May bagong security measures ang France matapos ang sunod-sunod na crypto kidnappings na yumanig sa bansa. Tatlo na ang nangyari ngayong 2025, at naniniwala ang mga awtoridad na magkakaugnay ang mga ito.
Trabaho ngayon ni Interior Minister Bruno Retailleau na hulihin ang mga salarin, bantayan ang top crypto entrepreneurs, at sanayin ang mga pulis. Pero mukhang hindi pa rin kuntento ang ama ng pinakahuling biktima sa mga hakbang na ’to.
Sunod-sunod na Crypto Kidnapping sa France
Karaniwan, nangyayari ang crypto thefts sa pamamagitan ng hacks at social engineering scams, pero hindi ito palaging ganun. Noong Enero, isang French crypto co-founder ang dinukot para nakawin ang kanyang private key; nailigtas siya, pero naputulan ng daliri.
Isa pang pagdukot ang nangyari noong unang bahagi ng Mayo, sinundan ng pangatlo ngayong linggo: parang sunog na kumakalat sa France.
Sa France, lalo raw ikinagulat ng mga tao ang detalye ng huling tangkang pagdukot — isang babae, anak ng CEO ng isang exchange, ang inatake kahit tirik pa ang araw, kasama ang partner niya at 2-taong gulang na anak.
Nakuhanan ng video ang insidente, kaya mas lalo itong ikinabahala ng publiko. Bilang tugon, nagpatupad ng bagong security measures ang mga awtoridad.
“Ang mga paulit-ulit na pagdukot sa mga propesyonal sa crypto sector ay lalabanan gamit ang mga specific tools, parehong immediate at short-term, para maiwasan, hadlangan, at protektahan ang industriya,” sabi ni Bruno Retailleau, Interior Minister ng France.
May ilang hakbang na agad ginawa ang France para pigilan ang mga sunod-sunod na pagdukot. May mga crypto leaders na tinawag para bigyan ng security briefing, at binigyan sila ng direct line sa pulis sakaling mangailangan. May mga regular na check-in din sa bahay nila para masigurong ligtas sila.
Dagdag pa rito, ang mga pulis ay sasailalim sa training tungkol sa crypto money laundering para mas matutukan ang mga kriminal.
Ayon kay Minister Retailleau, may ilang suspek na rin na naaresto. Nagpa-plano rin siyang magpatawag ng meeting kasama ang mga kilalang crypto entrepreneur sa France — pero hanggang ngayon, hindi pa rin kuntento ang ama ng dinukot.
Sinabi ni Pierre Noziat, CEO ng Paymium, sa mga local reporters na tingin niya ang paparating na meeting ay isa lang daw “communications operation” — parang pa-show lang.
Naniniwala ang mga otoridad na konektado ang mga pagdukot sa mas malaking grupo. Gumagawa na raw sila ng mga hakbang para mahanap at maaresto ang mga miyembro nito sa iba’t ibang parte ng France.
Sana may mapala ang ongoing na imbestigasyon. Sa ibang bansa, may mga kaso na rin ng matitinding kriminal na nagnanakaw ng keys at hardware wallets — pero ang ganitong klaseng violent na conspiracy ay ngayon lang nangyari.
Para sa iba pang crypto news sa Tagalog, tumungo sa BeInCrypto Pilipinas. I-check mo na rin ang aming Facebook page!
Disclaimer
Alinsunod sa mga patakaran ng Trust Project, ang opinion article na ito ay nagpapahayag ng opinyon ng may-akda at maaaring hindi kumakatawan sa mga pananaw ng BeInCrypto. Nananatiling committed ang BeInCrypto sa transparent na pag-uulat at pagpapanatili ng pinakamataas na pamantayan ng journalism. Pinapayuhan ang mga mambabasa na i-verify ang impormasyon sa kanilang sariling kakayahan at kumonsulta sa isang propesyonal bago gumawa ng anumang desisyon base sa nilalamang ito. Paalala rin na ang aming Terms and Conditions, Privacy Policy, at Disclaimers ay na-update na.
