Ang ERC-8004, isang bagong token standard na ginawa para sa decentralized AI agents, malapit nang i-deploy sa Ethereum mainnet.
Dahil dito, naghahanda ang Ethereum para sa malaking pagbabago sa papel nito sa AI ecosystem o artificial intelligence economy.
Live Na ang ERC-8004 sa Ethereum—Sino ang Lolobo Gamit ang Bagong AI Agent Standard?
Hatid ng upgrade na ito ang portable reputation, identity, at validation para sa mga autonomous agent. Magiging base ito ng isang global trustless marketplace, kung saan ang mga machine ay puwedeng mag-transaksyon mismo sa isa’t isa.
Sa paglalahad ng bagong token standard, sinabi ng Ethereum na magbibigay ang ERC-8004 ng “discovery at portable reputation,” kaya puwedeng makipag-interact ang mga AI agents sa iba’t ibang organisasyon habang dala-dala ang credibility nila saan man sila mag-operate.
“Magbubukas ito ng global market kung saan makakapag-interoperate ang mga AI service kahit walang gatekeepers,” ayon sa network sa tweet na ito.
Nagawa ang ERC-8004 ng decentralized AI (dAI) team mula sa Ethereum Foundation katuwang ang Consensys.
Sa pinaka-core nito, pinalalawak ng standard ang agent-to-agent (A2A) communication gamit ang tatlong magaan na on-chain registry:
- Identity
- Reputation, at
- Validation.
Bawat AI agent bibigyan ng portable on-chain identity gamit ang ERC-721 NFT. Nakalagay sa metadata ang capabilities ng agent, mga endpoints, at credentials—parang standardized na “passport” para sa mga machine actor.
Puwede mo ring idagdag sa ibabaw ng identity na ito ang reputation data at payment proof. Sa ganitong paraan, puwedeng makabuo ang agents ng verifiable history ng mga pinagagawa nila, nang hindi kailangan sumandal sa mga centralized na platform.
Ayon kay Davide Crapis, AI lead ng Ethereum Foundation, Ethereum ang unique na platform para mag-secure at mag-settle ng mga AI-to-AI transaction.
“Coming to mainnet na ang ERC-8004 standard,” sabi niya, at dagdag pa niya, simula pa lang ito. “Genesis month ang February—importante talaga ito.”
Sinabi naman ng Ethereum Foundation engineer na si Binji na kung gusto nating magbuo ng malaking AI society, kailangan natin ng shared ledger na lahat puwedeng magtiwala.
“Lumalaki ang mga civilization kasi kaya ng tao magtiwala nang hindi sinasabi. Pero ang AI agents, hindi nila kaya ’yan,” sabi niya, at dineklara na blockchain lang ang best substrate para sa ganitong agentic society. “Ginagawang standard ng ERC-8004 ang Ethereum at ang mga L2 nito para sa ganitong ecosystem.”
Aling mga Project ang Pwedeng Maka-Benefit?
Makikinabang dito ang mga dumaraming AI-focused crypto project, lalo na mga gumagawa ng agent infrastructure, orchestration layer, at mga on-chain marketplace.
Ibinabahagi ng mga analyst at developer na may dalawang major na kategorya ng mga benefeciary:
- Infrastructure at tooling
Kabilang dito ang mga platform para sa agent discovery, orchestration, at reputation tracking. Ilan sa mga madalas makita ng ecosystem trackers ay mga tools na nakatutok sa registry, settlement layer, interoperability, at scaling solution para sa Ethereum pati na sa Layer-2 networks nito.
- AI agent applications
Sakop nito ang DeFi, prediction markets, automated trading, at autonomous service bots. Umaasa sa mga agent ang mga project na ito, na kailangang mag-authenticate ng isa’t isa, mag-exchange ng value, at mag-coordinate ng action sa open networks – exactong mga problema na gustong solusyunan ng ERC-8004.
May mga ecosystem map na umiikot sa circles ng mga developer na nagpapakita na marami nang team ang tumutugma ng mga produkto nila sa standard na ito. Ibig sabihin, maganda na agad ang simula bago pa ang deployment sa mainnet.
Ano ang Connect ng x402?
Posibleng lumaki lalo ang epekto ng ERC-8004 dahil sa partnership nito sa x402, isang protocol para sa internet-native na micropayments sa pagitan ng mga agent.
Gamit ang HTTP 402 responses at stablecoin para mag-settle ng payment, binibigyan ng x402 ng kakayahan ang mga agent para magbayad ng API, data, o compute resources–walang account, API key, o middleman na kailangan.
Pinaniniwalaan ng mga analyst na kapag pinagsama ang portable reputation layer ng ERC-8004 at frictionless payment ng x402, makakabuo ito ng buong stack para sa decentralized AI commerce.
Sinabi ng iba na puwedeng pataasin ng ERC-8004 at x402 combo ang demand para sa tokens na may kinalaman sa agent infrastructure at payment rails, lalo na habang dumadami ang nag-adopt.
Pinapatos ng Ethereum ang AI—Kaya Ba Nila?
Dahil tinatayang lalampas ng $1 trillion ang global AI market pagsapit ng 2031, mukhang naniniwala ang Ethereum na mananaig ang open at neutral infrastructure kumpara sa mga saradong corporate ecosystem.
Dahil on-chain na mismo ang identity, reputation, at settlement, ginagawa ng ERC-8004 na coordination layer ang Ethereum para sa mga autonomous agent, hindi lang basta-basta bilang platform ng mga applications.
Kung magiging tuloy-tuloy ba ang traction sa network at value nito, malalaman natin sa susunod na mga buwan matapos ang launch.
Sa ngayon, ang ERC-8004 ang isa sa pinakamalinaw na move ng Ethereum para maging player sa pagkakabit ng blockchain at AI.
