Axie Infinity (AXS) Ipinaliwanag para sa mga Baguhan

Ang Axie Infinity ay isang laro tungkol sa mga digital na nilalang na tinatawag na Axie, na madalas ikumpara sa Pokémon. Ang pet-based digital game na ito ay pinaghalo ang blockchain, NFTs, at ERC-20 tokens sa isang role-playing game (RPG). Sa gabay na ito, tatalakayin natin kung ano nga ba ang Axie Infinity at kung sulit pa bang laruin ito ngayon.

Ano ang Axie Infinity?

Naalala mo ba ang larong Pokémon? Medyo ganun din ang Axie Infinity. Isa itong video game kung saan may fantasy creatures na tinatawag na Axies na pwede mong i-customize, i-train, at ipaglaban. Pero ang pinagkaiba, nasa blockchain ang Axie Infinity. Ang mga Axies ay unique, tokenized creatures na pwedeng i-breed, palakihin, at i-trade para pagkakitaan.

Itinatag ng Sky Mavis, isang startup mula sa Vietnam, ang Axie Infinity at isa ito sa pinakasikat na Ethereum-based NFT projects. May tinatayang 280,000 active users bawat buwan, kaya isa ito sa mga haligi ng play-to-earn gaming sa crypto space.

Marami nang lumabas na blockchain play-to-earn games nitong mga nakaraang taon, pero may sariling style at kakaibang konsepto ang Axie Infinity.

Bawat Axie ay cute na alaga na may mahigit 500 parts na pwedeng i-customize, kaya bawat isa ay unique. Pwede kang mag-experiment sa iba’t ibang kombinasyon at strategy para talunin ang kalaban hanggang makuha mo ang winning formula.

Kasaysayan ng Pag-develop

Taong 2017, halos huminto ang Ethereum network dahil sa Cryptokitties, isang blockchain game na sumikat sa kasagsagan ng bull market. Dito lumabas ang kahinaan ng crypto games noon — wala silang malinaw na economic incentives para sa pangmatagalang paglago.

Dahil dito, naisip nina Trung Thanh Nguyen, Aleksander Leonard Larsen, at Jeffrey Zirlin na samantalahin ang tumataas na interes sa non-fungible tokens (NFTs) habang nilulutas ang mga limitasyon ng ecosystem. Dito nagsimula ang Axie Infinity.

Itinatag nila ang Sky Mavis noong 2019 at nakalikom ng milyon-milyong dolyar mula sa iba’t ibang funding rounds at token sales para sa tuloy-tuloy na pag-develop ng proyekto.

Mga Highlight ng Axie Infinity

• Battle: Pwede mong i-train ang mga Axie mo para maglaban-laban at makakuha ng rewards.
  Breeding: Pwedeng i-breed ang mga Axie para makalikha ng bagong offspring na may unique abilities at weaknesses batay sa gene combinations.
  Land: Katulad ng tao, may sarili ring lupa at tirahan ang mga Axie—pero nasa virtual world ito. Pwedeng bumili ng lupa para sa mga Axie at ayusin o pagandahin ito gamit ang resources sa platform.
  Marketplace: May sariling decentralized marketplace ang Axie Infinity kung saan pwedeng i-trade ang mga Axie NFTs sa ibang players.

Noong Mayo 2021, nakalikom ang Sky Mavis ng $7.5 million para sa development ng Axie Infinity, sa tulong ng mga investors tulad ni Mark Cuban. Base sa data, noong Hulyo 2021, ang Axie Infinity ang may pinakamalaking kita kumpara sa Bitcoin at Ethereum, na lalong nagpatibay sa posisyon nito bilang isa sa pinakamatagumpay na blockchain games.

Ano ang $AXS?

Ang $AXS ay ang ERC-20 governance token ng Axie Infinity. May kabuuang supply ito na 270 milyon at hinati sa ganitong paraan:

• 49% – Para sa in-game rewards mula sa paglalaro at pag-stake ng AXS
• 8% – Para sa community growth at development
• 21% – Para sa Sky Mavis at team
• 7% – Para sa advisors
• 15% – Para sa private at public sales, na ginanap noong 2020

$AXS Price History at Prediction

Noong unang lumabas ang $AXS, may initial supply itong 59,985,000 tokens o 22.22% ng kabuuang supply. Sa Binance Launchpad ito unang ibinenta sa presyong $0.10 USD bawat token.

Bagama’t bumaba na ang presyo nito mula sa all-time high noong 2021 bull run, nananatiling relatively stable ang value nito mula noon.

