In-announce ni Elon Musk ang Terafab, isang bagong chip factory sa Texas na pagtutulungan ng Tesla at SpaceX. Gagawa ito ng mga semiconductor na ginagamit sa artificial intelligence at robotics.
Sabi ni Musk, ang Terafab Texas daw ang magiging pinakamahalagang gusali sa buong mundo—by far.
Plano ng Tesla at SpaceX na mag-invest ng $16.8 bilyon para simulan ang construction. Pwedeng umabot sa $119 bilyon ang kabuuang gastusin kung isasama ang lahat ng phase, base sa regulatory filings na lumabas ngayong linggo.
Balak ng Terafab Texas na Maging Pinakamahalagang Gusali sa Mundo
Ibinahagi ni Musk ang claim na ito sa X, at pinuri din niya ang design na planong gawin para sa factory.
Base sa estimates ng mga analyst, posibleng makagawa ang factory ng higit isang trilyong watts ng AI computing capacity taon-taon. Gagamit ito ng two-nanometer chip technology na isa sa pinaka-advanced na proseso ngayon.
Mabilis na kinumpara ng mga tao online ang laki ng Terafab sa iba pang mega-structures sa buong mundo. Ang mga side-by-side graphic, pinapakita ang factory katabi ng Austin gigafactory ng Tesla, mga government building, malaking corporate campus, at shopping center na dinarayo ng milyon-milyong tao bawat taon. Isang comparison lang, naka-milyon kaagad ang views sa isang araw.
Lalagpas sa 9 milyon square meters ang sakop ng Terafab chip factory. Sabi pa ni Musk, magiging mga 50x mas malaki ito kumpara sa Pentagon, na headquarters ng U.S. Department of Defense, kapag natapos na.
Naging topic ang mga comparison na ‘to habang lalong umiinit ang spekulasyon tungkol sa posibleng pagsanib ng Tesla at SpaceX. Lalo pang nagiging magkadikit ang infrastructure, executives, at capital ng dalawang kumpanya. Samantala, ang rumor ng Gigafactory Shanghai sale—na dine-deny ni Musk nitong nakaraang linggo—ay patunay kung gaano ka-interesado ang mga investor sa moves ng industrial empire niya.
Pusta sa Chips Para sa Robots, Rockets, at AI
Ang Terafab ang gagawa ng mga chip para sa Optimus humanoid robot ng Tesla at Full Self-Driving software. Magpo-produce din sila ng special chips na kayang tumagal sa space para sa mga satellite ng SpaceX at orbital data centers para sa xAI, ang sariling AI project ni Musk. At least 3,000 trabaho ang pwede nilang maibigay sa local workers.
Sabi ni Musk, yung mga kasalukuyang gumagawa ng chips sa mundo, mga 2% lang ang kayang tugunan sa compute na inaasahan ng Tesla at SpaceX sa susunod na mga taon. May chart din siyang shinare na pinapakita kung gaano kalaki ang magiging demand ng dalawang kumpanya, sobra-sobra kumpara sa ngayon.
Ipinapakita ng strategy na ito na gusto nilang hindi na umasa sa ibang chipmaker tulad ng Taiwan Semiconductor Manufacturing Company (TSMC). Sabi ng mga analyst, hindi sapat ang kaya ng traditional foundries para sabayan ang sobrang taas na demand sa AI.
Malamang, manggagaling ang pondo sa hype mula sa record-breaking stock debut ng SpaceX nitong taon. Base naman sa second quarter earnings ng Tesla, sobrang taas ng AI spending nila kahit medyo lumiit ang kita. Sa latest earnings call ng SpaceX nitong linggo, pinaalam din kung paano nila balak pondohan ang project na tulad ng Terafab.
Babantayan ng mga investor kung kayang pondohan ng Tesla at SpaceX ang Terafab nang hindi kinakailangan magtanggal ng pondo mula sa ibang priority. Sabi ng mga analyst sa Wall Street tulad ng Morgan Stanley, malamang di pa agad magshi-ship ng chips bago sumapit ang 2028. Dahil dito, ‘di pa talaga totally proven ang scale ng factory sa mga susunod na taon. Pero kahit maliliit na delay, pwede ‘to makaapekto sa buong roadmap ng Tesla at SpaceX pagdating sa robotics at space computing.
