Nagpanukala si Anthropic CEO Dario Amodei na gawing mandatory ang third-party testing para sa mga pinaka-advanced na AI models. Gusto rin niyang bigyan ng kapangyarihan ang mga gobyerno na harangin ang mga system na babagsak sa safety audit.
Dumating ang essay niyang “Policy on the AI Exponential” isang araw pagkatapos ilabas ng Anthropic ang Claude Fable 5. Sinamahan pa ito ng panukalang batas tungkol sa model testing at ng framework kung paano i-handle ang job displacement dahil sa AI.
Dario Amodei: Mula Transparency, Gusto na ng Mayngipin na Rules
Noong 2025, tinutukan ng Anthropic ang mga batas na nakabase sa pagdi-disclose. Suportado nila ang SB 53 sa California, RAISE Act sa New York, at SB 315 sa Illinois. Pero ayon kay Amodei, hindi na sapat ang transparency dahil mas malaki na ang risk ngayon.
Nagsa-suggest siya ng sistema na parang sa Federal Aviation Administration (FAA). Lahat ng models na lalagpas sa isang compute threshold, dadaan sa mandatory third-party audit sa apat na aspeto.
Kabilang dito ang cybersecurity, biological weapons, pagkawala ng kontrol, at automated AI research.
“Dapat pinapadaan ang mga frontier AI model, tulad ng eroplano, sa technical testing at auditing. Dapat rin kayang pigilan o baligtarin ang paglabas ng mga ito kapag hindi sila pasado sa matataas na safety standards at maglalagay sa publiko sa panganib,” isinulat ni Amodei sa kanyang essay.
I-follow kami sa X para sa mga latest na balita sa crypto at AI
Mas advance pa ‘yung plano niya kumpara sa June Executive Order ng White House para sa AI, na para kay Amodei ay isa lang maliit na hakbang.
Gusto rin niyang gawing mabilis ang pagre-report ng mga safety incident, at higpitan ang proteksyon para sa mga model weights.
Cyber Risks: Bagsik para sa Crypto Infrastructure
Para kay Amodei, ang cybersecurity ang pinakaunang risk na nagiging realidad na. Tinuro niya ang Claude Mythos Preview na nakasolve ng 73% ng expert-level cyber challenges na dati hindi nagagawang lutasin ng kahit anong AI.
Binabalaan din ng essay niya na pwedeng maapektuhan ang finance sector at critical infrastructure ng mga frontier model.
Ayon sa analysis ng BeInCrypto, bumabandera rin ang DeFi security risks na konektado sa Mythos-class na models, dahil open at madaling pasukin ang hawak na value ng mga Decentralized Finance (DeFi) protocol.
Samantala, nag-launch ang Anthropic ng Claude Fable 5 model noong June 9, na merong safety features para i-block ang high-risk na cyber at biology requests.
Pero para kay Amodei, hindi sapat yung mga ganitong kusang loob na limit. Dapat gawin itong mayngipin na rules para sa buong AI industry.
Binalaan din niya na posibleng mas lumala pa ang risk sa autonomy ng mga model. Sa data mismo ng Anthropic, nakitaan na ng AI na gumagawa ng mas magagaling pang AI — si Claude na mismo ang sumusulat ng karamihan ng code sa mga sikat na AI lab. Basahin ang buo dito.
Job Losses, Civil Liberties, at Panawagan sa Democratic Coalition
Sa usaping kabuhayan, nagpa-suggest siya ng wage insurance, tax incentive para manatili ang workers, at grants para sa training.
Kung maging matindi ang job displacement, pwede raw pondohan ang universal basic income gamit ang buwis mula sa mga kumpanya o capital gains tax.
Direkta rin ang panawagan niya para sa civil liberties: gusto niyang ipagbawal ang fully autonomous weapons sa local na law enforcement. Pinupush din niya na isara ng Kongreso ang data broker loophole, na ginagamit para sa maramihang pagbili ng surveillance data.
Pagdating naman sa geopolitics, gusto niya ng coalition ng mga demokratikong bansa na magkontrol sa chips at semiconductor manufacturing equipment.
Binigyang-diin niya ang mga pending US bills na MATCH at OVERWATCH bilang mga unang hakbang sa mas mahigpit at coordinated na export control.
Hindi siya sang-ayon na marketing problem lang ang public fear sa AI — para kay Amodei, tama ang concern ng mga tao. Kung papansinin ng Kongreso ang testing proposal ng Anthropic, dito magdedepende ang susunod na yugto ng AI policy.
