Bumagsak ng hanggang 6.5% ang shares ng ChangXin Memory Technologies (CXMT) nitong Lunes, matapos kumalat sa Asia ang chip selloff na nagsimula sa US noong Biyernes, kahit na nag-projection ang kumpanya ng positive na kita para sa unang siyam na buwan ng 2026.
Ang pinakamalaking memory maker sa China ay nag-announce noong Biyernes na inaasahan nitong magka-net profit ng hindi bababa sa 131 billion yuan, o nasa $19.6 billion, kumpara sa 5.28 billion yuan na lugi noong nakaraang taon. Pero kahit may ganitong balita, nagbenta pa rin ang mga investors.
Bakit Bumagsak ang Shares ng CXMT Kahit Positibo ang Kita?
Bumagsak ng mahigit 2% ang Nasdaq Composite nitong Biyernes, habang -1.1% naman ang bagsak ng S&P 500 na naging dahilan kung bakit ito ang pinakamasamang linggo nila mula pa noong Hunyo, dahil sa chip selloff sa Wall Street.
Dala ng kaba sa debt-funded AI spending at inaasahang mabilis na pagtaas ng interest rates, nadala rin ang negatibong market sentiment na ‘to papuntang Asia nitong Lunes, ayon sa report ng AJP.
Sa Seoul, bumaba rin ng hanggang 3.2% ang Korea Composite Stock Price Index (KOSPI), at parehong nag-drop ng mahigit 4% ang Samsung Electronics at SK Hynix sa pinakamababang presyo, ayon sa report ng Bloomberg. Samantala, bumagsak mga 2% ang Tokyo’s Nikkei 225.
Sinabi rin sa parehong report na nakadagdag sa pressure ang bagong AI model ng Chinese startup na DeepSeek dahil lumakas ang duda sa demand para sa memory chips — isang market kung saan nakatutok ang CXMT.
Sapat Ba ang Earnings Para Mahikayat Uli ang Chip Buyers sa Asia?
Sa kanilang filing, sinabi ng CXMT na ang patuloy na AI build-out ang dahilan kung bakit naging kakaunti ang supply ng dynamic random-access memory (DRAM) chips at tumaas din ang presyo mula pa second half ng 2025. Inaasahan nilang umabot ng 265 billion hanggang 270 billion yuan ang nine-month revenue nila.
Ayon sa data ng Counterpoint Research, nakuha ng CXMT ang 10% ng global DRAM revenue nitong second quarter, doble pa sa share nila noong nakaraang taon. Kumpara dito, bumaba ang share ng SK Hynix mula 39% papuntang 25% sa parehong yugto.
Noong nakaraang linggo, lumabas ang balitang may chip advance ang CXMT gamit ang mas siksik na DRAM design kaya nadamay din ang shares ng Samsung at SK Hynix pababa.
Naging dahilan ang pagbenta ng mga foreign investors sa chipmakers para malaglag ng 14.5% ang KOSPI noong nakaraang linggo. Pero nitong Lunes, naging net buyers naman ang mga foreigners at nabawasan sa kalahati ang opening loss ng index, ayon sa AJP.
Dahil halos kalahati ng KOSPI ay binubuo ng Samsung at SK Hynix, makikita sa susunod na mga araw kung tatagal ang buying na ito — at kung gaano kalaki ang timbang ng earnings kumpara sa kaba sa AI funding para sa mga investors.
