Hinuli ng Federal Bureau of Investigation (FBI) ang anak ng isang US government contractor nitong Miyerkules dahil umano sa pagnanakaw ng higit $46 milyon na cryptocurrency mula sa US Marshals Service.
Nangyari daw ito matapos ang isang investigation noong January na ginawa ng kilalang crypto sleuth na si ZachXBT.
FBI Nasakote ang ‘Di Umano’y Crypto Magnanakaw ng Gobyerno sa Ibang Bansa
Kinilala na nahuli ng mga otoridad si John Daghita, na kilala online bilang “Lick”, sa Caribbean Island ng Saint Martin. Nangyari ang balitang ‘to halos dalawang buwan pagkatapos kumalat ang balita na si Daghita ay sangkot umano sa pagnanakaw ng sampu-sampung milyong dolyar galing sa mga crypto wallet ng US government.
Unang binunyag ito ni ZachXBT. Sa isang social media post ngayong taon, inilabas ng crypto sleuth na ama ni Daghita ang may-ari ng Command Services & Support (CMDSS), isang IT company na base sa Virginia.
Noong 2024, nabigyan ng contract ang CMDSS para tulungan ang Marshals Service na mag-manage ng mga nasabat at kinumpiskang crypto asset.
Nagkaroon daw ng access si Daghita sa mga private crypto address dahil sa trabaho ng tatay niya sa CMDSS, kaya napadali ang pagnanakaw. Pero hindi pa malinaw ang buong detalye kung paano niya ginawa ‘yun.
Base sa unang investigation, natunton daw ni ZachXBT na at least $23 milyon ang pumasok sa isang wallet na konektado kay Daghita. May koneksyon daw ang wallet na ‘to sa mahigit $90 milyon na mga kaso ng pagnanakaw mula US government at iba pang unidentified na biktima mula 2024 hanggang late 2025.
Sinasabing isa ang pagnanakaw ni Daghita sa mga pinaka-matinding nakawan ng government-managed crypto asset nitong mga nagdaang taon.
Pagkatapos lumabas ang isyu, agad pinatigil ng CMDSS ang website at lahat ng social media accounts nito.
Maliit na Kumpanya, Malawak ang Connection sa Gobyerno
Hindi basta-basta ang CMDSS pagdating sa government IT contracting. Marami na silang aktibong contracts sa Department of Defense at Department of Justice nitong mga nagdaang taon.
Nagdulot ng concern ang insidenteng ‘to kung gaano karaming sensitibong impormasyong nakuha ni Daghita bago pa pumutok ang scandal. Pinakita rin nito ang paulit-ulit na vulnerability sa crypto custody, kahit pa nasa gobyerno na ang nag-aalaga ng assets.
Ayon kay ZachXBT, ilang beses siya pinaratangan ni Daghita sa Telegram channel nito pagkatapos lumabas ang findings. Napansin din daw ng crypto sleuth na nagte-transfer si Daghita ng maliliit na halaga ng nakaw na crypto sa publicly known wallet niya—ang tawag dito ay “dust attack”.
Kasabay nito, ni-reveal din ng Bubblemaps na, dalawang araw pagkatapos ng umano’y pagnanakaw, gumawa rin si Daghita ng meme coin na tinawag na LICK sa Solana platform na Pump.fun.
Lumabas sa findings na hawak ni Daghita ang 40% ng supply, at umabot pa sa mahigit $1 milyon ang value ng token noong isang punto.
