Inaksyunan na ng mga ahensya sa India ang diumano’y malakihang crypto Ponzi scheme na nagdulot ng tinatayang nasa $254 milyon na pagkalugi sa mga investor.
Pinapakita ng kasong ito kung gaano kabigat ang lumalalang problema globally. Habang tumataas ang dami ng crypto hacks ngayong 2025, kasabay din ang pagdami ng scams. Mas nagiging matalino na ang mga scammers at ginagamit nila ang advanced na fraud tactics para targetin at linlangin ang mga may hawak ng digital assets.
Nabuking ng Indian Authorities ang Multi-Platform na Crypto Ponzi Scheme
Sinabi ng Directorate of Enforcement (ED) ng India na nagsagawa sila ng sabayang raid sa walong lugar sa Himachal Pradesh at Punjab noong December 13, base sa Prevention of Money Laundering Act (PMLA). Kaugnay ito sa malakihang fake crypto Ponzi at multi-level marketing (MLM) scheme na ayon sa mga opisyal, niloko ang daan-daang libong investor.
Ayon sa ED, umabot sa nasa Rs. 2,300 crore ang nalugi sa mga investor — halos $254 milyon kung ie-exchange sa dolyar. Si Subhash Sharma diumano ang utak ng scheme, at tumakas mula India noong 2023.
“Sinimulan ng ED ang imbestigasyon base sa iba’t ibang FIR na na-file ng mga police station sa Himachal Pradesh at Punjab laban kay Subhash Sharma at mga kasamahan niya dahil sa mga violation ng IPC 1860, Chit Funds Act 1982, Banning of Unregulated Deposit Schemes Act 2019, at iba pang batas,” ayon sa press release.
Ipinaparatang ng mga investigador na ginamit nila Sharma at mga kasabwat niya ang iba’t ibang platform tulad ng Korvio, Voscrow, DGT, Hypenext, at A-Global. Lahat ng ito ay mga unregulated at sila mismo ang gumawa para paikutin ang isang Ponzi scheme.
“Naloko ang mga investor dahil sa matatamis na pangako ng napakalaking returns,” sabi ng mga otoridad.
Kinumpirma rin ng ED na ni-manipulate daw ng mga suspek ang presyo ng mga pekeng token. Paminsan-minsan, naga-create, nagsasara, at bina-brand nila muli ang mga platform para maitago ang scam.
Sinasabi ng mga otoridad na nilaundry ang kanilang perang kinita sa pamamagitan ng cash collections, mga shell company, at mga personal na bank account ng mga salarin at kamag-anak nila.
Dagdag pa sa press release, may mga indibidwal na kumilos bilang commission agents at kumita ng malaki dahil sa pag-recruit ng mga bagong investor. Meron pang pa-premyo na foreign travel at mga events para mas dumami pa ang mapasali sa scheme nila.
“Kahit na may freezing order na na-issue noong 04-11-2023 ng awtoridad (base sa imbestigasyon ng state police) at nasabihan na ang Secretary of Finance, ang Korte, at revenue authorities ng Punjab, naibenta pa rin ng isa sa mga nahuli, si Vijay Juneja, ang 15 pieces ng lupa sa Zirakpur, Punjab — tahasang paglabag sa batas,” sabi ng ED.
Matapos ang raid, sinabi ng ED na na-freeze na nila ang tatlong vault, bank balance, at fixed deposits na nasa Rs. 1.2 crore (mga $132,000).
“Bukod dito, nakumpiska ang mga dokumento na nagpapakita ng investment sa iba’t ibang property, kabilang ang benami properties na nakuha gamit ang pera mula sa ponzi scheme, investor database, commission structure, at mga digital device — lahat ebidensya na malakihan ang naging scam at laundering ng pera.”
Sinabi rin ng mga otoridad na nagpapatuloy ang imbestigasyon.
Matindi ang Pagdami ng Crypto Scam Worldwide
Nangyari ang crackdown sa India sa gitna ng lumalaking crypto scam cases worldwide. Nitong nakaraang buwan, iniulat ng BeInCrypto na sa Australia, gumagamit ng fake cybercrime reports at nagpa-panggap bilang otoridad ang mga scammer para nakawin ang crypto ng mga biktima.
Lalo ding nagiging strategic ang mga scammer, dahil kapag holiday kung kailan mas maraming online shopping at digital transactions, doon sila nagla-launch ng scam para mas maraming tamaan.
Kapansin-pansin, hindi na bago ito. Sa FBI’s 2024 Internet Crime report, may higit 150,000 reklamo na related sa crypto.
Umabot sa $9.3 billion ang losses — tumaas ng 66% kumpara noong 2023. Sa investment scams lang, nasa $5.8 billion na ang naging damage. Bukod dito, ayon sa TRM Labs, tinatayang $53 billion na ang nalimas ng crypto scams worldwide mula 2023.
Mas tumitindi na rin ang enforcement sa iba’t ibang bansa. Ipinapakita ng aksyon sa India na seryoso sila na habulin ang mga scammer at bawiin ang funds. Pero marami pa ring challenges. Habang patuloy na sumisikat ang crypto, parang nag-uunahan ang scammer at mga naglalaban kontra scam.
