Parang nagkakaroon na ng kaunting stability ang presyo ng Ethereum matapos yung matinding sell-off noong huling bahagi ng January. Umangat ng mga 4.6% ang ETH sa loob ng 24 oras matapos bumagsak malapit sa $2,160. Sa unang tingin, mukhang relief bounce lang ito na nangyayari pa rin sa loob ng mas malaking falling wedge pattern.
Pero base sa on-chain data, mas dapat tayong maging maingat. Kahit hindi pa tuluyang nasisira ang bullish structure, humihina na ang conviction ng mga long-term holder pati na ang profit-loss metrics. Pinapakita nito na kulang pa sa kumpiyansa ang rebound na ‘to. Kapag nagpatuloy ang trend na ‘to, pwede pang manatiling mahina ang Ethereum at baka bumagsak pa ulit — posibleng umabot pa ng $1,500 ang target ng mga bear.
Kahit Bumagsak ng 37% ang Presyo, Di Pa Rin Nababasag ang Pattern—Pero May Abang Dito
Mula noong kalagitnaan ng January, bumagsak ang Ethereum ng halos 37% at halos sumayad sa $2,160. Nangyari ito kasunod ng klarong bearish divergence.
Noong January 6 hanggang January 14, umakyat pa ng panibagong high ang ETH pero yung Relative Strength Index (RSI) ay nag-form ng lower high. Yung RSI ay sukat ng momentum na nasa 0–100. Kapag tumataas ang presyo pero humihina ang RSI, ibig sabihin humina na ang buying pressure. Kadalsan, nauuwi ito sa trend reversal — at ganito nga ang nakita natin sa Ethereum.
Kahit malakas ang bagsak, nananatili pa rin sa loob ng falling wedge yung price. Nagkakaroon ng falling wedge kapag gumagawa ng mga lower highs at lower lows ang price habang papaliit ang space sa trendlines. Karaniwan, bullish ang ganitong structure dahil nagpapakita ito na humihina na ang sellers.
Gusto mo pa ng mga ganitong token insights? Mag-subscribe na sa Daily Crypto Newsletter ni Editor Harsh Notariya dito.
Kaya sa structure, hindi pa tuluyang bumabagsak ang Ethereum. Pero mas importante, humihina na yung conviction ng mga pangmatagalang holder.
Ang Hodler Net Position Change ay nagsu-sukat kung yung mga long-term investor ay nag-accumulate o nagbebenta. Noong January 18, tumaas pa sa +338,708 ETH yung 30-day net position change — malakas ang accumulation noon.
Pero pagdating ng February 2, bumagsak na lang ito sa +40,953 ETH. Halos 90% ang nabawas.
Ibig sabihin nito, malaki ang nabawas sa pagbili ng mga long-term holder habang bumababa ang market. Kapag hindi sumasabay mag-accumulate ang mga matitibay ang loob tuwing mahina ang presyo, kadalasan hindi pa bottom ang market. Nagkakaroon ng matibay na bottom kapag patuloy pa rin ang accumulation kahit bumabagsak ang presyo — at sa ngayon, ‘di pa ‘yon nangyayari.
Nagka-paper Profits, Lumilipat sa Exchange—Mukhang Binibenta Mga Rally
Pangalawang warning na dapat bantayan: nagmula sa Net Unrealized Profit/Loss (NUPL) ng Ethereum at exchange transfer data.
Ang NUPL ay sukat kung magkano ang kita o lugi ng mga holder sa papel. Kinukumpara nito ang kasalukuyang presyo versus average na presyo ng bili. Kapag mataas ang NUPL, halos lahat kumikita. Pag naging negative, marami na ang nalulugi.
Noong huling bahagi ng January, yung NUPL ng ETH bumaba mula halos 0.25 papuntang 0.007 pagsapit ng February 1. Ibig sabihin, halos naubos na ang kita, pero hindi pa totally wiped out.
