Nasa 2% ang ibinaba ng presyo ng Monero sa loob ng nakaraang 24 oras, at halos 31% naman ang binagsak nito ngayong buwan. Mula nung umabot sa pinakamataas na halos $799 noong kalagitnaan ng Enero, bumaba na ang XMR ng mahigit 65%. Nagkaroon ng saglit na rebound pagkatapos maabot ang $276, kaya nag-bounce pabalik ang presyo malapit sa $330. Sa unang tingin, parang nag-stabilize na ang presyo matapos ang matinding sell-off.
Pero kung titingnan mo nang mas mabuti, iba ‘yung totoong nangyayari.
Bear Flag at Moving Averages, Tuloy Pa Rin ang Downtrend
Sa daily chart, nagtetrade ang Monero sa loob ng bear flag pattern.
Ang bear flag ay nabubuo kapag matinding bumabagsak ang presyo, tapos gagalaw pataas ng konti o magko-consolidate lang sa makitid na range. Karaniwan, nangyayari ito bilang pahinga lang bago ulit tumaas ang bagsak ng presyo, hindi ito senyales ng trend reversal. Sa kaso ng XMR, mula $799 hanggang $276 ang flagpole. Ang recent na consolidation ng presyo ng XMR, ‘yun ang gumagawa ng mismong flag.
Kung mananatili pa rin ang presyo sa range na ‘yan, malakas pa rin ang bearish trend. Kapag nag breakdown sa ilalim ng pattern na ‘to, malamang mas lalalim pa ang bagsak ng presyo.
Lalo pang pinapalakas ng mga trend indicator ang ganitong outlook.
Ang exponential moving averages o EMA—ito ‘yung price averages na mas malaki ang bigay sa pinakabagong galaw ng presyo—tumutulong para malaman kung lumalakas pa ba o humihina na ang momentum ng market. Kapag bumabagsak na ang short-term EMAs sa ilalim ng mga long-term EMAs, senyales ito na humihina na ang dating trend.
Ngayon, gumagalaw paibaba ang 50-day EMA ng Monero papalapit sa 100-day EMA. Sabay din, unti-unting lumalapit ang 20-day EMA sa 200-day EMA.
Gusto mo pa ng ganitong token insights? Mag-subscribe sa Daily Crypto Newsletter ni Editor Harsh Notariya dito.
Ibig sabihin ng mga bearish crossover na ‘to, humihina pa lalo ang short-term momentum kumpara sa overall trend. Kung mag-confirm ang mga crossover na ‘to habang ang presyo ng XMR ay kumikiskis sa lower trendline ng flag, mas lalakas pa ‘yung posibilidad na matuloy ang breakdown.
Spot Flows: Ginagamit ang Rebound Para Mag-exit, Hindi Mag-accumulate?
Makikita sa exchange flow data kung paano kumikilos ang mga investor habang nagko-consolidate ang market.
Nung unang linggo ng Pebrero, nagpakita ng malakas na outflows (buying pressure) ang Monero. Sa linggong natapos noong Pebrero 2, umabot ang net outflows sa mga $7.1 milyon. Mukhang may mga pumasok na buyer matapos ang crash.
Pero mabilis din nawala ‘yung suporta na ‘yan.
Pagdating ng linggong natapos noong Pebrero 9, naging net inflows na na nasa $768,000 ang daloy ng XMR. Mas maraming XMR uli ang pumapasok pabalik sa exchanges kaysa umaalis. Nangyari ito habang bumagsak ang presyo sa $276 at nag-bounce ulit sa $327 zone.
Makikita mo dito ang isang mahalagang bagay: pagkabounce ng presyo, mukhang nagbenta ulit ang maraming investor. Imbes na mag-hold at umasa sa recovery, ginamit ng iba ang pag-angat para magbawas ng exposure. Yung dating accumulation, napalitan na ngayon ng pag-exit sa loss.
Kapag ang outflows ay napalitan ng inflows habang nagko-consolidate, madalas ibig sabihin nito ay nagdi-distribute o nilalabas na ulit sa market ang supply. Bumabalik sa market ang mga coin. Kung walang malakas na spot demand, hirap talaga mag-survive ang mga rally. Ito rin ‘yung dahilan kung bakit mababaw lang ang mga nakaraang pag-recover—hindi sapat ang lakas ng buyers para saluhin ang mga coin na bumabalik sa exchanges.
