Patok ang Pi Coin ngayong 2025, lalo na’t naghahanda ang mga miner para sa matagal nang inaabangang mainnet launch ng network. Bagama’t maraming sumasabay sa hype ng Pi Coin (na mas mainam lang pag-aralan matapos maging stable ang presyo), baka interesado ka ring malaman ang iba pang libreng mining coins na puwedeng pagkunan ng crypto nang walang puhunan. Sa gabay na ito, tatalakayin natin ang ilan sa pinakamagagandang mga Pi Coin alternative ngayong 2025 at kung paano ka maaaring kumita ng crypto nang libre.
MGA MAHALAGANG PUNTOS
➤ Mas pinadali ng Pi Network ang crypto mining gamit lang ang isang mobile app, kumpara sa tradisyunal na Bitcoin mining, na mas mahirap at nangangailangan ng mamahaling kagamitan.
➤ Habang trending ang Pi Coin ngayong 2025, may iba pang crypto projects na nag-aalok ng pagkakataon na mag-mine ng libre.
➤ May panganib ang libreng mining platforms, tulad ng scams at mababang halaga ng rewards, pero maaari rin nitong gawing mas accessible ang cryptocurrency sa lahat.
➤ Para maiwasan ang scams sa free mining, pumili ng mga proyekto na may transparent na team, malinaw na tokenomics, may social proof, at sumailalim sa code audits.
- Top Free Mining Coins: Mga Pi Coin Alternative
- 1. BlockDAG
- 2. Eagle Network
- 3. CryptoTab
- 4. Electroneum
- 5. Bee Network
- Paghahambing ng Pinakamagagandang Libreng Mining Coins
- Ano ang Pi Network?
- Mga Benepisyo at Limitasyon ng Libreng Crypto Mining
- Paano Maiwasan ang Mga Scam sa Libreng Mining Platforms
- Libreng Mining Coins: May Benepisyo Pero May Kapalit
- Mga Madalas Itanong (FAQ)
Top Free Mining Coins: Mga Pi Coin Alternative
1. BlockDAG
Ang BlockDAG ay isang bagong teknolohiya na pinaghalong blockchain at DAG (directed acyclic graphs) para gawing mas mabilis at mas epektibo ang mga transaksyon sa cryptocurrency. Dahil dito, nagiging mas scalable o madaling lumaki ang sistema, kaya mas marami ang pwedeng gumamit nito nang sabay-sabay. Pwede kang mag-mine ng BlockDAG coins gamit ang mobile app o special mining device.
Gumagamit ang BlockDAG ng isang hybrid proof-of-work (PoW) mechanism na nagpapabilis ng pagproseso ng mga transaksyon. Hindi tulad ng karamihan sa mga blockchain na sunod-sunod ang pagproseso ng transactions, pinapayagan ng BlockDAG ang maramihang blocks na maidagdag nang sabay-sabay.
Dahil dito, kayang magproseso ng hanggang 10 blocks per second ang BlockDAG—mas mabilis kumpara sa karamihan ng mga PoW-based systems. May dalawang opsyon para sa BlockDAG mining: ang X1 Miner App para sa mobile mining, kung saan maaaring mag-mine ng hanggang 20 BDAG coins araw-araw, at ang X30 Miner para sa home mining, na kayang mag-mine ng hanggang 600 BDAG coins bawat araw.
2. Eagle Network
Inilunsad noong Pebrero 21, 2021, ang Eagle Network ay may layuning gawing mas accessible sa publiko ang crypto mining. Pinalawak din nito ang ecosystem nito sa pamamagitan ng EgonCoin, isang hiwalay na proyekto na gumagana sa sarili nitong blockchain, ang EgonChain. Ang EgonChain ay idinisenyo upang suportahan ang decentralized applications (DApps) at NFTs.
Hindi gumagamit ang Eagle Network ng tradisyunal na Proof-of-Work (PoW) mining algorithm. Sa halip, mayroon itong mas pinasimpleng mining process na hindi nangangailangan ng malalaking computations. Ang mga user ay makakapag-mine ng EAGLE coins sa pamamagitan lamang ng pagbukas ng app at pagpindot ng button kada 24 oras.
3. CryptoTab
Ang CryptoTab Browser ay isang Chromium-based web browser na nagpapahintulot sa mga user na mag-mine ng crypto habang nagba-browse sa internet. Ito ay idinisenyo upang maging beginner-friendly, kaya hindi kailangang magkaroon ng technical knowledge o mamahaling mining equipment upang magamit ito.
May built-in na mining algorithm ang CryptoTab na nagbibigay-daan sa mga user na kumita ng Bitcoin habang nagba-browse. Kapag binuksan mo ang CryptoTab at in-activate ang mining, ginagamit nito ang CPU ng iyong computer o mobile device upang lutasin ang mga mathematical problems. Hangga’t bukas ang browser, nagpapatuloy ang mining process.
