Tinatangkang mag-stabilize ng Ethereum matapos ang ilang linggo ng malalakas na bentahan. Nagho-hold ang presyo malapit sa $1,950 zone, up ng mga 6% mula sa pinaka-mababang presyo kamakailan. Kasabay nito, nagsimula na ang malalaking Ethereum whales na mag-accumulate nang matindi.
Pero nagiingat pa rin ang mga short-term sellers at mga derivatives trader kaya pabago-bago ang galaw kung saan pupunta ang market susunod.
Patuloy ang Pag-ipon ng Malalaking Ethereum Whales, Mukhang Solid pa rin ang Bullish Divergence
Makikita sa on-chain data na ang mga pinakamalalaking Ethereum holders ay naghahanda para sa possible rebound. Simula noong February 9, yung mga address na may hawak ng 1 milyon hanggang 10 milyong ETH ay nadagdagan mula sa around 5.17 million ETH papuntang halos 6.27 million ETH. Mahigit 1.1 million ETH ang nadagdag, na nasa $2 billion ang halaga base sa presyo ngayon.
Gusto mo pa ng ganitong token insights? Puwede kang mag-sign up sa Daily Crypto Newsletter ni Editor Harsh Notariya dito.
Sabay ng accumulation na ‘to ang bullish technical signal sa 12-hour chart.
Mula January 25 hanggang February 12, habang bumabagsak ang presyo ng Ethereum at nakikita ang mas mababang low, nag-form naman ng mas mataas na low ang Relative Strength Index o RSI. Ang RSI ay indicator kung saan tinitignan ang momentum kapag kinumpara ang mga recent na gain at loss. Kapag bumababa ang presyo pero paakyat ang RSI, madalas ibig sabihin nito humihina na ang selling pressure.
Ipinapakita ng bullish divergence na ito na nababawasan na ang lakas ng pagbaba ng presyo.
Valid pa rin ang setup hangga’t nakakapit ang Ethereum above $1,890. Ganito rin yung signal na lumabas noong February 11 at mukhang nagho-hold pa rin. Kapag bumaba sa baba ng $1,890, mapuputol yung divergence at mahihirapan nang mag-rebound.
Sa ngayon, mukhang umaasa ang mga whale na magho-hold pa rin ang support sa level na ito.
Nagbebenta na ang mga Short-Term Holder?
Habang nag-a-accumulate ang malalaking investors, magkaibang magkaiba ang galaw ng mga short-term holder.
Tumaas nang matindi ang Spent Coins Age Band para sa mga nasa 7-day to 30-day holders. Simula February 9 (kapareho ng araw ng nag-accumulate ang mga whale), umakyat ang metric na ito mula around 14,000 papuntang halos 107,000, na mahigit 660% ang tinaas. Minomonitor ng indicator na ‘to kung ilang mga bagong acquire na coin ang ginagalaw. Kapag tumataas ang number, usually ibig sabihin may nagti-take ng profit at nagdi-distribute na.
Sa madaling salita, nag-e-exit na sa mga position ang mga short-term traders. Dati na ring nangyari ang ganitong pattern ngayong February. Noong February 5, nagkaroon ng spike sa activity ng short-term coins malapit sa $2,140. Isang araw lang ang lumipas, bumagsak ang Ethereum ng mga 13%.
Ipinakita ng history na ‘to na ang matinding selling mula sa group na ‘to puwedeng baliktarin agad ang galaw ng market. Habang aktibo pa rin magbenta ang mga short-term holders, posibleng mahirapan ang presyo na umakyat nang tuloy-tuloy.
Derivatives Data: Matindi ang Bearish Na Posisyon ng Traders
Lalo pang lumalakas ang maingat na mood sa market dahil sa galaw sa derivatives. Base sa pinakabagong liquidation data, halos $3.06 billion na short positions ang nakasalansan kumpara sa nasa $755 million na long leverage. Halos 80% ng market ngayon ang nag-bebet na bababa ang presyo kaya super bearish ang imbalance.
Sa isang banda, puwedeng maging spark ito para sa short squeeze kung biglang tumaas ang presyo. Pero sa kabilang banda, makikita na karamihan ng traders ay umaasang babagsak pa ang market. Kaya’t hindi ganong kalakas ang momentum, pero may pag-asa pa rin ang mga nagho-hold kung itulak pataas ng whale buying, kahit makatawid lang sa mga importanteng cluster ng presyo.
Makakatulong din ang on-chain cost basis data para ma-explain kung bakit nahihirapan ang Ethereum na tumagos pataas. Sa paligid ng $1,980, mga 1.58% ng circulating supply ang nabili. Sa bandang $2,020 naman, nasa 1.23% pa ng supply ang naghihintay lang na mabawi ang puhunan nila. Itong mga zone na ‘to, puro holders na gusto lang mag-exit nang walang talo.
Kapag lumalapit ang price sa mga level na ‘to, madalas tumataas ang selling pressure dahil na rin sa mga investor na gustong makabawi ng puhunan. Paulit-ulit nang na-limitahan ng mga supply cluster na ‘to ang mga recent na bounce. Kailangan ng matinding galaw na may leverage o short squeeze para mabutas ang mga cluster na ‘to ng supply.
Habang wala pang ganitong galaw, mananatiling malalaking harang ang mga zone na ‘to.
Mga Importanteng Ethereum Price Level na Bantayan Ngayon
Dahil may mga whale na bumibili habang may mga seller din na matigas ang resistance, mas nagiging importante ngayon ang mga price level ng Ethereum kaysa mga usapang narrative lang.
Sa taas, ang unang malaking resistance ay nasa banda $2,010. Kung mag-close si ETH ng malinis na 12 hours sa ibabaw nito, mas tataas ang chance na maraming maikli-liquidate na short positions. Nasa malapit din ito sa importanteng supply cluster.
Kung mangyari ‘to, puwedeng tumarget si Ethereum sa $2,140 next, isang matinding resistance zone na ilang beses na ring natest. Nasa around 10% din ‘to mula sa kasalukuyang price. Sa baba naman, mahalaga pa rin ang $1,890 bilang main support. Kapag nabutas paibaba ‘to, mawawala na ang bullish divergence at pwedeng bumalik ang mabigat na selling pressure. Kung tuluyan pang bumagsak, ang susunod na malakas na support ay nasa around $1,740.
Hangga’t kaya ni Ethereum mag-hold sa ibabaw ng $1,890 at patuloy na tinetest ang $2,010, buo pa ang rebound structure niya. Pero kapag tuluyang bumagsak sa ilalim ng support, kanselado na ang recovery attempt dito.