Habang nawawala ang spot demand, napupunta ang pressure sa mga derivatives trader. Pero sa totoo lang, kitang-kita na mas nagiging maingat na sila.
Bumabagsak ang Open Interest at Mahina ang Funding—Pigil ang XMR Recovery
Mas malalaman natin ang confidence ng mga trader sa derivatives market, pati na rin kung gaano sila kagamit ng leverage. Ang open interest, ‘yan ang sum-up ng total value ng lahat ng existing futures contract. Kapag pataas ang open interest, ibig sabihin nadadagdagan ang mga position ng trader. Kapag pababa naman, nagsisi-exit o nagsasara na sila ng mga position.
Noong kalagitnaan ng Enero, umabot sa halos $279 milyon ang open interest ng Monero. Pagdating ng Pebrero 10, bumagsak na lang ito sa $110 milyon. Tumaas na ang ibinaba ng open interest ng mahigit 60%.
Ganito kabigat na pagbagsak, ibig sabihin nag-e-exit na ang leverage sa market. Mas pinipili ng traders na magbawas ng risk, imbes na sumugal sa matinding rebound.
Sabay nito, nananatiling medyo positive ang funding rates. Ang funding rate, ‘yan ang halaga na binabayaran ng traders para mag-hold ng futures position. Kapag positive, long traders ang mas lamang. Kapag negative, short traders naman ang dominant.
Magaan lang ang positive funding rate ng XMR ngayon, ibig sabihin kahit papaano, may mga trader pa ring bullish ang tingin. Pero dahil hindi tumataas ang open interest, parang kulang sa kumpiyansa ang sentiment kahit bullish pa sila.
Mukhang mahina ang kombinasyon na ito. Konti lang ang mga trader na sumasali, pero hindi pa rin totally nawawala yung optimism. Dahil dito, maliit din ang chance ng short squeeze—kailangan kasi ng matinding bearish positioning para mangyari ito. Kung walang ganoong pressure, mababa ang posibilidad na biglang tataas ang presyo.
Habang nababawasan ang leverage at nag-aalangan ang mga spot buyer, parang walang sapat na lakas ang presyo para makarekober nang tuloy-tuloy.
Bakit $150 ang Pinupuntiryang Target Ngayon ng Presyo ng Monero
Ngayon na pare-pareho ang nakikitang bearish signal sa technical, spot, at derivatives, mas nagiging importante ang mga support level sa baba.
Ang unang major support ay nasa bandang $314. Dito pumapasok ang mga recent low at yung lower boundary ng bear flag. Kapag nabasag pa ito, may malaking chance na tuloy-tuloy pa ang pagbaba.
Kapag hindi nag-hold ang $314, mabilis na puwedeng magbukas ang mas malalim na bagsak.
Ayon sa isang key Fibonacci retracement level, yung susunod na major demand zone ay nasa bandang $150. Kung bababa ang presyo mula sa current level papuntang $150, halos higit pa sa 50% ang ibabagsak — kapareho ng naunang major drop.
Mababa pa sa $150, meron pang mas malalim na support sa $114 at $88. Pero, kitang-kita na yung $150 ang pinaka-importanteng zona kung saan pwedeng bumalik ang mga long-term buyer, kasi may psychological na halaga talaga dito. Kaya ito ngayon ang pangunahing downside reference ng mga trader.
Sa ngayon, naiipit pa rin ang Monero sa pagitan ng mahina na demand at tuloy-tuloy na supply. Yung bear flag ay nagpapakita ng consolidation, hindi recovery. Makikita sa spot flow na mas bentahan ang nangyayari imbes na accumulation. Yung open interest din ay nagpapakitang umatras ang mga traders, hindi lumalakas ang confidence. At sa funding, may optimism pero walang tototong paninindigan.
Para mabasag at mawala yung bearish pattern, kailangan mag-close ang presyo ng Monero sa ibabaw ng $350 at $532 sa daily candle close.
