Hindi pa rin talaga lumilipad ang presyo ng Ethereum, at kung titignan, pa-side lang ang galaw pero unti-unti ring bumababa, imbes na naging stable. Nahihirapan ngayon ang ETH na magpakita ng tuluyan at panalong momentum pataas. Marami na ring bagong holders ang umaalis sa market, kaya bumabagsak ang sentiments, kahit may ilang metrics na medyo nagpapakita ng early signs ng pagbuti para sa matagal nang holders.
Dahil dito, medyo magkahalo ang pananaw ng mga crypto fans pagdating sa Ethereum. Pero kahit medyo humina ang network growth, mukhang okay pa rin ang mga matagal nang nagho-hold ng ETH kaya parang nababalanse pa rin kahit papano.
Bumababa ang Bagong Ethereum Holders
Bagsak ang dami ng bagong Ethereum wallet address nitong mga nakaraang araw. Halos 36% ang binaba nito sa loob lang ng 48 oras — mula 298,000 naging 191,000 na lang. Dahil dito, bumaba sa two-month low ang network growth ng Ethereum.
Simula pa lang ng buwan, mabagal na talaga ang galaw. Dahil mas kaunti ang mga bagong pasok sa market, nababawasan tuloy ang natural na demand sa ETH. Kahit retail investors, mukhang nagdadalawang-isip din na pumasok, kaya lalong bumibigat ang performance ng presyo ng ETH at natatakot na ulit ang karamihan ng traders.
Gusto mo pa ng crypto tips at analysis? Pwede kang mag-sign up sa Daily Crypto Newsletter ni Editor Harsh Notariya dito.
Kung titignan naman yung Ethereum Holder Retention Rate, makikita mong kahit nababawasan ang mga bagong holders, yung mga natitira — loyal pa rin. Itong metric na ito ay sinusukat ang porsyento ng mga wallet na may laman pa ring ETH sa loob ng magkasunod na 30 na araw. Ibig sabihin, tinitignan dito kung hawak pa rin ng mga tao ang ETH nila o nagbebentahan na lang sila paalis.
Kababa lang ng retention rate sa 92.4% — pinaka-mababa ito sa loob ng 4.5 na taon at lowest na mula pa September 2021. Ibig sabihin, nagdadalawang-isip din ang mga bagong holders ngayon tungkol sa pag-hold ng ETH.
Pero, ngayon medyo nakakabawi na ulit ang metric na ito kaya mukhang bumabalik na kahit paano ang kumpiyansa ng mga holders. Kung magtutuloy-tuloy ang pagtaas ng retention, mas lalakas lalo ang support levels ng ETH.
Mukhang Pwede Pang Maka-Bounce Back ang Presyo ng ETH
Sa ngayon, umaabot sa $1,904 ang trading price ng Ethereum na nananatili pa ring mas mataas sa $1,816 na support level. Parang flat lang ang price action, pero meron pa ring mabagal na pagbagsak dahil sa descending resistance line. Hangga’t walang matinding demand, baka manatiling mahina ang ETH prices.
May konting good news naman na dala ang Chaikin Money Flow (CMF) indicator — kasi positive na ulit ang reading nito pagkatapos ng dahan-dahang trend pataas. Ibig sabihin, dumadami ulit ang capital na pumapasok. Kailangan natin itong inflows kung gusto nating makita ang tuloy-tuloy na pagtaas ng presyo ng Ethereum.
Kung magpapatuloy ang inflows at magho-hold ang support, possible makabawi ang Ethereum mula $1,816 at subukan na umakyat papuntang $2,165. Pag nag-breakout ang ETH sa resistance na yan, mababasag yung downtrend line. Baka dito na ulit bumalik ang kumpiyansa ng mga investors at magdala ng bullish momentum.
Pero kapag hindi nagtuloy ang positive capital flow, delikado na uli ang scenario. Kapag bumagsak ang presyo sa ilalim ng $1,816, hindi na valid yung recovery scenario. Puwedeng sumadsad pa ang presyo ng Ethereum papunta sa $1,600—mas tataas ang risk ng pagbagsak at mas lalakas pa ang kontrol ng mga bear sa buong crypto market.