Ang Electroneum (ETN) ay isang cryptocurrency na ginagawang madali ang pagpapadala, pagtanggap, at pag-iimbak ng pera. Madali itong gamitin sa mga mobile devices at idinisenyo bilang isang mura at epektibong paraan ng pagbabayad para sa mga produkto at serbisyo. Bukod dito, may privacy features ito, tulad ng randomly generated public at private keys.
Ang Electroneum ay para sa mga smartphone users. Mayroon itong mobile app para sa pagmimina at transaksyon, ngunit maaari ding mag-mine ng ENT sa isang PC. Ang ETN ay nakatuon sa pagpapadali ng maliliit na bayad para sa mobile games, apps, at peer-to-peer (P2P) transfers.
5. Bee Network
Ang Bee Network ay isang cryptocurrency platform na nagpapahintulot sa mga user na mag-mine ng digital currency na tinatawag na BEE gamit ang isang sistema na ginagaya ang pakikipagtulungan ng mga bubuyog sa isang hive. Ang mga user ay kumikita ng rewards sa pamamagitan ng pag-engage sa network at pag-imbita ng iba. Mayroon din itong decentralized platform para sa asset management, mini-games, at DApps.
Puwedeng mag-mine ng BEE ang mga user sa pamamagitan ng pagbukas ng app at pagpindot ng button kada 24 oras. Ang mining rate ay humihina habang dumarami ang users, katulad ng iba pang cryptocurrencies. Idinisenyo ito upang gawing mas accessible sa publiko ang digital assets, at smartphone lang ang kailangan para makasali.
Paghahambing ng Pinakamagagandang Libreng Mining Coins
Ang free mining coins ay mga cryptocurrency na puwedeng i-mine nang walang mahal na mining rig o bayad na app. Karamihan sa mga coin na ito ay gumagamit ng ibang paraan ng pagmimina bukod sa tradisyunal na Proof-of-Work (PoW). Bagama’t naiiba ang proseso, pasok pa rin ito sa konsepto ng Sybil resistance, na pumipigil sa mga pekeng account na abusuhin ang sistema.
Narito ang isang simpleng paghahambing ng mga alternatibo sa Pi Coin na puwedeng subukan ng mga gustong mag-mine ng libre.
| Network | Coin | Mobile App | Platform | Platform Algorithm |
|---|---|---|---|---|
| BlockDAG | BDAG | X1 App | Android at iOS | EPoS |
| Eagle Network | EAGLE | CryptoKara at EgonWallet | Android at iOS | N / A |
| CryptoTab | CTC | N / A | Windows, Linux, at MAC | PoW |
| Electroneum | ETN | ETN App | Android at iOS | IBFT |
| Bee Network | BEE | Bee Network | Android at iOS | N/A |
Ano ang Pi Network?
Ang Pi Network ay isang digital currency at DeFi project na ginagawang mas madali ang crypto mining gamit ang mobile devices. Maari itong ihalintulad sa Axie Infinity kung saan maari kang kumita ng totoong pera gamit lamang ang cellphone. Kahit sino ay puwedeng mag-mine ng crypto nang walang mahal na kagamitan—i-install lang ang app at pindutin ang button. Bagama’t matagal nang may mga nagdududa sa pagiging lehitimo ng proyekto, sa wakas ay nailunsad na ang mainnet noong Pebrero 20, 2025.
Bilang bahagi ng launch, ang Pi Network airdrop ay namahagi ng $12.6 bilyong halaga ng Pi Coins sa mga kwalipikadong user.
Ngayon, kasama ang OKX at Bitget bilang unang mga exchange na naglista ng Pi Coin, puwede mo nang tingnan ang aming step-by-step guides kung paano bumili at magbenta ng Pi Coin kapag available na ang withdrawals.
Bakit Mahalaga ang Pi Coin at Ibang Libreng Mining Coins?
Tradisyunal na mahirap ang crypto mining, kaya hindi ito madaling mapagkakitaan ng karaniwang tao. Ginawa ito nang mahirap sa disenyo upang maiwasan ang sobra-sobrang supply ng crypto, pero ang epekto nito ay naging limitado lang ang kita sa malalaking mining operations.
Tulad ng makikita sa tsart sa ibaba, hindi talaga madali o laging profitable ang Bitcoin mining para sa karamihan ng tao. Dahil sa mataas na kumpetisyon at malaking puhunan na kailangan sa CPU/GPU mining, marami ang naghahanap ng mas madaling alternatibo.
Dahil dito, patok ang mga libreng mining coins tulad ng Pi Coin, dahil binibigyan nito ng pagkakataon ang mga user na mag-mine ng crypto nang hindi bumibili ng mamahaling hardware.