Pero kung titingnan ang one-year view, hindi pa malapit sa totoong capitulation yung NUPL.
Noong April 2025, bumagsak ang NUPL sa −0.22. Sobrang takot at capitulation na yun. Doon nag-rally ang ETH mula $1,472 hanggang $4,829, halos 228% ang tinaas. Sa ngayon, malayo pa tayo sa ganitong level ng NUPL.
Ipinapahiwatig nito na hindi pa nagyayari ang matinding kapitulation. Pwede pang bumaba lalo ang presyo ng ETH bago mag-form ng matibay na bottom.
Mas nagiging risky pa dahil sa exchange transfer data. Noong January na bumagsak ang presyo, bumaba rin ang dami ng transfer (hindi yung number ng coins kundi bilang ng transfer) sa halos 23,000–24,000 kada araw. Ibig sabihin, nabawasan ang selling pressure near sa lows. Pero nung rebound ng February 1 at 2, biglang sumirit sa above 37,000 ang transfers.
Ibig sabihin nito, higit 50% ang itinaas ng transfers sa isang araw lang. Posibleng gamitin ng mga short-term holder at speculators yung bounce na ito para i-move ang ETH nila papuntang exchange at ibenta. Kapag yung bawat rally ay sinusundan ng spike sa transfer, parang distribution phase ito — hindi accumulation.
Pinapakita ng pattern na ito na lalong lumalalim ang hati sa pagitan ng mga short-term trader at ng mas malaki at pangmatagalang kapital.
Sinabi ni Gil Rosen, Co-Founder ng Blockchain Builders Fund, ang tungkol sa split na ito sa kanyang exclusive na quote sa BeInCrypto:
“Dalawa talaga ang daloy ng kapital dito. Yung isa, institutional capital na nagsisimula nang mag-invest nang matindi sa crypto sa iba’t ibang asset class. Yung isa naman, retail flows. Lagi munang macro ang tinitignan ng institutional capital, at kapag nagbago ang market, tinitignan pa rin nilang risky asset ang crypto. Sa kabilang banda, grabe ang pagtaas ng short-term speculative capital noong Q4,” paliwanag niya.
Dahil dito, hindi lumalakas ang pag-angat ng presyo.
Mukhang Babagsak ulit sa $1,500 ang Ethereum—Ito ang Mga Nakikitang Signs
Kahit hawak pa rin ang structure, lumalambot na yung confidence ng mga trader kaya mas importante na ngayon ang Ethereum price levels kaysa sa mga indicator. Ang unang malaking suporta ay nasa paligid ng $2,250. Dito naging base ang presyo ng ETH para sa short term matapos ang rebound.
Baba pa diyan, importante ang $2,160 kasi ito yung pinakahuling low at malapit na sa lower boundary ng falling wedge. Kapag nabutas pa pababa ang zone na ‘to, baka mas humina pa yung bullish structure ng presyo ng Ethereum.
Kapag hindi nag-hold ang $2,160 pati yung lower wedge trendline, pwede nang bumagsak hanggang sa $1,540 area na isang key Fib extension level sa baba. Ganitong lalim ng dip, malapit nang umabot ang NUPL sa historical capitulation level at presyo ng ETH ay mapalapit na sa zone noong April 2025.
Diyan pwedeng mangyari ang mas malalim na reset. Kung gusto muling mag-shift sa bullish ang usapan, kailangan talagang bawiin ng Ethereum ang $2,690. Yan ang malaking Fibonacci resistance at dating breakdown zone.
Kailangan ng tuloy-tuloy na rally pataas ng $2,690 para masabi na bumabalik ang lakas ng mga buyers. Hanggang hindi nangyayari ‘yun, malakas ang selling pressure sa kahit anong pag-akyat sa pagitan ng $2,250 at $2,690. Basta nakakulong pa sa range na ‘to ang ETH, bawat bounce pwede pa ring gawing exit point ng mga trader.
