May matinding issue ngayon na kinakaharap ng mga nag-iinvest sa Lighter (LIT) token matapos lumabas ang mga blockchain analysis na nagpapakitang may malalaking coordinated na benta na umabot na sa $7.18 milyon mula pa noong Token Generation Event (TGE).
Malaking gulo ang nilikha nito dahil mukhang may insider selling at kulang sa transparency ang Lighter project, na isang decentralized finance (DeFi) protocol na naka-build sa Ethereum.
Pinagplanuhang Deposits at Kadudadudang Galawan, Nagpapabigat sa Dapat Mas Magaan na Sentiment
Lima na magkaka-konektang wallet ang nakatanggap ng halos 10 milyon na LIT tokens mula sa latest na airdrop, na mga 4% ng circulating supply. Nagsimula na rin magbenta ng matinding volume ng tokens ang mga wallet na ito.
Napansin ng mga analyst na yung pattern ng pagdeposit, token allocation, at sales ay parang planado talaga—hindi ‘to parang normal lang na galawan ng merkado.
Unang pinansin ng blockchain researcher na si MLM ang kakaibang galaw na ‘to, kung saan lumalabas na may isang entity na nagdeposit ng halos $5 milyon USDC sa Lighter’s liquidity protocol (LLP) noong bandang April 2025.
Hinati nang pantay ang funds sa limang wallet, kung saan tumanggap sila ng total na 9,999,999.60 LIT tokens (mga $26 milyon ang halaga noon).
’Yung mga main wallet na ginamit para magdeposit sa LLP:
- 0x30cD78B301192736b3D6F27Bdad2f56414Eb6164
- 0x9A6D9826742f1E0893E141fe48defc5D61866caD
- 0x7c5d228B0EB24Ad293E0894c072718430B07Dfe3
- 0xc0562d68b7C2B770ED942D28b71Bc5Aa0209bbee
- 0xfdBf615eC707cA29F8F19B7955EA2719036044bf
Kagad napansin ang bilog-bilog na allocation at pare-parehong distribution kasi 1% ng total LIT supply at 4% ng circulating tokens ang napunta sa iisang entity—ibig sabihin, kaya nitong kontrolin at galawin ang market.
Bukod pa sa tokens na nakuha nila sa airdrop, kumita pa sila ng dagdag $1 hanggang $2 milyon mula sa LLP yield, kaya lalong tumataas ang total na hawak nila.
$7.18M Na Benta, Napa-Aligaga ang Community
Mula nang TGE, itong magkakakonektang mga wallet ay nakabenta na ng 2,760,232.88 LIT tokens. Pumalo ito sa halos $7.18 milyon. Sabi ng marami, planado at tuluy-tuloy ang pagbenta—parang talagang nililinis nila sa market, hindi lang basta nakiki-ride sa takbo ng presyo.
Pati si blockchain investigator na si ZachXBT, parang sinasabi niyang mukhang ginagawang opportunity ng mga insider itong activity na ito. Samantala, ini-explain din ng analyst na si Henrik na malaki ang epekto nito para sa mas malawak na LIT community.
“Kung totoo ’to, matindi itong concern para sa lahat ng $LIT holders, lalo na at wala talagang malinaw na update mula sa Lighter team,” sabi ni Henrik.
Hanggang ngayon, hindi pa rin nagsasalita ang Lighter team. Maraming nagrereklamo kasi walang nilalabas na official na detalye tungkol sa kung paano ginagawa ang token allocation, vesting, at distribution.
Kaya ang hirap na tuloy i-distinguish kung ano talaga yung legit na galaw ng market at ano yung posibleng insider selling.
Nangyayari pa ang isyung ‘to sa panahong maraming duda sa mga crypto airdrop at token distribution.
Supposedly, para sa reward ng early adopters at para kumalat ang ownership ang purpose ng mga airdrop. Pero kung ganito ang setup—coordinated ang deposits at pare-pareho ang allocations—puwedeng isang entity lang ang makalamang sa reward.
Pinapababa na ng mga benta na ‘to ang presyo ng LIT token at nagiging sanhi na rin ng mas malaking duda sa kung paano pinapatakbo ang Lighter. Sa ngayon, bagsak na ng mahigit 7% ang LIT token ng Lighter at nasa $2.53 ang trading price.
Posibleng sumagad pa lalo ang presyo ng LIT token, lalo na kung ibebenta pa yung natitirang 7 million LIT sa mga wallet na ito.
