Pumayag na magbayad ng $54 milyon ang Fenwick & West, dating external counsel ng FTX, para ma-settle ang mga reklamo na nagsasabing tumulong ang law firm na mapaganap ang $8 bilyong fraud ng exchange.
Inilagay na sa federal court sa Miami ang preliminary settlement, pero kailangan pa itong aprubahan ng korte. Ayon kay litigator David Boies na kumakatawan sa mga nagreklamo, reasonable naman daw yung usapan na ito at makakatulong para hindi na humaba pa at maging mas komplikado ang kaso para sa magkabilang panig.
Mula Advisor, Naging Defendant
Bilang isang Silicon Valley law firm, naging legal adviser ng FTX ang Fenwick habang lumalaki at nagiging isa sa pinakamalalaking crypto platform sa buong mundo, bago ito tuluyang bumagsak noong November 2022.
Ayon sa mga nagrereklamo, hindi lang pangkaraniwang legal counsel ang ginawa ng Fenwick — sinasabi nilang gumawa pa raw ng mga strategy ang law firm para mapagana ang fraud sa FTX at nagbuo ng legal na setup na nag-resulta sa paghahalo-halo ng pera ng mga customer at pera ng Alameda Research, na sister trading firm ng FTX.
Pinabulaanan ng Fenwick ang mga akusasyon at sinabi nilang wala silang alam sa anumang kalokohan na nangyayari sa FTX. Sa kanilang statement, sinabi ng law firm:
“…hindi kami aware sa anumang fraud na nangyari sa FTX, paninindigan pa rin namin ang integridad ng legal work namin, at strong pa rin ang pagtutol namin sa anumang mali, gaya nang paulit-ulit naming sinasabi sa kaso na ito.”
Sabi pa ng kompanya, na may mahigit 500 lawyers, gusto na nilang tuluyan malagpasan ang issue na ito.
Pangalawang Yugto ng Legal na Habla Laban sa FTX
Kasama ang $54 milyon na settlement sa mas malawak na pangalawang bugso ng mga agreement na nauugnay pa rin sa FTX issue. Nauna nang nag-file ng asset-recovery lawsuits laban sa mga dating executive ng FTX pati mga ka-transaksyon nila. Meron pang hiwalay na $525 milyon na kaso laban sa Fenwick at mga partner nila na tuloy pa rin ngayon, kaya hindi pa totally tapos ang issue para sa law firm.
Na-sentensyahan na ng korte si Sam Bankman-Fried, ang founder ng FTX, ng 25 taong pagkakakulong dahil sa pagnanakaw ng $8 bilyon mula sa mga customer. Nakaapela pa siya sa desisyon na ito.
Simula noon, naka-distribute na ng mahigit $5 bilyon ang bankruptcy estate ng FTX sa mga creditors bilang parte ng recovery plan nila. Natapos na rin nila ang ikatlong repayment round para sa mga creditors noong September 2025, at nag-ooperate na ngayon ang team gamit ang court-approved na compensation plan para opisyal na maituloy ang recovery para sa mga biktima.
Hindi pa sigurado kung maglalabasan pa ang iba pang agreement mula sa iba pang advisers na kinasasangkutan ng FTX habang nagpapatuloy ang second wave ng litigation.
