Naglabas ng public warning ang Federal Bureau of Investigation (FBI) para sa mga gumagamit ng Tron blockchain tungkol sa isang scam token na nagpapanggap bilang galing sa mismong ahensya.
Sa screenshot na shinare ng FBI New York, makikita na nagpapadala ang scam token ng mga message sa users. Sinasabi ng message na “under investigation” daw ang wallet ng recipient at binabantaan sila na “mabablok ng tuluyan ang assets” nila.
Pinupuwersa ng scam na ito na magpunta ang mga biktima sa external site kung saan kailangan daw nilang kumpletuhin ang fake na anti-money laundering (AML) verification. Gumagamit ang mga scammer ng social engineering tactics — pinagbabasehan nila ang takot, pagmamadali, at parang opisyal na language ng regulators — para mapilit ang tao na ibigay ang kanilang personal information.
“Kung makatanggap ka ng token mula sa account na may detalye na nasa baba, huwag kang magbibigay ng anumang impormasyon tungkol sa sarili mo sa kahit anong website na nakalista kasama ng token na ‘yan,” babala ng FBI.
Sinabi rin ng ahensya na kung sakaling naibigay mo na ang personal na impormasyon mo, i-report agad ito sa Internet Crime Complaint Center (IC3).
Sundan kami sa X para sa mga latest na crypto news at real-time updates
Pasok ang incident na ito sa mas lumalalang trend ng mga scam na nagpapanggap o nag-iimpersonate ng opisyal na tao o agency. Sabi ng report ng Chainalysis, sumipa ng nasa 1,400% ang impersonation scams taon-taon sa 2025, at mas malaki rin ng mahigit 600% ang average na halaga kada bayad ng biktima.
Pina-predict ng blockchain analytics firm na umabot ng mahigit $17 billion ang total losses dahil sa crypto-related scams at fraud nitong 2025.
