Ipinahayag ng Nifty Gateway, isa sa mga pinaka-kilalang NFT platform mula sa unang NFT boom, na mag-shu-shutdown na sila ng kanilang marketplace sa February 23, 2026.
Na-acquire ng Gemini ang Nifty Gateway noong 2019. Ang exchange na pinamumunuan ng Winklevoss twins ang nagbigay rin ng regulatory, custody, at security setup na pundasyon ng NFT marketplace at sa kalaunan, ng Nifty Gateway Studio bilang Gemini-backed na Web3 creative arm.
Nifty Gateway Biglang Naka-Withdrawal Only Mode Ngayon
Simula ngayon, naka-“withdrawal-only mode” na ang platform, kaya pinaaalalahanan ang lahat ng users na i-withdraw na ang pera at digital assets nila bago ang closure.
In-announce ng Nifty Gateway Studio ang balita at kinumpirma nilang wala nang magiging trading o bagong activity sa platform.
“Today, we are announcing that the Nifty Gateway platform will be closing on February 23, 2026. Starting today, Nifty Gateway is in withdrawal-only mode,” ayon sa kumpanya dito.
Nagdagdag din sila na makakatanggap ng email instructions ang mga may hawak ng USD, ETH, o NFT kung paano ililipat ang kanilang assets palabas ng platform.
Nag-launch ang Nifty Gateway mga bandang 2020 at naging instant na mainstream name noong peak ng NFT craze. Naging kakaiba ito dahil sa curated na digital art drops at very user-friendly na may option pang bumili gamit ang credit card at regular na pera, hindi lang crypto.
Dahil dito, mas maraming tao ang na-introduce at nakapasok sa NFT space, kasama na ang mga hindi dati nagka-crypto, nung biglang sumikat ang NFTs.
Sina Cameron at Tyler Winklevoss, founders ng Gemini exchange, ang nag-acquire ng platform noong 2019 kaya naging isa itong flagship NFT marketplace na backed ng exchange-grade custody at compliance.
Pinakamalakas ang Nifty Gateway noong 2021 NFT boom kung saan nag-host sila ng mga sikat na artist at matunog na brand collaborations. Nakilala talaga ang digital art at collectibles bilang bagong asset class dahil dito.
Pero noong bumagsak ang NFT trading volume sa mga sumunod na taon at nabawasan ang interest ng users, nahirapan nang makabawi ang platform. Kahit pa sinubukan ng industry na gawing mas “useful” ang NFTs para sa utility, gaming, at real-world assets, hindi pa rin nabawi ang dating hype. Nadale rin ng hack ang network noong 2021 na nag-compromise ng maraming accounts.
Pagbagsak ng NFT Market, Tanong Kung Anong Mangyayari sa Nifty Gateway Studio
Pinapakita ng pagsasara na ito na tuloy-tuloy pa ring naghihina ang NFT market, kung saan maraming NFT marketplace ang nag-shutdown, nag-consolidate, o kaya ay nag-pivot palayo mula sa puro NFT trading model.
Bukod sa Nifty Gateway, isa pang malaki ang exit kamakailan ay ang Nike, ilang taon lang matapos silang maging pinakamalaking kumita mula sa NFT sales sa buong mundo.
Yung RTFKT na in-acquire ng Nike noong 2021, tinigil din ang Web3 operations sa January 2025 dahil sa matinding pagbagsak ng NFT market.
So, isa na namang malaking pangalan ang umatras sa dating napakainit na NFT sector, na hanggang ngayon ay hirap pa ring ibalik ang dating momentum simula nung 2021 peak.
Kahit na patuloy nag-e-expand globally ang regulated crypto services ng Gemini, pinapakita ng closure ng Nifty Gateway na kahit ‘yung may malalaking kapital at unang nag-move sa NFT space, nahirapan ding mag-sustain ng NFT-specific na business sa environment ngayon.
Anong Sunod Para sa Nifty Gateway Studio?
Kapansin-pansin, ilang linggo lang bago ang announcement na ‘to, nag-advertise pa ang Nifty Gateway Studio ng mga intern slots — senyales siguro na naghahanap sila ng bagong talent, o baka nagpaparamdam lang na nagiging mas matipid sila ngayon.
Kaya, isa sa malaking tanong pagkatapos ng anunsyo: Ano ang mangyayari sa Nifty Gateway Studio (NGS), ang Web3 creative arm ng company na opisyal na nilaunch noong 2024?
Itinayo ang NGS bilang isang full-service digital production studio na focused sa immersive at on-chain creative experiences. Nakipag-collab sila sa artists, brands, at creators para gumawa ng experimental NFT content.
Yung mga projects nila, mula sa limited-edition collectibles hanggang mga interactive drops na pinaghalo ang AI, art, at blockchain-based ownership.
Kahit malapit ito sa original marketplace, hindi malinaw ngayon kung ang Nifty Gateway Studio ay:
- Itutuloy bilang independent company
- Magbabago ng direction under ng mas malawak na plano ng Gemini, o
- Isasara na rin kasabay ng mismong platform.
Walang direktang nilinaw ang company tungkol sa future ng studio, at hindi rin sila agad nagbigay ng sagot sa request ng BeInCrypto para sa komento.
“Nakakalungkot yung balitang ‘to. Proud ako sa na-achieve ng NG at lahat ng effort ng bawat isa. Habang pinapatakbo ko ang NG kasama si Griffin Cock Foster, nakabayad kami ng lampas $500 milyon sa mga artist. Noong 2021, halos 1/8 ‘yan ng total na binayad ng YouTube sa creators. Magpapatuloy ang NFT movement,” sabi ni Duncan Cock Foster, dating co-founder ng Nifty Gateway Studio.
Para sa mga user, ang pinaka-importanteng gawin ngayon ay mag-withdraw ng assets. Binilinan ng Nifty Gateway ang lahat ng customers na ilipat na ang lahat ng kanilang pondo at NFT bago ang deadline na February 23, 2026. Pagkatapos nito, tuluyan nang magsasara ang platform.