Habang dumarami ang players sa platform at lumalawak ang staking program, mas maraming users ang nakakapag-contribute sa paglago at paghubog ng direksyon ng Axie Infinity. Ang presyo ng SLP today ay ₱0.11 (isang SLP to PHP).

Gamit at Paggamit ng $AXS Tokens

May ilang mahahalagang gamit ang $AXS sa ecosystem ng Axie Infinity:

1. Governance

Ang pangunahing gamit ng $AXS ay para sa governance o pamamahala sa platform. Sa tradisyunal na games, developers lang ang may say sa direksyon ng laro, pero sa Axie Infinity, pati mga players at token holders ay may boses sa mga desisyon tungkol sa platform.

Meron ding tinatawag na Community Treasury—isang pondo na naiipon mula sa community activity at ibinabalik sa $AXS stakers bilang rewards. Sa hinaharap, kapag fully decentralized na ang platform, $AXS stakers na ang mamamahala sa treasury.

2. Payments

Ginagamit ang $AXS para sa pagbabayad sa in-game purchases. Tinatanggap ito bilang currency sa Axie NFT marketplace. Bukod dito, pwede rin itong maging requirement para makasali sa ilang exclusive sales o auctions na inoorganisa ng team. Depende sa dami ng hawak mong $AXS kung qualified ka sa mga event na ito.

3. Staking

Pwedeng i-stake ng players ang kanilang $AXS sa Axie Infinity protocol para kumita ng weekly rewards at makalahok sa governance voting. Ang staking ay nag-i-incentivize sa users para hawakan o i-hold ang tokens nila, na tumutulong sa pagpapatatag at paglago ng ecosystem.

Dagdag pa rito, ang $AXS ay binibigay din bilang reward sa mga naglalaro, nagi-stake, at sumasali sa governance. Pero ang mga rewards na ito ay naka-lock isang taong naka-lock bago magamit.

Paano Kumita sa Axie Infinity

Dahil Play-to-Earn (P2E) ang Axie Infinity, pwede kang maglaro at kumita ng sabay. Heto ang ilan sa mga paraan para kumita sa game:

Maglaro ng Game

Maraming paraan para kumita sa Axie Infinity, pero ang pinaka-basic at obvious na option ay ang paglalaro mismo ng game.
Pero hindi ganun kadali magsimula dahil kailangan mo ng tatlong Axies bago ka makalaro.

Depende sa presyo sa market, medyo mahal ang initial investment. Pero kapag may Axies ka na, pwede ka nang kumita ng $AXS at $SLP tokens sa pamamagitan ng pagtetrain at pagpapalaban sa Axies mo. Pwede mo rin silang i-breed para makagawa ng bagong Axies na may mga bagong kapangyarihan at katangian.

Kung wala kang sapat na puhunan para bumili ng sariling Axies, pwede kang sumali sa tinatawag na scholarship program.
Sa setup na ito, may mga manager na may extra Axies at naghahanap ng scholars na maglalaro gamit ang Axies nila.

Mag-breed ng Axies

Isa sa pinaka-profitable na paraan para kumita sa Axie Infinity ay ang pag-breed ng Axies. Pwede mong i-breed ang kahit anong dalawang Axies sa halagang 4 $AXS at ilang $SLP tokens. Depende ang dami ng SLP sa breeding count ng Axies.

Pagkatapos ng 5 araw, magha-hatch na ang bagong Axie at pwede mo nang gamitin sa laro, ibenta sa NFT marketplace, o ipa-scholar, depende sa market conditions.

Maging Liquidity Provider

Ang Axie Infinity economy ay umiikot sa dalawang tokens — ang $SLP (utility token) at ang $AXS (governance token).
Habang dumarami ang players, tumataas din ang demand at value ng mga tokens na ito. Kung ayaw mong maglaro pero gusto mong makinabang sa paglago ng Axie Infinity, pwede kang maging liquidity provider.

Pwede mong ilagay ang $AXS at $SLP mo sa liquidity pools sa mga decentralized exchanges tulad ng Uniswap at Sushiswap. Kapalit nito, kikita ka sa trading fees at iba pang incentives.

Mag-stake ng $AXS Tokens

Noong Q3 2021, inilunsad ang $AXS staking program kung saan maaaring i-stake ng users ang tokens nila para kumita ng weekly rewards.Malaki ang kinita ng Axie Infinity sa program na ito, at ang bahagi ng kita ay ibinalik sa community sa pamamagitan ng Community Treasury at staking rewards.

Magandang option ang staking para sa mga gustong kumita nang hindi kailangan maglaro.

