Guide sa Tap-to-Earn na Crypto Games o GameFi

Patok ngayong 2025 ang tap-to-earn clicker games, na dinadagsa ng milyun-milyong manlalaro na gustong kumita habang naglalaro. Sa gabay na ito, ipapaliwanag kung paano gumagana ang mga larong ito at aling tap-to-earn games ang sulit laruin ngayong Marso 2025.

Ano ang Crypto Clicker Tap-to-Earn Games?

Sa clicker games, paulit-ulit na pinipindot o sina-swpie ng mga manlalaro ang screen para makamit ang iba’t ibang layunin, gaya ng pagkolekta ng resources, pagpapalakas ng karakter, o pag-iipon ng tokens. Higit na mas simple ito kumpara sa mga ibang crypto of NFT games tulad ng Axie Infinity.

Ang tap-to-earn ay bahagi ng play-to-earn (P2E) GameFi, kung saan binabayaran ng crypto ang mga manlalaro habang naglalaro. May ilang laro na may social features, tulad ng kompetisyon at tasks na kailangang gawin nang magkakasama.

Mga Katangian ng Tap-to-Earn Clicker Games

1. Simpleng gameplay: Wala itong komplikadong mechanics—paulit-ulit lang na pag-tap o pag-click ang pangunahing aksyon, kaya kahit sino ay madaling makasali.

2. Unti-unting progreso: Habang naglalaro, maaaring i-upgrade ang karakter o makakuha ng bagong items para umabot sa mas mataas na level at mas malalaking rewards.

3. Automation: Maraming clicker games ang may opsyon na gawing automated ang pag-tap gamit ang in-game bots o iba pang mekanismo para kumita kahit hindi aktibong naglalaro.

Ano ang Magandang Tap-to-Earn Games Ngayong 2025?

1. Notcoin

Isa sa mga pinakasikat na Telegram-based tap-to-earn games, ang Notcoin ay may mahigit 40 milyong user noong Hunyo 2024. Ang in-game currency nito, NOT, ay ginagamit bilang reward sa paglalaro, pagsali sa Web3 projects, at pakikilahok sa community.

Bagama’t bagong laro lang ito noong 2024, agad itong naging isa sa pinaka-traded na crypto tokens matapos tumaas ng 300% ang presyo ng NOT token sa huling linggo ng Mayo. Noong Hunyo 2, 2024, ito na ang ikalimang pinaka-traded na cryptocurrency sa buong mundo, ayon sa TradingView data.

2. Hamster Kombat

Ang Hamster Kombat ay isa pang viral Telegram-based crypto game. Gumagamit ito ng reward button, kung saan kailangan lang pindutin ng user ang isang button araw-araw para makuha ang libreng HMSTR coins. Ang laro mismo ay nakasentro sa pamamahala ng isang virtual crypto exchange, kaya may dagdag na financial simulation element ito kumpara sa ibang clicker games (kung saan ginagaya ang aktwal na operasyon ng isang cryptocurrency exchange, kabilang ang pangangasiwa ng assets, trading mechanics, at kita mula sa transaksyon).

3. Blum Clicker

Ang Blum Clicker ay ginawa para i-promote ang Blum decentralized exchange (DEX). Sa larong ito, puwedeng bumili, magbenta, at magpalit ng crypto habang kumikita ng Blum Points (BP) na maaaring magamit sa hinaharap bilang boosts o iba pang rewards.

Ang pangunahing selling point ng Blum Clicker ay ang walang ads at walang rewardless tasks—lahat ng gagawin mo ay may katumbas na gantimpala. Mayroon din itong daily tasks na nagbibigay ng pang-araw-araw na incentives sa mga manlalaro.

4. Yescoin

Ang Yescoin ay isang pixel-style clicker game kung saan ini-swipe lang ang phone screen para kumita ng YES tokens. Maaari ring bumili ng bot para awtomatikong mangolekta ng coins at gumamit ng in-game loopholes para mapabilis ang kita. May referral bonuses din, kaya mas kikita kung mag-aaya ng ibang players na sumali sa laro.

5. TapSwap

Ang TapSwap ay may gameplay na kahawig ng Notcoin at Yescoin. May tap-to-earn system ito kung saan kailangang mag-tap para makuha ang rewards. Mayroon ding in-game bot at boosts na tumutulong sa pag-accelerate ng kita.

Sa ngayon, TapSwap ang may pinakamalaking user base, na umabot sa 50 milyong user noong kalagitnaan ng Hunyo 2024. Mas malakas din ang community presence nito, kung saan ang opisyal nitong X (dating Twitter) account ay may higit 4.9 milyong followers—mas marami pa kaysa sa opisyal na X page ng Ethereum Foundation.

Magkano ang Pwedeng Kitain sa Clicker Games?

Depende sa laro, may ilang factors na nakakaapekto sa kita ng isang manlalaro.

1. Kasikatan at mechanics ng laro

Mas malalaking kita ang karaniwang inaalok ng mga sikat na laro, lalo na kung may malakas na in-game currency (pera sa loob ng laro), activity bonuses (karagdagang gantimpala para sa aktibong paglalaro), o referral programs (sistema ng pagrerekomenda ng laro sa iba). May ilang laro rin na nagbibigay ng dagdag na rewards sa pamamagitan ng in-game purchases (mga binibiling item sa laro) o panonood ng ads (mga patalastas), na nagpapabilis sa pag-usad ng isang manlalaro at nagpapalaki ng posibleng kita.

2. Referral programs

Nag-aalok ang ilang developers ng bonus o karagdagang currency (pera sa laro) sa mga manlalarong nag-iimbita ng iba sa pamamagitan ng referral links (mga espesyal na link para sa pagrerekomenda ng laro).

3. automation at bots

Ang pagbili ng automated bots (software na awtomatikong naglalaro para sa user) o paggamit ng in-game boosts (mga power-up na nagpapabilis ng progreso) ay nakakatulong upang mapabilis ang pag-tap at mapalaki ang kita ng isang manlalaro.

4. Kalagayan ng crypto market

Kung pinapayagan ng laro ang mga manlalaro na kumita ng real crypto, ang halaga ng kita ay nakadepende sa presyo ng token sa merkado. Dahil sa mataas na volatility (pagbabago-bago ng halaga) ng digital assets, maaaring tumaas o bumaba ang kita depende sa galaw ng merkado. Karaniwan, maaaring kumita ang isang manlalaro ng ilang dolyar sa loob ng ilang oras ng paglalaro.

Paano Manatiling Ligtas Habang Naglalaro ng Tap-to-Earn Games

Ang tap-to-earn games ay isang bagong paraan para kumita ng crypto. Hindi tulad ng ibang play-to-earn (P2E) games na nangangailangan ng matagalang paglalaro at dedikasyon, ang tap-to-earn ay kilala sa pagiging simple. Dahil maraming clicker games ang naka-base sa social apps tulad ng Telegram, nagiging daan ito para mas madaling makapasok ang mga gamers at social media users sa web3.

Gayunpaman, dapat maging maingat ang mga gustong sumali sa ganitong klase ng laro. Kilala ang Telegram sa pagkalat ng scams, kaya laging tiyakin na ang mga link na pini-click ay verified at gamitin lamang ang opisyal na channels upang maiwasan ang anumang panganib habang naglalaro ng tap-to-earn games.