Kumakalat online ang usapan na baka may tumutulong mula US kay Mohammad Bagher Ghalibaf, speaker ng parliament ng Iran, tuwing nagpo-post siya sa X.
Nagsimula ang haka-hakang ‘to dahil may mga English post siya na sobrang pulido, nakatutok talaga sa US, at lumalabas na “connected via the US App Store” yung account niya. Maraming user ang nagsasabi na parang sobrang “American” yung dating ng tono ng posts niya kaya parang hindi raw siya ang mismong gumagawa.
Pero hanggang ngayon, wala namang malinaw na ebidensya na US-based o mga Amerikano talaga nagpapatakbo ng account ni Ghalibaf. Minsan, yung label ng App Store nagpapakita lang ng settings ng device o kung paano naka-reroute yung internet, hindi ibig sabihin na nandun talaga sila physically.
Dinadala ng mga American commentator sa extreme ang issue. Kapag sinilip sa X settings, makikita na pinaka-malamang ay naka-iPhone si Ghalibaf at US yung region ng Apple ID niya, o kaya gamit niya ay VPN o naka-route lang sa US yung connection niya.
Kaya hindi pa rin proof na andun talaga physically sa US.
Ang sigurado lang, nag-iba na yung style ng posts ni Ghalibaf.
Si Ghalibaf, na dating IRGC commander at isa sa mga matinding personalidad ngayon sa war leadership ng Iran, nagsimula nang mag-post ng direkta para sa mga audience sa US.
Madalas niyang banggitin ang gas prices, economic hardship, at mga political decision sa Washington. Mapapansin na ginagaya niya na talaga yung estilo ng US political language at even yung internet culture nila.
May mga post pa siya na parang comment ng market analyst. Sa isa, sinabi niyang dapat tignan ng investors yung mga political signal bilang indicators ng direction ng market.
Hindi ito financial advice in fairness, pero kinokonekta niya palagi yung war sa economic impact nito.
Tugma ang pagbabago na ‘to sa mas malaking plano ng Iran. Gamit ang mga English post, sinusubukan nilang i-shape yung opinyon ng mga tao sa ibang bansa habang may gulo.
Kapag hinighlight yung pagtaas ng presyo at galaw ng markets, mas ramdam ng mga nasa US ang epekto ng gulo ayon sa messaging ni Ghalibaf.
Mas importante siguro tanungin kung bakit ganun ang style ng posts niya, hindi lang kung saan galing. Hindi lang siya basta political figure pagdating sa gulo.
Ramdam na may laro siya sa information space—kung saan parang mas importante minsan kung paano naiimpluwensyahan ang pananaw ng tao, kesa sa actual na actions sa ground.