Mag-hold ng Axies

Kung naniniwala kang tatagal ang Axie Infinity katulad ng Pokémon o Minecraft, pwede kang mag-invest sa rare Axies.
Bibili ka habang mababa ang presyo at ibebenta mo kapag tumaas na ang demand.

Kung hindi kaya ang presyo ng buong Axie, pwede kang bumili ng fractionalized Axies — ito ang mga NFTs na hinati-hati sa mas maliit na ERC-20 tokens para sa shared ownership.

Mga Dapat Isaalang-alang Bago Bumili ng $AXS Tokens

Bago bumili ng kahit anong crypto token, kasama na ang $AXS, mahalagang timbangin ang ilang factors. Narito ang mga dapat mong pag-isipan:

• Kita: Siyempre, malaking factor ang potential na kita. Kahit game-based token ang $AXS, mahalaga pa rin na kalkulahin ang posibleng returns mula sa Axie Infinity bago mag-invest. Tingnan kung may potential na kumita ka sa gameplay, staking, at iba pang activities sa platform.
  
• Suporta ng Komunidad: Ang matibay na community ay isa sa mga pundasyon ng matagumpay na crypto project. Kahit gaano kaganda ang technology, mahirap magtagumpay kung walang active at loyal na users. Malakas at solid ang community ng Axie Infinity, binubuo ng gamers at investors na parehong nag-aambag sa paglago at relevance ng project.
  
• Kakayahan at Katatagan ng Project: Ang Axie Infinity ay isang proyekto na patuloy na lumalaki at umuusbong. Kung plano mong bumili ng $AXS para lang sa speculation, dapat realistic ka rin sa expectations mo. Maraming bumibili kapag hype at mataas ang presyo, pero kapag nabawasan ang hype, bagsak din ang value. Kaya mahalaga na hindi lang puro chart ang tinitingnan — alamin din ang totoong value at development ng project.

Tatagal ba ang Axie Infinity?

Bukod doon, hanggang ngayon, Axie Infinity pa rin ang isa sa pinakasikat at pinakakilalang crypto games sa buong mundo.

Dahil ang gaming ang isa sa pinaka-malalaking bahagi ng crypto industry, malaki pa rin ang posibilidad na lumago at magtagal ang Axie Infinity, basta’t tuloy-tuloy ang development at pagsunod sa roadmap nila.

Pero tandaan, walang kasiguraduhan sa crypto. Lahat ng investment ay may kasamang panganib, kaya laging mag-research muna at huwag ilagay ang buong pera sa iisang investment lang.

Pebrero 27, 2025 Axie Infinity Update — naglabas ang Axie Infinity ng bagong update para sa Axie Classic, kung saan ibinalik ang SLP rewards sa Classic Battles. Kasama rin sa update ang bagong Reputation system at mga pagbabago sa Golden Wheel rewards, na bahagi ng efforts ng team para gawing mas sustainable ang rewards system sa laro.

Sa bagong sistema, may SLP Chests na pwedeng makuha tuwing mananalo sa Arena o sa Classic Competitive (CC) mode. Depende sa MMR, reputasyon, at performance sa tournaments, mas tataas ang chance na makakuha ng SLP Chest. May chance na 20 SLP ang laman ng chest, pero may jackpot din na 2,000 SLP, bagamat 0.1% lang ang pagkakataon nito.

Kasabay nito, ipinakilala rin ang Reputation System, kung saan may iba’t ibang reputation tiers ang bawat player na makikita sa Home Profile UI. Mas mataas ang reputation tier, mas mataas ang chance makakuha ng SLP Chest. Naaapektuhan ng performance at activity ng players ang reputation level nila, kaya importante ang consistent gameplay at fair play para mapanatili ang mataas na tier.

Binago rin ang Golden Wheel Rewards — tinanggal ang AXS at SLP slots at pinalitan ng 5 Gems o 100 Dust. Ang dating AXS rewards ay ililipat sa Mini-Tournament reward pool, habang ang SLP rewards naman ay idadaan na sa SLP Chests para sa mas balanseng sistema.

Bukod sa mga rewards update, nagkaroon din ng bug fixes at UI improvements, kabilang ang pag-aayos sa Slippery Shield, loading screen issue sa Android, at ilang visual glitches sa quest at home screen.

Ayon sa Axie Infinity, ito ay experimental approach lang sa pagbabalik ng SLP sa game, at babantayan nila ang epekto nito sa economy. Ang pansamantalang demo season ay magsisimula sa Marso 4, 2025, at ang opisyal na season ay magsisimula sa Marso 10, 2025.

Para sa iba pang balita sa crypto na nasa wikang Tagalog, tumungo sa BeInCrypto Pilipinas.

Mga Madalas Itanong (FAQ)