Si Gary Wang, co-founder at dating CTO ng FTX, ay tumutulong ngayon sa US government para gumawa ng mga anti-fraud software tools para sa pag-monitor ng cryptocurrency.
Ang collaboration na ‘to, na nagsimula sa plea deal niya noong 2022 sa Department of Justice (DoJ), ay may layuning palakasin ang transparency ng mga crypto exchange at pigilan ang financial fraud.
Gary Wang, Nakipag-partner sa US para Gumawa ng Anti-Fraud Crypto Tools
Inihayag ng legal team ni Wang sa isang kamakailang court filing na siya ay may mahalagang papel sa pag-develop ng dalawang software tools. Ang una ay para sa pag-detect ng potensyal na fraud sa public markets, at ang isa naman ay nakatuon sa pagtukoy ng ilegal na aktibidad sa crypto trading platforms.
Ang kanyang pagsali sa mga proyektong ito ay nagpapakita ng kanyang pagsisikap na ituwid ang naging papel niya sa pagbagsak ng FTX. Ito ay kasabay ng kanyang pag-asang makaiwas sa pagkakakulong habang hinihintay ang kanyang sentensya sa Nobyembre 20.
“Malalim ang pagsisisi ni Gary at gumawa siya ng natatanging hakbang para tumulong sa Gobyerno at sa iba pang nagtatrabaho para sa mga biktima ng FTX. Dahil sa mga kadahilanang ito, at sa iba pang nakasaad sa ibaba, kami ay magalang na humihiling sa Korte na ipataw ang isang time-served sentence,” ayon sa filing.
Ayon sa mga abogado ni Wang, ang kanyang kooperasyon ay hindi lamang limitado sa pag-develop ng teknolohiya. Nagbigay din siya ng mahahalagang testimonya na naging susi sa pagkakahatol kay Sam Bankman-Fried (SBF), dating CEO ng FTX.
Basahin: Sino si Sam Bankman-Fried (SBF), ang Infamous FTX Co-Founder?
Sa paglilitis, malaki ang naging papel ni Wang sa pagsiwalat na pinayagan ni SBF ang kanyang hedge fund, ang Alameda Research, na magkaroon ng direktang access sa pondo ng mga customer ng FTX sa pamamagitan ng isang lihim na “back door.” Dahil dito, nagkaroon ng milyun-milyong unauthorized transfers.
Ipinakita ng testimonya ni Wang kung paano ilegal na ginamit ang pondo ng mga customer upang masalo ang mga pagkalugi at gastusin ng Alameda, na nag-expose sa malawakang pandaraya sa loob ng bumagsak na exchange. Ang kanyang pakikipagtulungan sa mga awtoridad ay binibigyang-diin ang pagsisikap niyang itama ang mga nagawang pagkakamali. Dahil dito, hiniling ng kanyang mga abogado sa korte na isaalang-alang ang kanyang kooperasyon sa pagdedesisyon sa kanyang sentensya.
pinunto rin nila na naging mahalaga si Wang sa pagpapaliwanag sa mga teknikal na aspeto ng operasyon ng FTX para sa mga imbestigador. Dagdag pa rito, ang kanyang tuloy-tuloy na pagtutulungan sa mga tagapagpatupad ng batas ay nakatulong upang mas maintindihan ang mga kahinaan ng crypto market sa regulasyon.
Hindi pa rin tiyak kung makakakuha ng mas magaang parusa si Wang dahil sa kanyang kooperasyon. Ang mga kamakailang kaso ay nagpapataas ng duda, lalo na ang kay Caroline Ellison, dating CEO ng Alameda Research. Bagaman tumulong si Ellison sa pamamagitan ng pagbibigay ng testimonya laban kay SBF at pagsisiwalat ng mahahalagang detalye sa maling pamamahala ng FTX, hindi pa rin siya nakaiwas sa mabigat na parusa.
Bagaman tumulong si Ellison sa pamamagitan ng testimonya laban kay SBF at sa pagbubunyag ng mga detalye tungkol sa maling pamamahala ng pondo sa FTX, nakatanggap pa rin siya ng dalawang taong sentensya.
“Saksi na ako sa maraming kooperasyon sa loob ng 30 taon. Wala pa akong nakitang katulad ni Ms. Ellison,” sabi ni Judge Lewis Kaplan, na binigyang-diin ang bigat ng mga krimeng sangkot sa sentensya ni Caroline noong Setyembre.
Samantala, tuloy ang mga hakbang para mabigyan ng kompensasyon ang mga biktima ng FTX. Kamakailan, inaprubahan ng isang US court ang asset compensation plan na naglalayong mag-distribute ng tinatayang $14.7 bilyon hanggang $16.5 bilyon sa mga creditors. Itinuturing ang desisyong ito bilang mahalagang hakbang para makapagbigay ng financial relief sa mga naapektuhan ng pag-collapse ng FTX.
Gayunpaman, marami sa mga creditors ang nagpahayag ng pagkadismaya. Isa sa mga dahilan ay ang pag-schedule ng mas maliliit na claims para maresolba sa dulo ng 2024, habang ang mas malalaking claims ay maaring maantala pa. Nag-aalala rin ang mga biktima na ang payouts ay nakabase sa asset values noong FTX era, na maaaring magbawas sa potential recovery dahil karamihan sa mga cryptocurrency ay tumaas na ang halaga mula nang bumagsak ang exchange.
Basahin: FTX Collapse Explained: Paano Bumagsak ang Empire ni Sam Bankman-Fried.
Habang hinihintay ni Wang ang kanyang sentensya, patuloy na hinuhubog ng kanyang partisipasyon sa anti-fraud initiative ng gobyerno at sa FTX trial ang kanyang legal na posisyon. Bagaman nananawagan ang kanyang mga abogado na hindi siya makulong dahil sa kanyang mga naging kontribusyon, ang desisyon ay nasa kamay pa rin ng judge.
Tulad ng sa kaso ni Ellison, titimbangin ng judge ang naging kooperasyon at testimonya ni Wang laban sa lawak ng kanyang naging papel sa pagbagsak ng FTX.
Disclaimer
Alinsunod sa mga patakaran ng Trust Project, ang opinion article na ito ay nagpapahayag ng opinyon ng may-akda at maaaring hindi kumakatawan sa mga pananaw ng BeInCrypto. Nananatiling committed ang BeInCrypto sa transparent na pag-uulat at pagpapanatili ng pinakamataas na pamantayan ng journalism. Pinapayuhan ang mga mambabasa na i-verify ang impormasyon sa kanilang sariling kakayahan at kumonsulta sa isang propesyonal bago gumawa ng anumang desisyon base sa nilalamang ito. Paalala rin na ang aming Terms and Conditions, Privacy Policy, at Disclaimers ay na-update na.
