Inilabas ng Etherealize, isang kumpanya na nakatutok sa mga institutional investor ng Ethereum (ETH), ang bago nilang analysis na nagsasabing puwedeng umabot sa mahigit $250,000 ang presyo ng ETH sa future kung makuha ng Ethereum ang monetary premium na hawak ngayon ng gold at Bitcoin.
Sinasabi ng Etherealize na kung pagsasamahin ang monetary premium ng gold at Bitcoin, nasa $31 trilyon ito at mahahati sa 121 milyon na umiikot na ETH. Naniniwala sila na mas maganda ang ETH bilang pera kaysa gold o Bitcoin sa lahat ng aspeto, maliban na lang talaga sa tagal ng pagiging established nito.
Posible Umabot ng $250,000 ang ETH Ayon sa Etherealize Kung Ma-absorb Nito ang $31 Trillion Monetary Premium ng Gold at Bitcoin
Gamit ang framework ni Carl Menger noong 19th century kung ano nga ba ang gumagawa ng “magandang” pera, pinapakita ng thesis na kayang tapatan o higitan ng ETH ang gold at Bitcoin pagdating sa scarcity (o kakulangan), divisibility, portability, durability, at censorship resistance.
Binanggit din ng report ang sinabi ni Warren Buffett noong 2011 na ang gold ay “walang masyadong silbi at ‘di rin nagpaparami,” at nilatag rin ang logic na ‘yun kay Bitcoin. Para sa Etherealize, halos magkapareho ang kapintasan ng gold at Bitcoin, dahil hindi sila naiipon ng value over time.
“…paangat palagi ang productive na pera kaysa dead capital. Ang tanong lang, gaano katagal bago mapansin at maintindihan ng buong mundo yun,” ayon sa post.
Mahalaga rin daw na ang ETH ang unang monetary asset na puwedeng mag-compound (lumago ng lumago) nang walang counterparty risk. Kung i-stake mo ang token ngayon, puwede kang kumita ng 2% hanggang 4% sa isang taon mula sa issuance at transaction fees.
Ayon pa sa report, may intrinsic value floor ang Ethereum na nakabase sa on-chain financial activity. Kaya naiiba ito sa gold at Bitcoin na halos nakaasa lang sa monetary premium.
I-follow kami sa X para una kang makakuha ng mga crypto news and updates
Pinapansin din ng Etherealize ang security gap sa pagitan ng Ethereum at Bitcoin. Tinatayang nasa $6.3 bilyon ang halaga ng lahat ng Bitcoin mining hardware ngayon, habang halos $30 bilyon na ang halaga ng mga naka-stake na ETH na sumusuporta sa Ethereum network.
“Direkta ang pagtaas ng cost sa value ng network: kung magdoble ang market cap ng ETH, automatic din na dodoble ang gastos para i-atake ito. Wala nito sa Bitcoin. Kapag nagdoble ang market cap ng Bitcoin, pareho pa rin ang gastos para i-atake — maliban na lang kung mag-invest ng panibagong hardware ang miners, at gagawin lang nila ‘yun kung sulit sa kanila. Lalo pang bumibigat ang sitwasyon sa miners tuwing may halving every four years. Habang ang Bitcoin ay sunog ng sunog ng energy, ginagamit naman ng Ethereum nang mas productive ang capital,” dagdag ng Etherealize.
Hindi naman nagbigay ng specific na timeline ang report at kinilala rin nila na depende pa rin ang potential ng $250,000 na presyo sa kung paano titingnan ng merkado ang ETH bilang tunay na pera.
Nasa $2,400 ang current trading price ng ETH ngayon, at ang market cap nito ay nasa $289 bilyon. Ibig sabihin, kung magkatotoo ang estimate ng Etherealize, may potential umakyat ng mahigit 100x ang value ng ETH mula sa current level.
Mag-subscribe sa aming YouTube channel para mapanood ang mga insights mula sa mga crypto expert at journalists
