi lang dahil sa pagbabago ng algorithm. Bumaba talaga ang views sa crypto sa iba’t ibang platforms.”
Pinapakita ng debate na mas lumalala na ang kaba sa crypto community tuwing nababawasan ang presence nila sa X. Naguguluhan ang mga users kung ang problema ba eh yung algorithm, yung pagpapatupad ng rules sa platform, o yung wastong engagement na talaga ang bumabagsak.