Karamihan sa Pi Coin at iba pang libreng mining projects ay gumagamit ng proof-of-activity—isang paraan ng pagmimina kung saan ang user ay kailangang pindutin ang isang button sa loob ng tiyak na oras o kumpletuhin ang ilang simpleng gawain upang makatanggap ng crypto bilang reward.
Mga Benepisyo at Limitasyon ng Libreng Crypto Mining
| Pros (Benepisyo) | Cons (Limitasyon) |
|---|---|
| Mas madaling makasali sa mining | Maraming scam projects |
| Mas bukas sa lahat ang crypto network | Pwedeng walang halaga ang coins |
| Puwedeng gamitin ang cellphone para mag-mine |
Ang libreng crypto mining ay maaaring pakinabangan ng mga taong walang sapat na puhunan para sa tradisyunal na pagmimina. Sa tradisyunal na mining, kailangang gumastos sa mahal na mining hardware, maintenance, kuryente, at iba pang bayarin.
Samantalang sa libreng mining, walang direktang gastos—maliban sa bayad sa internet, mobile service, at paggamit ng device. Gayunpaman, may mga panganib, dahil maraming libreng mining projects ang hindi lehitimo. Ang ilan ay malware, cryptojacking software, o scam na rug pull.
Isa pang isyu ay ang halaga ng mga mined coins. Dahil walang malinaw na limitasyon sa supply, maraming libreng mining coins ang hindi nagiging mahalaga sa merkado. Kung ang coin ay may tunay na gamit, maaaring hindi ito problema. Pero kung umaasa kang tataas ang presyo nito, dapat mong pag-isipan itong mabuti.
Paano Maiwasan ang Mga Scam sa Libreng Mining Platforms
Maaari mong bawasan ang panganib sa paggamit ng libreng mining platforms. Una, siguraduhing may kilalang pangalan at mukha ang proyekto. Mas accountable ang mga creator kung may malinaw na impormasyon tungkol sa kanila. Kung biglang mawala ang proyekto (rug pull) o hindi matupad ang mga pangako nito, mas madali silang papanagutin—bagama’t walang kasiguraduhan.
Maaari mo ring gamitin ang social proof bilang batayan, tulad ng social media accounts. Ang mga scam projects ay kadalasang may kaunting social media presence at kung meron man, karaniwang Telegram o isang X (Twitter) account lang. Mag-ingat sa peke o binayarang followers—isang red flag kung marami silang followers pero kakaunti o hindi totoo ang engagement.
Isa pang paraan upang maiwasan ang scam ay ang paghanap ng code audits. Makakatulong ito upang hindi ka makapag-download ng malware o mapanganib na software.
Isa sa pinakamabisang paraan para malaman kung legit ang isang proyekto ay alamin ang social sentiment. Minsan, malalaman mo kung scam ang isang proyekto sa pamamagitan ng feedback mula sa crypto community.
Mahalagang pag-aralan kung paano gumagana ang ecosystem ng libreng mining coin—dapat may malinaw at makatotohanang tokenomics. Kapag malabo o hindi tugma ang kanilang paliwanag tungkol sa supply, demand, at distribution, malaki ang posibilidad na isa itong scam.
Libreng Mining Coins: May Benepisyo Pero May Kapalit
Para sa mga ayaw gumastos sa mahal na mining equipment, magandang opsyon ang libreng mining coins. Pero tandaan, hindi lahat ng libre ay sulit.
Maraming libreng mining projects ang maaaring scam o wala talagang halaga. Kaya maging maingat at huwag basta-basta magtiwala. Siguraduhing suriing mabuti ang isang proyekto bago sumali.
Disclaimer: Ang article na ito ay para sa impormasyon lamang at hindi dapat ituring bilang investment advice. Palaging DYOR (Do Your Own Research) bago mag-invest.
Mga Madalas Itanong (FAQ)
Puwede bang mag-mine ng crypto nang libre?
Safe ba ang crypto mining?
Ano ang pinakamagandang free crypto mining apps?
Disclaimer
Alinsunod sa mga patakaran ng Trust Project, ang opinion article na ito ay nagpapahayag ng opinyon ng may-akda at maaaring hindi kumakatawan sa mga pananaw ng BeInCrypto. Nananatiling committed ang BeInCrypto sa transparent na pag-uulat at pagpapanatili ng pinakamataas na pamantayan ng journalism. Pinapayuhan ang mga mambabasa na i-verify ang impormasyon sa kanilang sariling kakayahan at kumonsulta sa isang propesyonal bago gumawa ng anumang desisyon base sa nilalamang ito. Paalala rin na ang aming Terms and Conditions, Privacy Policy, at Disclaimers ay na-update na.
