Maglalabas ang Federal Reserve (Fed) ng nasa $6.8 billion sa financial markets sa December 22, 2025 gamit ang repurchase agreements (repo). First time ulit gagawin ng Fed ang ganitong liquidity operation simula 2020, kung saan nasa $38 billion na ang nailabas sa loob ng last 10 days bilang parte ng year-end liquidity management nila.
Kaya ginagawa ng Fed ito ay dahil sa nauunang pagtaas ng demand sa cash kada year-end tsaka bago na rin ang adjustments sa standing repo facilities nila. Sinasabi ng mga opisyal na regular na proseso lang ‘to, pero para sa mga crypto investor, bullish signal ito para sa mga risk asset.
Repo Operations: Ano ‘To at Paano Naaapektuhan ang Market?
Ang repurchase agreements o repos ay core tool para kontrolin ang liquidity o cash na umiikot sa financial system kada araw. Sa repo, nagpapahiram ng cash ang Fed sa mga bangko kapalit ng high-quality na collateral — kadalasan Treasury securities. Mabilis lang din nababayaran ng mga bangko yung cash para makuha uli yung asset nila — kadalasan, one day lang ang takbo ng repo.
Sa madaling salita, layunin ng operations na ito na:
- Panatilihing may sapat na cash sa system
- Pigilan ang biglang pagtaas ng short-term interest rates, at
- Magpababa ng stress sa capital markets
Madalas tumataas ang activity ng repo tuwing December kapag nagiging mas mahigpit ang liquidity.
Ayon sa Federal Reserve data, ang average daily SOFR (secured overnight financing rate) market volume ay nasa $2.7 trillion nitong 2025 at higit $1 trillion dito ay dumadaan sa repo operations. Ipinapakita nito kung gaano kalaki ang role ng repo sa stability ng markets.
Ang December 22 operation ay kasama sa schedule ng Fed na may cap na $6.801 billion. Kapansin-pansin, ito yung first time ulit na may liquidity-adding repo operation simula 2020 kaya iba siya sa overnight standing repo facility na sinimulan lang noong 2021.
Noong December 10, 2025, in-announce ng New York Fed ang ilang updates sa overnight repo operations. Wala na ang aggregate transaction limits at lilipat sila sa full allotment framework, kung saan bawat proposal capped sa $40 billion. Mas flexible ito para sa Fed na kontrolin ang rates at liquidity.
Hindi Quantitative Easing, Pero Importante Pa Rin
May ilan sa markets na nag-speculate na posibleng policy shift ito, pero karamihan sa mga expert, ‘di sang-ayon. Magkaiba kasi ang repo operations at quantitative easing (QE): Sa QE, tuloy-tuloy ang pagbili ng asset na nagpapalaki sa balance sheet ng Fed, pero sa repo, temporary lang at kusang bumabalik ang pondo kapag nabayaran na.
“Ang dapat tandaan — ‘di ito QE, ‘di ito money printing, at hindi ito signal na magpapaluwag ng policy ang Fed kasi naibabalik naman kaagad yung cash. Pero oo, nagpapakita ito na medyo mahigpit pa rin ang liquidity,” sabi ng analyst na si ImNotTheWolf
Mahalagang intindihin ang distinction na ‘to. Kadalasan, QE ay signal na mag-stimulate ang Fed ng ekonomiya, samantalang ang repo ay technical lang — para lutasin mismong issues sa money markets. Pero yung pagtaas ng hiram ng mga bangko ng reserves, indication yan na mas mahigpit ang liquidity ngayon.
Importanteng i-consider din ang timing. Tuwing patapos ang taon, mas tumataas ang demand ng mga bangko para sa reserves dahil kailangan nilang sumunod sa rules at ayusin ang balance sheet nila bago ang bagong taon. Kaya tumataas din ang short-term funding cost at mas marami ang repo usage.
Sinabi rin ng Fed na maguumpisa na sila ng Reserve Management Purchases simula December 11, 2025 kung saan bibili sila ng nasa $40 billion na Treasury bills.
Layunin nito na panatilihin na sapat ang system reserves at punan ang seasonal na kakulangan sa liquidity, dahilan kaya mas pinapatibay pa ng Fed ang year-end strategy nila.
Paano Nag-react ang Crypto Market at Ano ang Abangan Next?
Kahit routine lang ang explanation, positive ang response ng mga crypto investor sa pagpasok ng dagdag liquidity.
Maraming crypto trader ang naniniwala na mas mataas na market liquidity ay mas maganda para sa risk assets. Kung mas madali maghiram, mas mabilis ding pumapasok ang pera sa high-yield na opportunities. Dati na ring lumilipad ang BTC at iba pang crypto kapag ganito ang galawan ng central bank.
“Mas maraming cash sa system, mas madali mag-fund, mas konti ang stress, at mas ok ang kondisyon para sa mga risk asset tulad ng $BTC at crypto,” sabi ni analyst TheMoneyApe.
May mga analyst din na nagsa-suggest na baka magkaroon ng mas malaking QE sa 2026, pero sa ngayon, wala pang ganung announcement galing sa Fed.
Sa ngayon, naka-focus pa rin ang central bank sa pagpapanatili ng restrictive policy habang pinipilit nilang ibalik ang inflation sa 2% target.
Malalaman kung hanggang dito lang ba ang mga repo operations para sa year-end o simula na ito ng tuloy-tuloy na liquidity support sa mga susunod na linggo.
Tutok ang mga market watcher sa anumang komunikasyon at data mula sa Fed para malaman ang policy direction pagpasok ng 2025. Sa ngayon, nagpapakita ang December operations na handa ang central bank na labanan agad ang problema sa funding markets habang hindi gumagalaw ang overall monetary policy nila.
