Pumapasok ang malalaking kapital mula sa mga institusyon sa digital markets, pero hindi nila hinahabol ang mga speculative na altcoins. Ang target nila ay tokenization, custody, at on-chain infrastructure.
‘Yan ang malinaw na takeaway mula sa isang panel sa BeInCrypto Digital Summit kamakailan, kung saan nag-usap-usap ang mga executive galing sa exchanges, infra, at tokenization platforms tungkol sa paano nilalapitan ng tradisyonal na finance ang crypto space.
Sama-samang nag-share ng insights sina Federico Variola, CEO ng Phemex; Maria Adamjee, Global Head of Investor Relations and Market Structure ng Polygon; Jeremy Ng, Founder at CEO ng OpenEden; at Gideon Greaves, Head of Investment ng Lisk.
Sa Totoong Gamit, Hindi Lang Pustahan
Ayon kay Maria Adamjee ng Polygon, hindi na pinagdedebatehan ng mga institusyon kung dapat bang isama ang crypto sa portfolio nila. Ang tanong ngayon: gaano ba kalaki dapat ang allocation dito?
“Hindi na pinag-uusapan ng mga institusyon kung kasama dapat ang crypto,” kwento ni Maria Adamjee mula Polygon. “Pinaplano na nila ngayon kung gaano kalaki ang ilalaan nila bilang bagong asset class.”
Pero nilinaw rin niya na karamihan ng mga malalaking asset manager, hindi agad pumapasok ng todo sa mga volatile na tokens. Inbes na mag-all in, pinag-iinvest-an nila ay “operating exposure” gamit ang tokenization, custody, at on-chain settlement.
Sa madaling salita, binibili nila yung access sa infrastructure at hindi basta sumasabay sa price volatility ng iba’t-ibang tokens.
Pinagti-test Pa Rin ang Conviction
Mas nagpakita naman ng pag-iingat si Federico Variola ng Phemex. Nagtanong siya kung talagang committed na ba ang mga institusyon para sa long term sa crypto space.
“Hindi pa talaga sobrang marami ang mga kumpanyang todo pasok sa crypto,” ayon sa CEO ng Phemex. Dagdag pa niya, kadalasan, inayos ng mga institusyon ang partnership structure nila para hindi magulo ang main business nila.
Binalaan din niya na pwedeng malagas ang interest kung magtatagal ang bear market. “Kung sobrang haba ng bear period, baka hindi na kasing dami ang interes na meron tayo ngayon,” sabi niya.
Lumilitaw tuloy na malaking tanong kung tunay bang gumagawa ng matinding allocation ang mga institusyon—or nagha-hedge lang sila laban sa disruption habang iniingatan pa rin ang risk nila.
Tokenization: Tulay ng TradFi at Crypto
Para kay Jeremy Ng ng OpenEden, panalo talaga sa mga institusyon yung tokenized na real-world assets.
Binigyang-diin niya na dumadami ang mga hedge fund na pumapasok sa crypto, at marami nang plano para dagdagan pa ang exposure pagsapit ng 2026. Ang tingin niya, tokenization sagot sa problema ng gastos.
“Pag nilalagay ng malalaking asset manager ang produkto nila sa on-chain, nababawasan ang gastos,” paliwanag ni Ng. Ang blockchain kasi kayang palitan ang transfer agent at fund administrator bilang proof-of-record layer.
Para sa mga institusyon, efficiency over ideology — mas mahalaga na mas mapadali ang proseso.
Market Structure Gap: Ano ‘Yung Dapat Bantayan?
Kahit ganun, may mga harang pa rin sa sector na ito.
Ibinida ni Adamjee ng Polygon na hirap ang mga institusyon sa pagpepresyo ng karamihan sa crypto tokens. “Pinipresyo ba sila base sa revenues o sa value ng network?” tanong niya. “Walang real P/E ratio na pwede mong gamitin dito.”
Kaya naman, nagfo-focus ang mga institusyon sa Bitcoin, Ethereum, at mga plays na related sa infrastructure. Hindi pa kasi kayang tapatan ng altcoin market yung mga valuation model na gamit ng tradisyonal na finance.
Sinang-ayunan ni Ng ito. “Yung 90% ng mga tokens na nag-launch, wala talaga silang totoong negosyo,” sabi niya. “Hindi sila totoong kumikita ng fees.”
Kung walang business model na reliable at walang clear value, sablay kaagad sila sa due diligence ng mga institusyon.
Mas Kaunting Token, Mas Totoong Negosyo na Ba?
Inamin din ni Variola na may pagkukulang din mismo sa industry. Sabi niya, madalas nagpapaligsahan ang exchanges kung sino ang unang magpalista ng bagong tokens.
“Bilang industry, kailangan natin ng mas magandang regulation sa sarili natin,” dagdag pa ni Ng. Dapat siguro, mas konti na lang ang mga tokens sa market.
Pumayag rin si Adamjee ng Polygon na yung current incentives talaga ay nagpapasikip sa market ng tokens. Malaking kita ng exchanges galing sa listing fees, kaya hirap i-balanse ang quality control.
Nagpapakomplikado ito sa institutional adoption, kasi ang kailangan ng malalaking asset manager ay transparency, consistent na kita, at stable na market structure.
Unahin ang Infrastructure
Kung tatapusin, malinaw ang mensahe ng panel: hindi naman niyayakap ng mga institusyon ang buong crypto culture. Ginagamit nila ang blockchain dahil mas napapadali at mas napapamura nito ang processes nila.
Pinipili nila yung mga asset na mababa ang volatility, regulated na wrappers, at tokenized na halo ng tradisyonal na finance products. Pinapalago nila yung exposure nila sa mismong rails ng ecosystem.
Ang namumuno ngayon ay infrastructure at tokenization. Malayo pa sa likod yung mga speculative tokens.
Baka ang sunod na phase ng institutional adoption ay hindi na gaanong nakasandal sa price cycles, pero manggagaling na sa kung paano bubuo ang crypto industry ng mga totoong business na akma at pamilyar sa traditional capital—may revenue, structure, at accountability.
