Dalawang grupo ng whale accounts ang nagbenta ng nasa $40 million na halaga ng tokenized gold sa loob ng dalawang araw habang ang presyo ng ginto ay pataas ng higit $5,000 kada ounce. Dahil dito, napatanong ang marami kung may short-term na sagabal na nakikita ang mga malalaking holder.
Na-track ng on-chain analytics platform na Lookonchain ang mga withdrawals na ‘to sa iba’t ibang wallet addresses na may hawak ng Tether Gold (XAUT) at PAX Gold (PAXG) — parehong blockchain token na fully backed ng actual na gold.
Gold Whale Nag-cash Out—Milyong Kita Kuha Na
Dalawang wallets, 0x8C08 at 0xdfcA (pinaniniwalaang iisa ang may-ari nito), nagbenta ng 5,250 XAUT sa $5,125 bawat token at 560 PAXG sa $5,173 bawat isa. Ang lahat ng benta ay nasa $29.8 million ang total value at tinatayang kumita sila ng $5.32 million.
Ilang oras pagkatapos nun, may isa pang wallet (0x8844) na nagbenta ng 1,934 XAUT sa $5,037 bawat isa, kaya umabot sa halos $40 million ang total na benta ng dalawang grupo. Nakamit din nila ang nasa $1.74 million na kita sa second exit na ‘yun.
Lahat ng galaw na ito ay nangyari kasabay ng paglipad ng presyo ng physical gold sa level na halos walang analyst ang nag-e-expect nitong mga nakaraang buwan.
Pinapansin tuloy ng marami kung itong mga on-chain na pag-take profit ay nagre-reflect ng mas malawak na market sentiment ng mga malalaking holder.
Hati ang Opinyon Dahil sa Macro Divergence
Hindi lahat ay nakikita itong mga whale exit na ito bilang bearish signal. Sa mas malawak na perspective, may mga malalaking factor kung bakit pumapalo pataas ang presyo ng ginto tulad ng geopolitical conflict, pagkaantala sa suplay ng enerhiya, at ang tuloy-tuloy na pag-iipon ng gold ng mga central bank. Sabi ng mga analyst, structural talaga ang mga ganitong dahilan, hindi lang basta speculation.
Sinabi ni Ole Hansen, commodities strategist ng Saxo Bank, na meron talagang sabayang pressure sa short term at long term pagdating sa demand:
“Bumaba ang presyo ng ginto nung una dahil umakyat ang presyo ng crude at inisip ng marami na magdudulot ito ng mas mataas na inflation at baka ma-delay o hindi matuloy ang rate cuts. Pero baka mali ang ganung take kasi ang price surge ngayon ay dala ng supply shock at hindi talaga lakas ng demand. Dahil dito, risk na magkaroon ng stagflation na puwedeng mag-udyok sa mga central bank na magbigay ng suporta sa ekonomiya. Sa short term, puwedeng maapektuhan ng deleveraging at malakas na dollar ang presyo, pero hindi nito binabago ‘yung mga dahilan kung bakit nag-shift ang mga investor sa hard assets nitong mga nakaraang taon,” sabi ni Ole Hansen,
Base sa basa ni Hansen, kahit may pullback dahil sa malakas na dollar o adjustment ng posisyon, panandalian lang ‘to at hindi pa trend reversal.
Solid Pa Rin ang Support ng Market
Sa kabilang banda, nagbigay si macro analyst Shanaka Anslem ng mas malawak at matinding paliwanag sa lagpas $5,000 na presyo ng ginto. Para sa kanya, hindi simpleng takot o safe-haven trade lang ito, kundi dahil na rin sa sunud-sunod na failure ng malalaking institusyon — mula insurance, diplomacy, energy, hanggang finance.
Isa-isa niyang binanggit ang mga pangyayaring gaya ng pagkansela ng P&I clubs sa war-risk coverage, paghinto ng transit sa Strait of Hormuz, at stagflation risk na kinakaharap ng US Federal Reserve bago ang March FOMC meeting nila.
Sinabi rin ni Anslem na ang year-end target ng J.P. Morgan ay $6,300 at binili ng mga central bank ang 863 tonnes ng ginto nitong 2025. Bukod pa rito, tuloy-tuloy ang pagbili ng People’s Bank of China (PBOC) nang 16 na buwan na magkasunod.
“Ang ginto sa $5,100 hindi na safe-haven trade lang. Dito na nagsisimula ang market na mag-price in ng mundo kung saan sabay-sabay na pumapalpak ang mga institusyon na underpinnings ng global commerce… Ginto na lang talaga yung asset na zero ang counterparty risk sa buong financial system,” sabi ni Shanaka.
Yung mga central bank mula Poland, India, Turkey, at China, patuloy pa ang pag-iipon ng gold, at pinapakita dito na government demand talaga, hindi retail speculation, ang basehan ng mataas na presyo ngayon.
Profit-Taking o Structural Repricing: Ano Nga Ba Talaga Nangyayari?
Ipinapakita ng whale exits na ‘to yung paulit-ulit na tensyon sa commodities market: ‘Yung mga malalaking individual holder, naka-focus sila sa short-term kita, samantalang ang mga malalaking institution (tulad ng mga central bank) mas long-term at tuloy-tuloy lang sa pag-iipon.
Kung ang $40 million na tokenized gold sales ba ay tanda ng local top o pansamantalang pag-reduce lang ng exposure, depende pa sa mga factors tulad ng:
- Gaano kabilis masosolusyunan ang energy supply disruptions at
- Kung tataas bang muli o babagsak pa ang dollar.
Sa ngayon, habang ang Fed ay naiipit sa oil-driven inflation spike at patuloy na lumalaki ang growth risks, mukhang walang klarong signs na agad na luluwag ang macro environment na nagpaakyat ng presyo ng ginto lampas $5,000.
